الزواج من الطرف الاخر دون قناعة تامة ........ناقش معنا

rehab

السلام عليكم

الزواج سنة الحياة .....ومنا ممن هم متزوجون او على أبواب الزواج

كثير من الناس نجبرهم الحياة على القبول بالزواج من الطرف الاخر بدون رضا تام بسبب الظروف الاجتماعية أو المادية أو ربما خوفاً من العنوسة أو أي سبب اخر ..........
ما مدى نجاح أو فشل هذا الزواج؟
ماهي السلبيات و الأيجابيات الناتجة من هذا الزواج ؟

أعطونا أرائكم.........ان كانت عن تجربة أو وجهة نظر :shock:

Safwat

اقتباس:

ما مدى نجاح أو فشل هذا الزواج؟

مانو ناجح بنسبة كبيرة
زواج استهلاكي ....سريع ...فعاليتو قليلة ....و مشاكلو كبيرة لان الزوجة بتصير غريبة و مكروها بعد اول مشكلة

اقتباس:

ماهي السلبيات و الأيجابيات الناتجة من هذا الزواج ؟

الايجابيات ......المصاري بس و اللبس و الروحات و الجيات و الكسادير و الحرية الزايدة بالعلاقات
السلبيات
متل سلبيات اي صفقة او بيعة و شروة فاشلة

فادي

Safwat,

يا اخي بتعليقك بسطت معقد

اولا:
بسطت الاسباب الي ممكن تدفع الواحد " ان كان شب ولا بنت" لهيك زواج

وحصرتها بالاسباب المادية مع انو اغلب هيك زيجات ناجمة عن عوامل تانية

يعني متل ما قالت الاخت رحاب قد تنجم من الخوف من الوحدة و مو كل الناس الله بيبعتلون حدا يحبو

او ممكن تجي من ضغوط اجتماعية و بكفي كلمتين ليعملو للواحد 100 عقدة
" ايمتا بدنا نفرح فيك\ي " " الي اصغر منك صار عندن ولاد "

تانيا:
بسطت النتائج وحكمت علي باحكام مسبقة وجزمت بفشلو مع انو اغلب زيجات مجتمعنا من ها النمط

نجاح وفشل هيك علاقة بتقوم على اسلوب تعامل الطرفين مع بعضن مو على قوانين مسبقة
لانو القصة مو علم صحيح يعني مو 1+1=2 مو رياضيات

انا بشوف ان ممكن علاقة متل هي تنتج زواج ناجح
تقبلو مروري

rehab

Safwat

بالشق الأول انت حكمت انو النتيجة سلبية على المرأة رغم انو ممكن الطرفين يتأثروا بالمشاكل ,على كل حال انا معك ممكن كتير بأول مشكلة حتى لو بسيطة تتضخم وينتج عنها نتائج سلبية على الطرفين لعدم القبول.
بالشق التاني انت اعتبرت الزواج مصلحة مادية وهو ممكن اكيد ان يكون بدافع المادة شخص فقير مادياً ممكن جداً أن يتزوج الاخر وممكن أن يكون هناك فارقاً بالسن مثلاً عندها أكيد لن يجني سوى ما تفضلت ,لأن الزواج المادي غالبا وربما مؤكد هو فاشل.
على كل واضح أنك ضد هذا الموضوع مهما كانت الأسباب فقد تكلمت عنه بنبرة حادة وبعض العصبية.
أسعدني مرورك ودمت بود

rehab

فادي

أكيد الأسباب التي تؤدي لهيك زواج كثيرة جداً ولا نستطيع ان نحكم بالفشل على الكل فمثلا الشخص الذي يتزوج زواج مرغماً عليه بدافع مادي غير الذي يتزوج زواج مرغماً عليه كزواج الأقارب مثلاً وبعد الزواج يكتشف الطرفان انهما مناسبان لبعضهما .باختصار الاسباب كثير ة والتجربة خير برهان
شرفتني بمرورك ودمت بود

سيرين

بحب علق على التالي :

اقتباس:

ما مدى نجاح أو فشل هذا الزواج؟

النجاح و الفشل واردين بكل زواج و شو ما كانت أسبابو و العوامل ألي أدت لحدوثو سواء كان عن قناعة أو غير ذلك :arrow:

اقتباس:

ماهي السلبيات و الأيجابيات الناتجة من هذا الزواج ؟

هاد الشي بيعتمد بالدرجة الأولى على الزوجين و مدى تفهمن و احترامن لبعض و على مدى تقديرن للعلاقة الزوجية :arrow:

rehab,
شكراً على هذا الطرح :wink:

أنس الدالي

رحاب
الموضوع ما بظن متعلق بشي تقليدي أو ارتباط عن سابق علاقة ان كانت صداقة أو معرفة أو حب
كتير ناس نحنا بحياتنا اليومية منكون منكرهن بيعملوا شي عظيم وبيرفع الراس لألنا وبخصنا أو حتى يمكن يكون ما بخصنا الشي الي عملو وبالرغم من هيك منصير انحبهن وبيكبروا بعينا كتير وبينقلب كل الكره والبغض الى حب
ونفس الشي اذا أخدنا الموضوع باتجاه عكسي
وقيسي على ذلك الزواج أيآ كانت طريقة الارتباط
الاستمرار بالزواج أو عدم الاستمرار بعود لتقارب الأفكار وسرعة البديهة في التكيف والتغير ما بين الزوجين
شكرآ على الطرح

عاشقة العربية

موضوع الزواج بالذات، شغلة نسبية
وبتعتمد على الطرفين من حيث مدى التقارب الفكري والاجتماعي.

يعني برأيي موضوع القناعة بهالموضوع، يكون بالقناعة بفكرة الزواج بحد ذاتا، وبتقبل الطرف الآخر وحياتو وبيئتو بأيام الخطبة.
وأي شي بيجي غصب ما رح يكون فيه قناعة

rehab,

rehab

سيرين

كلامك كتير صحيح أي زواج معرض لواحد من تنين النجاح او الفشل مهما كانت أسباب الزواج رضا او لا . ممكن اتنين يتزوجوا عن حب وبعد العشرة تتغير المفاهيم عندهم :cry:

و أكيد الاحترام المتبادل وتقدير الحيا ة الزوجية وهاد رأيي كمان هنن اساس أي علاقة شكراً جزيلاً لك وشرفتيني برأيك العملي *ورود

أنس الدالي
قصدك اننا ما لازم نحكم على أي زواج من خلال طريقة الارتباط ,فبعد العشرة أكيد بتتغير المفاهيم وممكن كتير الي ما كان راضينا يصير كتير رائع بسبب تقارب الافكار مثلاًوالقدرة على التكيف مع الاخر والظروف الجديدة ايضاًبشكرك لرأيك الواقعي وشرفتني كثيراً

هدى
نتائج أي زواج بشكل عام هيي نسبية حسب درجة التفاهم وتفبل الاخر أو عدمو .
وأكيد تبدأ القناعة بفكرة الزواج اولاً ,ولكن اذا لم يكم هناك خطوبة مثلاً ليتم خلالها التقارب وبيتم الزواج مباشرة وغصب بما ان موضوعنا عن هذا النوع من الزواج فبهي الحالة شو رح يصير بعد *ممم

أكيد ممكن ينجح الزواج وممكن لا حسب ظروف وشخصية وافكار وأسباب الزواج والله وأعلم .
تحياتي الك وبشكرك جدًا لرأيك *ورود

تحياتي لكم جميعاً ودمتم بود

Htaleb

برايي انو لازم نفرق بين نوعين لهادا النوع من الزواج
الاول: على الاغلب هيك نوع من الزيجات رح يكون بالمجتمعات مابدي قول
المتعصبة بس خلينا نقول يلي متمسكة بتقاليدها هي
بهي الحالة مابتحسن تحكم عليه فاشل ولا ناجح
لانو في قناعة من الطرفين ليس بهذا الزواج وانما بالتقاليد الموروثة
التاني: اذا كان هذا الزواج في مجتمعات تانية ولاسباب مختلفة
متل ماذكرتوا مادية اوخوف من الوحدة او العنوسة ..........
فرح تكون المشاكل كتيرة وبتتضخم بسرعة
وبالاغلب هو زواج فاشل

rehab:موضوع مميز

آخر المشاركات

قوانين المنتدى

الزواج من الطرف الاخر دون قناعة تامة ........ناقش معنا