بسم الله الرحمن الرحيم

السلام عليكم :

انه لمن دواعي نجاح اية فرد في حياته

هو نجاحه في الحياة الاجتماعية

لكن كيف نستيطع ان نميز بين مايعود علينا بالنفع و الأجر من تواصلنا الاجتماعي

و بين ما ليس له داع

للأسف مطب وقعت فيه , خاصة اني احاول ان اتبع نظام صحي شرعي في النوم و الاستيقاظ الباكر

على عكس عادة غالبية الوسط الاجتماعي الذي نعيش فيه في السهر و الاستيقاظ المتأخر

ففحين أود ومن كل قلبي المشاركة اجتماعياً في جميع الأحداث الاجتماعية التي تحصل إلا انها تتعارض مع النظام الصحي الذي اتبعه

البارحة : حزنت حزن شديد بعد حادثة حصلت معي تتعلق بهذا الامر

ففرحتي لم تكتمل , عندما جهزت نفسي للذهاب الى قضاء واجب اجتماعي , تحدد وقته قبل المغرب

ففحين كنت على اتم الجهوزية في الوقت المناسب , الا ان من سيصحبني من عائلتي  ماطل و بدد الوقت بين هنا و هناك حتى جاء المساء

و اقترب موعد نومي , فما كان مني الا ان غيرت ثيابي و خلعت عن نفسي كل ما زينت به نفسي ووضعت الهدية التي حضرتها جانباً

و بقيت ممقوتة و حزينة طول الليل ,

فالبوقت اللي بنحب نشارك الناس فرحتهم , الا ان عادة الناس السيئة تحرمنا من الفرحة و المشاركة

عنجد مليت

أصبح لدي حيرة بين ما يتوجب عليه المشاركة فيه و بين الالتزام بالنظام الذي وضعته لنفسي

لكن جواب لاح في الأفق , عساه يكون خيراً

أتمنى مشاركتكم الرأي

..............................

السلام عليكم :

أنت رسمت لنفسك نظاماً وجدت فيه الخير والراحة لنفسك .. نظامك غير تقليدي في الوقت الحالي



بس المشكلة انو عم انحرم ببعض الأحيان من خلطة الناس و عم روح عليي مناسبات كتير بحب شارك فيها

وهاد الشي اللي عم يخليني نوعاً بعيدي عن نشاطات المجتمع , اللي بحب كون جزء منه و بحب كون نشيطة فيه



مزبوط , بصراحة ببعض الأحيان- مع انو هيهات عن اوجه المقارنة - أشعر بشعور الأنبياء عليهم صلوات الله وسلامه عليهم

وقت يقولو للناس الحق و يجيبو أدلة , بس الناس ما بتقتنع , مع انو الحق واضح , بس كان الناس يكذبوهم و يقولو : انو بدكن تبعدونا عن ملة آباءنا

او اذا بدنا نقيس على هالزمن : انو بدكن انتو تغيروا الكون , اذا كل الناس هيك ماشيين , انت بدك تقلبي موازيين العالم هاه  

مع انو سر نجاح الغرب هوي الشي اللي عم تدعي الو

والله والله , اني ذهبت إلى بلد أوروبي , أقسم ان طول النهار فيه كان يدهشني

فيه بركة بالوقت عجيبة

لك الناس ما عرفانة , يعني هون ببلادنا بتلائينا عم نفكر بالموت ويوم القيامة و انو قصر النهار دليل على انو راقتربت الساعة

و خوف و رعب و قلة بركة

وهنيك وقت طويل و بركة اكتر و اطمئنان اكتر حتى ما بيخطر عبالك فكرة يوم القيامة و قربت و..و .. لسبب انك مو فاضي

وبتلائي حالك مشغول , اذا ما مشغول بتلائي نفسك عم تسعى في مناكبها

المعنى مو يعني انك نسيت الآخرة

بس في فرق بين انك حاطط الآخرة بوجدانك و هي بعقلك الباطني وماشي حياتك بروية

وبين انك عايش مرعوب منها , متلبك بخيالك ماعم تعرف شو تعمل , وهاد الشي اللي عم لاحظو عنا

و السبب هاد هوي : عنا في قلة بركة ناتجة عن انتشار ظاهرة السهر و قلة الاستيقاظ الباكر

مشان هيك يومنا قصير

في حديث صرت قايلتو كتير :

بالمعنى : " إن الله إذا غضب على قوم جعل ليلهم نهارهم و نهارهم ليلهم "

و الآخر : " لا بركة بعد العشاء "

يعني اذا معظم حياتنا العملية عم تكون من بعد العشاء فما فيها بركة

ف لـــــــــيــــــــــــه ؟



يعني انت كمان بتنام عحين    ولا شو هوي العمل الغير تقليدي ؟ تشوقت اعرفه

لأن هيك بلائي في حدا معي و بواسي حالي



خــــــــــطــــــــــيـــــــــــرة  

بزماناتي قرأت مثل بمنتدى , قايلو شخص شكلو فيلسوف او شي :

( لو أن 50 مليون شخصاً قالوا شيئاً أحمقاً , يبقى أحمقاً )

بس بصراحة ما بحب امشي على هالامثلة لأن رأي الناس لازم نقدرو و اذا ما عجبنا نحاول بطرق محترمة نوصلهم الفكرة

و لست مع تهميش الناس و الاستخفاف بهم ......ما بعرف اذا هالشي صح  , لأن بحب الاحترام

........................................

ثـــائـــر :



اي والله بس ما بعرف اذا خير  



صحيح , ويقال ان الإنسان الناجح هو الذي يستطيع أن يتأقلم في أي وسط يوضع فيه

ولعل ذلك يدعى : ذكاء اجتماعي

أتمنى أن أكون كذلك لكن اذا بدنا نساير الناس بكل شي بدنا نتعب , لذلك أجد في بعض الأحيان أن أسايرهم في بعض الأمور

أرجو الله أن يعيننا

بالمناسبة :

بس بحب اذكر ان البارحة قمت بتعويض زيارة المساء التي فاتتني , بزيارة نهاراً للقيام بالواجب , بس ما كان في ناس متل قبل بيوم  المسا  

............................