| آرتين لتعليم اللغات http://forum.art-en.com/ |
|
| لا تحاول تغير قناعتووو http://forum.art-en.com/viewtopic.php?f=2&t=22752 |
صفحة 1 من 1 |
| الكاتب: | سهوان السهوان [ الجمعة تشرين الأول 22, 2010 2:47 م ] |
| عنوان المشاركة: | لا تحاول تغير قناعتووو |
الانسان العربي ... لاتحاول تقنعو أنو يرمي الوسخة يلي بايدو بشي سلة مهملات ... هو مقتنع أنو هو حر ووين ما بدو بيرمي الوسخة وأرض الوطن للجميع وما حدا دخلو ... هو هيك مقتنع لا تحاول تغيرلو قناعتو !!! لا تحاول تقنعوا أنو سرقة الكهربا والمي ما بتجوز وحرام ... رح يحطلك مليون سبب ويبررلك أنو يلي عم يعملو شي عادي وغيرو عم يسرق ملايين ... هو هيك مقتنع لا تحاول تغيرلو قناعتو !!! لا تحاول تقنعو أنو يدرس من أول السنة لآخر السنة ... هو مقتنع أنو دراستو قبل الفحص بكم يوم كافية ووافية لحتى يترفع ويجيب علامات ويتخرج ويصير عضو فعال بالمجتمع كمان ... هو هيك مقتنع لا تحاول تغيرلو قناعتو !!! لا تحاول تقنعو أنو الواسطة بتخرب الدنيا وبتخلي المجتمع يرجع مئات السنين لورا وبتوقف تقدم المجتمع ... لأنو الواسطة رح تحطو بمكان غير مناسب مارح يقدر يأبدع أو يقدم شي بهالمكان لأنو مو مكانو المناسب ... هو هيك مقتنع لا تحاول تغيرلو قناعتو !!! أوعى تحاكي بموضوع الرشوة أوعى ... هي الرشوة صارت من ضرورات الحياة اليومية ... واذا بتحاول تقنعو أنو الرشوة كمان رح تخرب البلد ورح تنزع الدنيا ... رح تكون عندو أجوبة جاهزة وفتاوى من رجال دين وشي فظيع ... يعني مثلا اذا خالفو شي شرطي لأن خالف قانون السير ... أي أفضل ؟! يدفع مخالفة بهديك الحسبة ولا يمشي حالو بكم ليرة يدفعهن رشوة ؟! مافي نقاش بالموضوع ... هو هيك مقتنع لا تحاول تغيرلو قناعتو !!! واذا كان من الشباب يلي روح قلبن يطبقو بنات ... أوعى تقلو عندك أخوات بنات ... والدنيا دولاب ... ممنوع تحكي بهالموضوع ... لأن أخواتو مربايين وشي أخلاق عالآخر ... ومستحيل يكونو ضحايا لأي شب ... متل ما غير بنات وقعو ضحايا تحت أيدو ... هو هيك مقتنع لا تحاول تغيرلو قناعتو !!! بالدين والمذاهب .... أوووووووووعي تقرب أوووووووعى ... يلي هو ماشي عليه الصح ... وكل خلاف لذلك خطأ ... اذا هو بحط أيديه تحت صدرو بشوي أثناء الصلاة ... فكل شخص ما بيعمل هيك مشكوك بأمرو ... واحتمال كبير ما يفوت عالجنة ... هو هيك مقتنع لا تحاول تغيرلو قناعتو !!! وأثناء النقاش بأي موضوع ... إياك أنو تغلط وتثبتلو بالدليل الدامغ أنو حكيو غلط وكل الدنيا قالت أنو حكيو غلط ... اذا بتثبتلو بالدليل القاطع وبتطالعو غلطان رح يكرهك ويكره عيلتك ... ويتحول النقاش لسب وشتم ويمكن ضرب ... دير بالك ... هيك مقتنع لا تحاول تغيرلو قناعتو !!! هي بعض الظواهر يلي بتدايئني بكل عربي فهمان الدنيا بالمقلوب ... اذا حدا عندو شي اضافة يتفضل ... وللحديث تتمة ... |
|
| الكاتب: | Mano [ الأربعاء كانون الثاني 19, 2011 3:44 م ] |
| عنوان المشاركة: | لا تحاول تغير قناعتووو |
لا ما رح حاااااااااااول أبداااااااااااا لأنو بعمروااااااااا ما رح يتغيررررررررررر أسفي على عمرررررري وروحي يلي عم تضيع مع هيك نماااااااااااااااذج مستحيل تتغيرررررررررررر وأنا ما عم بقدرررر صيررر متلن ودايما أنا االخاسر الأكبرررررر وأنا الغلط طبعاااااااااا ويا ويلي إذا فتحت تمي رح تخسرني أمي...  ألف شكررررررررر سهوان السهوان, 
|
|
| الكاتب: | l'entrantaumure [ الأربعاء كانون الثاني 19, 2011 4:59 م ] |
| عنوان المشاركة: | لا تحاول تغير قناعتووو |
اللي بيقهر انو بتضطر تدفع رشوة و تشغل واسطة لتقدر توصل لحقك و للمكان اللي انت لازم تشغلوا وتبدع فيه و تفيد وطنك لأن اذا نت مادفعت رح يجي مين ما بيستاهل و يدفع و ياخد المحل ويضر البلد دبل -_-_-_-باستغرب كيف بلدنا يللي فيه كل هالقيم و الاخلاق و الاديان العظيمة يللي كلها بتنهي عن الرشوة ...مستشري فيه الفساد بهالشكل المخيف |
|
| صفحة 1 من 1 | جميع الأوقات تستخدم GMT + ساعتين [ DST ] |
| Powered by phpBB® Forum Software © phpBB Group http://www.phpbb.com/ |
|