مواجهة بين آدم وحواء

موسى محمد موسى


	بسم الله الرحمن الرحيم فكرة الموضوع هي عبارة عن (حوار ساخن) بين فريقين (الشباب × البنات) هناك أمور يكرهها الرجل في المرأه أو لا يستطيع فهمها . . . . وهناك أمور تكرهها المرأة في الرجل أو لا تستطيع فهمها سنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة و موضوعية وبعيداً عن التعصب حتى نخرج منه بنتائج إيجابية. . . . بداية الحوار سيقوم فريق [ الشباب] بطرح سؤال عن أمر معين لا يعجبه في [البنات] وسيقوم فريق البنات بإعطاء صورة مغايرة لفهم الشباب . . . وبعد إعطاء الإجابات والمبررات الكافية يصبح فريق [البنات] في وضع الهجوم . . ويطرح سؤال على فريق [الشباب].....وهكذا يستمر الحوار يحق للجميع المشاركه وابداء الرأي .. وأرجوا أن يكون الرد مع الحق دائماً بعيداً عن الإنتماء و التحيز . . . (( صافرة البداية )) ..>>> .. سؤال من فريق [الشباب] موجه إلى فريق الـ [البنات] ".. الموضوع منقول وعبارة عن إبداء وجهة نظر لا أكثر لكي نجد الخطأ من كل ناحية ونقوم بتعيدلهُ ******************** ,, دمتــــــــــــم في حفظ الرحمن ,, ******************** راقَني

سليمان عمر

الملاحظ هالأيام انو الواحد لما بيسألو حدا ايمتا بدنا نفرح فيك بيجاوب من وين يا حسرتي

موضوع المطالب من جهة البنت وأهلها من دهب وبيت وسيارة ووظيفة متل العالم والناس وووووو يعني الشب طالع متخرج جديد من الجامعة وعم يسعى ضمن الشي اللي صاححلو وحابب يكمل نص دينو بس من وين بدو يجيب ويحقق كل هالمطالب
-البنت لما بتطلب هالطلبات كلها مقتنعة انو هالشب اللي عايف حالو رح يحققلها طلباتها ولا هاد الشي تعجيز ولا شو؟؟
(ياترى البنت وأهلها عايشين معنا بهالدنيا ولا جايين من كوكب تاني؟؟!!)

مشكور أخي موسى عالموضوع

موسى محمد موسى

أهلا وسهلا أخي سليمان يلا وهادا سؤال وجيه
لنشوف الرد أو تبرير الموقف
ممنونك أخي سليمان على هالسؤال الخطير

rehab

الموضوع حلو كتير ومفيد أخي موسى برافو عليك

أخي سليمان سؤالك كمان حلو وهاد معاناة شباب هالأيام
أنا ما رح جاوبك لأني كمان بسأل هالسؤال للبنات
وبستغرب التعجيز بموضوع الزواج ومتل ما منعرف إنو المفروض نرضى بأصحاب الخلق والدين
وطبعاً لا غنى عن بعض الأمور اللي بتعيشنا عيشة كريمة

كل البنات بيتمنوا هالأشياء متل بيت وسيارة وووووووو ولكن صعب يكونوا موجودين مع واحد متخرج و لسى ببداية حياتو مع الوقت بيصير طبعاً لما بدو يكون فيه أساس .
طبعاً ما كل البنات بيطلبوا هالطلبات منشان الحق وكتير بدهم انسان كويس ويعيشوا حياة كريمة ما ضروري فارهة .

على كل الأحوال جواب السؤال لازم من البنات اللي بيطلبوا هالطلبات

بانتظار الأجوبة *ممم

موسى محمد موسى

أهلا وسهلا أختي رحاب نورتيني
وأنا عندي سؤال كتير قاسي بس لحتى نفك رموز هالسؤال يلي نزلو
أخي سليمان
بانتظار المناقشة ولنشوف لوين بدنا نصل
بهالرحلة

1rami5

جزاك الله خيرا على الموضوع *good

وين الاجوبة ما عم نشوف شي *خوف

الظاهر انو بنات آرتي ما بيطلبو هيك أشياء

عذراً...إنها حمـــــــــــــــــص

عذرا (فيثاغورث) حمص المعادلة الأصعب
عذرا (نيوتن) حمص هي التي جذبتني
عذرا (ديكارت) انا حمصي إذا انا موجود
عذرا (دافنشي) الفتاة الحمصية أجمل من الموناليزا
عذرا (أديسون) حمص هي مصباح العالم
عذرا (أفلاطون) حمص هي المدينة الفاضلة
عذرا (روما) كل الطرق تؤدي إلى حمص
عذرا (جوليت) حمص هي حبيبتي وستبقى إلى الأبد

من منَا لايحبها؟؟؟؟؟؟؟؟؟؟!!!!!
ما من امرئ خذل مسلما في موطن ينتهك فيه حرمته إلا خذله الله في موطن يحب فيه نصرته

موسى محمد موسى

1rami5,

أهلا وسهلا أخي الكريم نورتنا
والله لحد الآن عم ننتظر مناقشة جديرة على أول سؤال طرحو أخي سليمان
ومنتظرين فرج الله
يعني معقول نسكر الموضوع على أول سؤال
والله مابعرف عكل حال منتظرين ومافي حدا تكرم علينا من بنات آرتين
غير أختي رحاب الله يجزيا الخير
انتظر أخي يمكن في أعضاء لسا ما شافو الموضوع أكيد رح تشوف أجوبة بمحلّا
وعلى مسؤليتي

رشا

شو هلهجوووووووم وعفكرة كانو كان في موضوع بيشبه هاد الموضوع شاركنا فيه من قبل اي المهماول شي هسؤال ما لازم يتوجه الي انا لان مو من هنوع وتاني شي والله بصراحة معكن حق يا شباب لانو اهم شي البيت والباقي بيجي بعد البيت بس لانو كمان بنات العالم مو تجيبن هيك وتحطا قدامك يعني مو لعبة افترض اختك محلا
بس كمان لدرجة التعجيز وبدي وبدي وبدي والله انا مو من انصار هاد الشي بالعكس بساعدو وبنساوي كل شي سوا بس لما تكون البنت ما في وراها دخل مادي بدا تطلب بس كمان شي زايد عن حدو مو منيح هلا بجوز بتخاف على حالا بلكي صار ما صار وتطلقت وهيك بفكرو البنات بصراحة بس لما بكون في مورد مادي للبنت ما في مانع انن يتساعدو بالبيت وبعدا بتجي السيارة بيتعاونو سوا اانا هاد رايي وعفكرة هلا لشفت الموضوع *Hi

تحياتي

عابرة سبيل

سليمان231 كتب:

موضوع المطالب من جهة البنت وأهلها من دهب وبيت وسيارة ووظيفة متل العالم والناس وووووو[/size]

بالضبط انتي من وين رحت تخطب عشان يطلبو منك هيك طلبات؟؟!! *---

يعني مين في عنا هون بيطلب بيت وذهب وسيارة ومدري شو
هالحكي مو مزبوط أبدا *واو

يعني أكتر شي بينطلب هو الوظيفة أو الدخل على الأقل يكون مناسب
وحتى موضوع البيت أنا بعرف كتييييييييير بنات تزوجو لبيت حماهون أو لبيت أجار
يعني لسه لهلق ما سمعت وحدي اتزوجت وكان بدها كل هالشغلات
يمكن يلي بتطلب هالطلبات وحدي مابدها تتزوج *ممم

موسى محمد موسى

راجع لحتى ناقشكن بس لحتى أفطر
يلا صياماً مقبولاً وإفطاراً شهياً

آخر المشاركات

قوانين المنتدى

مواجهة بين آدم وحواء