- يمنع منعاً باتاً طرح المواضيع الحوارية عن الحب و ما الى ذلك . - يرجى احترام الآراء المختلفة وعدم الإساءة للأعضاء . - يرجى عدم كتابة الردود الخارجة عن الموضوع . كما نرجو الاطلاع على قوانين القسم المعلنة . - في حال مخالفة أي قانون , يحق للمشرف أو المدير إغلاق أو تعديل المواضيع من دون الرجوع لصاحبها
مرحبا زملائي... أكيد لاحظتوا انو بهالأيام صار شي طبيعي انو نشوف صبية عم تدخن بمكان عام أو بسيارة.. أو حتى بالجامعة!!! في ناس بتقول انو تدخين المرأة نابع من ثقتها بنفسا وعدم اهتمامها برأي الناس اللي حواليها أومن طبيعة تربيتها ببيئتها اللي بتعطيها القوة حتى تواجه مجتمعها الشرقي اللي ما بيشوف مكانها الا البيت وتربية الأولاد.. ........ وفي ناس بتشوف انو منظر السيجارة بيد البنت الو مفهوم سلبي ودلالات سيئة لكن في ناس كمان بتعتبر تدخين المرأة شيء حضاري وبيعبر عن حرية المرأة وقوة شخصيتها بالوقت الحاضر ثبت انو 45% من ربات البيوت والعاملات وطالبات الجامعات بيمارسوا عادة التدخين سرا وعلنا.. واذا سألت وحدة منهن عن رأيها بالتدخين بتقول: ( شو الرجال أحسن مننا) أو (وين الغلط اذا دخنت ؟ شوفوا الغرب كيف عم يتطور!!!!!) يعني ببساطة المرأة المدخنة عندها قناعة انو السيجارة بتعكس حريتها الشخصية واستقلاليتها من جهة وبتعبر عن مساواتها بالرجل من جهة ثانية.. بس المشكلة الأكبر انو ظاهرة التدخين عند البنات انتشرت مؤخرا وبشكل ملحوظ ضمن الجامعة (في الحدائق وبعض الندوات) يعني تقريبا 5% من طالبات الجامعة بيدخنوا بشكل علني داخل الجامعة وهالنسبة عم تزيد بشكل تدريجي.. و بشكل عام 75% من البنات الناضجات والجامعيات بيمارسوا التدخين باعتبارهم كبروا وصار قرارهن بايدهن طبعا الأسباب كتيرة يعني أحيانا ممكن يكون السبب انو الأم مدخنة وهالشي بيشجع البنت باعتبارها كبرت انو تدخن متل والدتها.. وأحيانا ممكن يكون عند البنت صديقة مدخنة وبهالحالة مشوار بعد مشوار ومرة بعد مرة بتتعلم تدخن متل صديقتها كل هاد وما حكينا عن الأرجيلة يلي معظم الناس بتعتبرها مباحة للبنات اكتر من السجائر يعني كتير ناس مابينقدوا البنت اللي بتدخن أرجيلة بس ياويلنا اذا شافوا بنت بتدخن سيجارة...يعني بالنهاية كلو تدخين والسؤال: هل تدخين الفتاة يفقدها أنوثتها؟؟ هل يبعدها عن معالم الخجل والحياء؟؟ هل هو مظهر حضاري؟؟ هل يعبر عن استقلاليتها وقوة شخصيتها...؟؟؟وتختلف الآراء...
Kinda,
للاسف في بنات ما عادت استحت لا عسمعتها و لا ع انوثتها ....
و صارو بعض طالبات البكلوريا يوقفوا علني و بشترو دخان فلت يعني 4 سيكارات مشان البريستيج
......نا هيك عن الل بيمشو جنبهن كلب .... و نحنا ما عنا هالعادة...
و غير البنات اللي بتتجمع بالتواليتات مشان يدخنو و يروحو عن نفسهن..........
و احقر شي اذا بنت علمت بنت ع الدخان عاساس متمردة و شغلة
من ناحيتي....... الفتاة المدخنة......لا مكانة لها في الاحترام ...
[align=center]اذا كانت المرأة بتدخن لأن هيي مقتنعة أنا ما بلاقي مشكلة بهالموضوع بس تدخين عن تدخين بيفرق.... يعني الطرقة اللي بتكون عم تدخن فيها كيف؟من طريقة التدخين منعرف اذا كانت عم تدخن للمنفخة والتمرد وللمرجلة أو لأنها مقتنعة بالدخان وكأنو شيء ما بيغير من انوثتها.. في كتير من النساء الراقيات والمفكرات ذوات المكانة المرموقة بالمجتمع وبدخنوا بس طبعا باسلوب !!! أنا ماني مع التدخين وأصلا الباا اذا بدو يدخن بغرفتي ما بسمحلو (اذا كان الوضع متأزم والبيت مليان عالم واضطر يدخن بلطش منو ضريبة 100 ليرة عالسيكارا )[size=24]بس ما بنظر للمرأة المدخنة نظرة سيئة لأن بالآخر هي قناعة وكل انسان هو وقناعتو.......[/size][/align]
[align=center] [/align]
شوفي كندة النظرة لهذه المراة بحسب المجتمع التي تعيش فيه وحكيتي أنت عن الأركيلة اللي هية أضر من الدخان والدخان للمرأة بالمجتمع العربي عيب هيك بقولو بس بعد عشر سنين رح يصير عادي لأنو هلأ هو ظاهرة جديدة و على المخفي هيك بتوقع وبالنبسة لرد فارس يا عم أنت مو عايش مع الزلمة مو عرفان ظروفو لانو في ناس بتدخن لأنو هموم الدنيا فوق راسها وانا ما بخفي انو ادمان كمان بس احسن ما يطق الواحد و يموت
بالنسبة للاسئلة
انو بيفقدها الانوثة soso بس بعدين ؟؟؟؟؟؟؟؟؟؟؟؟
يبعدها عن الخجل ما أظن لأنو الخجل طبع ،في بنات ما بتدخن وما عندها خجل
لا يقارن بالحضارة هاد رأيي
أي وكبيرة لانو عم تساوي شي جديد و مرفوض من المجتمع
وكل البنات اللي بيدخنو بيتمنوا انو يدخنوا علني بس بيخافوا ع السمعة لأنو اللي بتدخن بمجتمعنا مو مليحة بس اللي بتأركل عادي
عيش اكتر بتشوف اكتر
المشكلة انو في كتير مشاكل عم تنطرح بأسم حرية المرأة
انا ما رح ضيف شي للي قلتوه بس انا برأي هيك مشاكل ما إلها حل غير انو مستوى التفكير شوي يرتفع عند الناس لأنك ما بتحسن تقول للواحد او وحدة بيصير وو ما بيصير
بس بالنسبة للأركيلة انا بلاقي انو بحدود معينة ممكنه للكل
والله أنا انسان مدخن بشراهة ، وصرلي تقريبا أكتر من 10 سنوات بدخن وممكن يوصل المعدل الوسطي اللي بدخنو باليوم الواحد لل30 سيكارة يوميا
بالنسبة للي عم تسموها مشكلة تدخين البنات
هاي برأيي مشكلة ما بس للبنات وللشباب كمان (يعني التدخين مشكلة وأنا بعترف بهالشي)
بس برأيي أنا ما عندي أي مانع من انو البنت تدخن بمكان عام بس ضمن حدود (يعني متل ما انذكر من قبل انو مسكة السيكارة الها دلالات)
وبتضل مسألة التدخين كمان حرية شخصية!!!!!
في عندي رفيق صرلنا صحبة من زمان؟؟؟ وأنا بدخن وهوي لأ؟؟؟ ليش ما تعلم؟؟؟
هاي حريتو إنو ما بدو يدخن وأنا ما بغصبو
هادا رأيي بصراحة تامة
باوربا وامريكة عم بكافحوا التدخين بشكل عام ان كان للرجال او للنساء وهلأ قطعوا مراحل كبيرة بهالشي
أما عنا لهلأ مفكرين انو هاد تطور وحرية
مع اني بعتبرها تبعية وتقليد للغير....... أنا ضد التدخين كان للشب ولا للبنت
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى