Pour Moi
الشخص الغامض يعني بيكون حواليه كتير اشارات استفهام
يعني بيكون اللي ما بيعبر بيلتزم الصمت بأغلب الأحيان
و تصرفاتو او تعليقاتو بتكون مقتضبة
بهالطريقة ما رح نقدر نتعرف على افكارو و مشاعرو و بيضل عندنا غامض
الصديق بيكون غامض لما ما بيفضفض عن اللي بقلبو
وبيخبي و بيحبس بقلبو
و كتير بيخاف يعطي الثقة للآخرين لهيك بيحتفظ بالمشاعر و التعليقات و ما بيعبر عنها
و هدول الأشخاص برأيي بيخوفو لأن ممكن يكونوا آخدين عليك كذا نقطة و ما بيحكوا ولا بيصارحوك
و فجأة بيطلع معو انك شخص ما بتقدر او ما بتسوى او شرير بدون ما يتركلك فرصة لتحكي او حتى تعرف شو السبب
و هادا اكيد مش مرض بس هو طبع بالبني ادم
و اذا كان الغامض انسان بيهمك لازم تحاول تتقرب منو وتفتح حوار كلما حاورت اكتر كلما خف الغموض
و الأفضل انك تثبتلو انك محل ثقة ليقدر يفضفضلك لتعرف شبو بالقليلة
و انا بصراحة كنت حب احيانا احتفظ ببعض الغموض بشخصيتي
لأن كنت لاقي صعوبة بأن الاخر يتقبلني على ما انا
بس هلق لاء لأن صرت اعرف عبر عن نفسي بشكل يكون مقبول عند الآخرين
و صار عندي معرفة اكتر باساليب النقاش و توصيل الافكار اكتر من قبل