حـــوار هــادف بين الشباب والبنات .......

إهاب

اقتباس:

ولا اظن أن من الضرورة إن كانت الفتاة جميلة أن تكون غير مثقفة..وهذا يعني حسب رأيك أن كل الفتيات القبيحات مثقفات وعلى مستوى عال من الفهم؟؟؟أريد إجابة منك أنت على وجه التحديد؟؟؟

أنا لا أعمّم و لكن حسب ما شاهدت و رأيت الجميلات منهنّ قليلات إدراك ٍ و سطحيات تفكير ......قد لا تكون هذه قاعدة و إن كانت..... فلكل قاعدة شواذ
و لكنَّ رأي يبقى كما قلت في إحدى قصائدي :

   و فـرط ُ الجـمال ِ يـزيلُ مـلاحـ ----    ـة َ عقل ٍ كمثل ِ كثير ِ الكلام
   وفرط ُ الجمال ِ يزيدُ حجاب الـ ---- ـجهـالة ِ سُـمـكاً ويغدو علام
   و فرط ُ الجمال ِ يـُسـِرُّ العيـونَ    ----    و يمـسي بمرِّ الزمانِ سِـقام
و فرط ُ الجمال ِ كعـطر ِ الصباح ِ ---- يضـيـعُ بيوم ٍ و يحني القوام

و بما أنـــــي عدت فسوف أجيب على السؤال باسم الشباب :

اقتباس:

سؤالي للشباب:عندما تبحث عن شريكة حياتك هل تفضل الجمال على مستوى التعلم أم التعلم على الجمال؟؟وأظن ستريدهما مجتمعتين فما مدى قناعتك بإتمام الدراسة بعد الزواج؟؟

إذا اجتمعا فغاية المنى و رأس المأمول هذا و أيم الله
و إن خيرت بين إحداهما فمستوى متوسط مقبول من الجمال مع مستوى عال ٍ من الفهم و الثقافة يكون مفضّل على غيره ِ
و إن وجد الفهم مع مستوى متدني من الجمال غير أن لا يداني القبح أيضاً أفضل من فرط الجمال مع زوال الفهم
فكما تقول جدّتي" و بالعامية " عيشة الفهيم مع البهيم داءُ سقيم"

أمّا عن إتمام الدراسة بعد الزواج غير مرغوب به و لكن إن كان فلا مانع

سؤال للبنات :

معكوس السؤال السابق؟

تقبلي تحيتي

يارا العلي

تحية لألك أخ إهاب بس ويييييييييييييييييييييييييين السؤاااااااااااااااااااااااااااااااال؟؟؟؟

إهاب

تم تعديل الرد و ضمّن السؤال...................

R.angel

إهاب

اقتباس:

و إذا رفعنا الإذا و ألقينا نظرة فاحصة للوع الحالي للشباب بغض النظر عن الثقافة ......... فهم يحتاجون إلى من يربيهم و يقوّم سلوكهم بحكم بعدهم عن تربية أنفسهم أولاً فكيف بهم مع أطفالهم المنتظرين ..!؟

وأنا هاد رأيي

اقتباس:

هل تعتقدين أنَّ مستوى جمال الفتاة ينعكس سلباً على مستوى فهمها و ثقافتها

لا أبدا

. لأنو البنت اذا كانت مثقفة وفهمانة ما رح يفرق معها اذا كانت حلوة ولا لاء :!:

ما بعرف أنا هيك رأيي

أما سؤالي

شو رأيك بالشب المتدين و الغير المتدين ؟ ..... يعني انت اي تفضل المتدين ولا الغير متدين :wink:

viper~

والله شوفي
بالنسبة لئلي إذا بمشي مع متدين ولا غير متدين ما بهمني منو غير معاملتو ويكون سادئ معي أما غير هيك فرح كبو وإمشي فوئو.. وإذا كان متدين فبخلي كلشي بخص الدين بعلائتي معو بعيد لأني أنا شخصياً ما بحب فوت بمواضيع بتخص الدين ووجع راسي وبعدين تكبر شغلات وتطلعلي شغلات مدري من وين و و و....

وبالنهاية بهمني إذا كان متدين ما يكون آخدها سلبة يعني يعملي اخلائ وقيم وإلى آخره ويطلع بالآخر 1 2 3 ..

سؤالي للبنات على الشكل التالي:
ما خطر ببالي سؤال حالياً لذلك رح خلي السؤال لواحد شب متل حكايتي

إهاب

viper~,

بما إنّك لم تعض سؤالاً فأقول و بالله التوفيق السؤال الذي لم يجب عنه أحد

في شريك الحياة هل تفضلين المال أم الجمال أم العلم ؟ إذا كنت ِ مضطرة لانتقاء واحدة من هذه الصفات

يارا العلي

إهاب, العلم ثم العلم ثم العلم..

حابي نرجع للأسئلة المتعلقة بالدراسة..وسؤالي للشباب:بما إن الدوام للفصل الثاني قد بدأ فهل أنت من النوع الذي يدرس منذ بداية الفصل وكل محاضرة مباشرة بعد حضورها؟أم تفضل تراكم المحاضرات وتدرس المادة دفعة واحدة؟

نبال

سليمان الحسن,
ولو انو الرد متأخر بس جد سؤالك حلو *ورود

اقتباس:

هل تجيدين الطبخ؟

ولوّ شغلتنا يا زلمي ....عد على أصابيعك ...بعرف أطبخ شاي ...وبعرف أطبخ قهوة ...و زهورات...بس أكتر طبخة بتنجح معي هي البيض المسلوق :mrgreen:

اقتباس:

ألديكِ نظريات شخصية حول تربية الأولاد

ولو انو بكييير على هالحكي لاني لسه *Baby

وعم العب بالحارة *نط

بس جد ولادي رح يكونو كل غايتي و هدفي بحياتي :arrow:

وهادا أقدس عمل بالدنيا كلها

اقتباس:

هل تهتمين بمكياجك عند الخروج من البيت ؟

أبداً .... الله وكيلك ما الي علاقة بالمكياج لا من اريب ولا من بعيد :mrgreen:

اقتباس:

اعرف انك تحبين والديك لكن من تحبين اكثر

كيف عرفت

...... بصراحة ......الماما ثم الماما ثم الماما .......وما فيني عيش بدونها ...الله لا يحرم حدا من أمو
تحياتي

The Protagonist

ولو انو اول مرة اشارك بهالموضوع........سؤال الى الصبايا:مارأيكم في ان تحمل البنت ,الصبية ,الزوجة (سموا اللي بدكن ياه) اعباء الحياة مع زوجها؟؟؟؟؟؟

رشا

انا بصراحة مع انو المراة تتحمل اعباء الحياة مع زوجها

وبايد هادا الشي بس بالمقابل انو يتحمل الرجل اعباء المنزل معها يعني باخنصار يكون في تعاون من قبل الطرفين

يعني مو بمعنى انو يقعد يجلي ويمسح و...............الخ بس انو يحاول يعتمد على حالو شوي لانو المراة صايرة بهي الايام عم تداوم دوامين واحد الصبح بالشغل وواحد الضهر بالبيت

بجوز طلعت شوي عن الموضوع بس كنت بدي وضح هي الفكرة بس انا مع انو المراة تتحمل اعباء المنزل مهيي اصلا يلي حاملة البيت بالاصل :mrgreen:

هلق سؤال مو خاطر ببالي شي

آخر المشاركات

قوانين المنتدى

حـــوار هــادف بين الشباب والبنات .......