السلام عليكم :
أنت رسمت لنفسك نظاماً وجدت فيه الخير والراحة لنفسك .. نظامك غير تقليدي في الوقت الحالي
اقتباس:
النجاح الاجتماعي برأيي لا يرتبط بما طرحت من مشكلة في النوم والاستيقاظ
بس المشكلة انو عم انحرم ببعض الأحيان من خلطة الناس و عم روح عليي مناسبات كتير بحب شارك فيها
وهاد الشي اللي عم يخليني نوعاً بعيدي عن نشاطات المجتمع , اللي بحب كون جزء منه و بحب كون نشيطة فيه
اقتباس:
وغالباً ما تكون الافكار المرفوضة في البداية سبب النجاح على جميع الأصعدة
مزبوط , بصراحة ببعض الأحيان- مع انو هيهات عن اوجه المقارنة - أشعر بشعور الأنبياء عليهم صلوات الله وسلامه عليهم
وقت يقولو للناس الحق و يجيبو أدلة , بس الناس ما بتقتنع , مع انو الحق واضح , بس كان الناس يكذبوهم و يقولو : انو بدكن تبعدونا عن ملة آباءنا
او اذا بدنا نقيس على هالزمن : انو بدكن انتو تغيروا الكون , اذا كل الناس هيك ماشيين , انت بدك تقلبي موازيين العالم هاه
مع انو سر نجاح الغرب هوي الشي اللي عم تدعي الو
والله والله , اني ذهبت إلى بلد أوروبي , أقسم ان طول النهار فيه كان يدهشني
فيه بركة بالوقت عجيبة
لك الناس ما عرفانة , يعني هون ببلادنا بتلائينا عم نفكر بالموت ويوم القيامة و انو قصر النهار دليل على انو راقتربت الساعة
و خوف و رعب و قلة بركة
وهنيك وقت طويل و بركة اكتر و اطمئنان اكتر حتى ما بيخطر عبالك فكرة يوم القيامة و قربت و..و .. لسبب انك مو فاضي
وبتلائي حالك مشغول , اذا ما مشغول بتلائي نفسك عم تسعى في مناكبها
المعنى مو يعني انك نسيت الآخرة
بس في فرق بين انك حاطط الآخرة بوجدانك و هي بعقلك الباطني وماشي حياتك بروية
وبين انك عايش مرعوب منها , متلبك بخيالك ماعم تعرف شو تعمل , وهاد الشي اللي عم لاحظو عنا
و السبب هاد هوي : عنا في قلة بركة ناتجة عن انتشار ظاهرة السهر و قلة الاستيقاظ الباكر
مشان هيك يومنا قصير
في حديث صرت قايلتو كتير :
بالمعنى : " إن الله إذا غضب على قوم جعل ليلهم نهارهم و نهارهم ليلهم "
و الآخر : " لا بركة بعد العشاء "
يعني اذا معظم حياتنا العملية عم تكون من بعد العشاء فما فيها بركة
ف لـــــــــيــــــــــــه ؟
اقتباس:
ولا علاقة له بنظرة الناس لنا ان كنا نتبع نظاما غير شائع أو كنا نعمل عملاً غير تقليديا (كما هو الحال معي)
يعني انت كمان بتنام عحين
![Rolling Eyes :roll:](./images/smilies/icon_rolleyes.gif)
ولا شو هوي العمل الغير تقليدي ؟ تشوقت اعرفه
لأن هيك بلائي في حدا معي و بواسي حالي
اقتباس:
A wise man makes his own decisions; an ignorant man follows public opinion.
خــــــــــطــــــــــيـــــــــــرة
بزماناتي قرأت مثل بمنتدى , قايلو شخص شكلو فيلسوف او شي :
( لو أن 50 مليون شخصاً قالوا شيئاً أحمقاً , يبقى أحمقاً )
بس بصراحة ما بحب امشي على هالامثلة لأن رأي الناس لازم نقدرو و اذا ما عجبنا نحاول بطرق محترمة نوصلهم الفكرة
و لست مع تهميش الناس و الاستخفاف بهم ......ما بعرف اذا هالشي صح , لأن بحب الاحترام
........................................
ثـــائـــر :
اقتباس:
بدايةً دعيني أن أقتبس الجملة الأخيرة في موضوعك ألا و هي ( عساه يكون خيراً )
اي والله بس ما بعرف اذا خير
اقتباس:
دعينا نقول أن أغلب من نراهم ناجحين اجتماعيا هذه الأيام هم من يتبدلون و يبدلون آراءهم و معتقداتهم بحسب البيئة التي يتوضعون فيها و هنا يكون الفاصل بين الذكاء الاجتماعي و بين انعدام الشخصية فهو لا يتعدى مقدار شعرة رفيعة فالمحافظة على الأساسيات و المبادئ من أهم شروط التأقلم الذكي مع البيئة و الآخرين ..
صحيح , ويقال ان الإنسان الناجح هو الذي يستطيع أن يتأقلم في أي وسط يوضع فيه
ولعل ذلك يدعى : ذكاء اجتماعي
أتمنى أن أكون كذلك لكن اذا بدنا نساير الناس بكل شي بدنا نتعب , لذلك أجد في بعض الأحيان أن أسايرهم في بعض الأمور
أرجو الله أن يعيننا
بالمناسبة :
بس بحب اذكر ان البارحة قمت بتعويض زيارة المساء التي فاتتني , بزيارة نهاراً للقيام بالواجب , بس ما كان في ناس متل قبل بيوم المسا
............................