بانة,
تعودنا على مواضيعك الجميلة والتي تحاكي مشاكل الواقع ومدى تعلقها مع التفكير والغاية واختلاجات النفس وهذا ما يعطيها جانب الجمال وتجعلها تكون كفئآ لأن تكون في ساحة حوار ما فينا نحدد النسبة على جميع البنات تبعآ لعادات كل فتاة وتقاليدها وأفكارها
يعني أكيد رح نحط نسبة مية بالمية للفتاة التي تلبس لباس غير محتشم
بس بنفس الوقت مافينا نحط نسبة واحد بالمية للفتاة المتزنة
طبعآ اذا وضعنا الجمال على حدا هلق اذا وجد في حدا تلجأ لالو أكيد لازم تلجأ بس مو على أية كلمة تسمعها تروح تعمل حولها لمة عشان كلمة
بس اذا كان من المزعجين بكل بساطة ووين ما كانت فيها تنتقم من هاد الشي
يعني بكل بساطة ان كانت بالجامعة أو بالشارع فيها تضربو شي كف وتعيط علي
ما بتشوف الا أهل النخوة حطوا تحت رجليهن بحكم انو الكل بدهن أي خدمة ما بعرف بس يمكن خوفآ من المجتمع ونظرته الظالمة للجميع
يعني يمكن أول كلمة رح تسمعها من الي رح تحكيلو انو لو مانك غامزتي ما كان قرب وحكاكي
طبعآ لأنو نظرة المجتمع دايمآ بتكون بنية الخير ما بينفع شي من كل العقوبات والحل الوحيد هو اعادة تركيب العقل لهيك أشخاص
مستحيل اني بررلو فعلتو شو ما كان السبب
أصلا مشتهي أعرف غايتو شو بتكون أنو الواحد ليش ليلفت الانتباه على بنت
أو شو الهدف انو يخليها تعصب طبعآ عن طريق انو يسمعها كلام مسيء بالاخلاق
أو يذكر صفات فيها مو حلوة كقصر أو ثمن أو الى ما شابه هلأ شو مشان المتحرش به صار عدتيها مرتين يعني دارجة العادة انو البنات عم يتحرشو بالشباب وأنا مو دريان
هلق طبعآ رح يترك أثر اذا الكلام أو الفعل جارح للنفس ومن الممكن أنو تتعكر البنت مزاجيآ يوم كامل من كلمة مو حلوة سمعتها الصبح وممكن يصير معها أكتر من هيك ما بعرف عندي قصة صغيرة صارت قدامي وقت كنا بمعسكر العاشر
بأول يوم بأول اجتماع عطانا قائد المعسكر درس بالأخلاق عشان موضوع التحرش بالبنات والتعرض لالهن
طبعآ كان الكلام موجه للشباب فقط فالكل كان قاعد بتواضع للكلام الي عم يسمعوا وموطي راسو وعم يقول بعقلو صحيح
وبأخر الكلام سألنا سؤال أنو في شي شب منكن ما عندو أخت أو خالة أو عمة
بريد تسمع الكلام الي رح يقولو هو لبنت الناس
فما منشوف الا شب وقف وقلو أنا استاذ ما عندي
طبعآ انصدم الرجال وقلو والله انت أصبح لازم تفلت على الأخير أقعود
طبعآ مغزى القصة هو
ما تريده لأختك أو ابنتك بالمستقبل أفعله أنت مع بنات العالم
وأسف للاطالة بس الموضوع جميل وبيستاهل الواحد يحكي في أكتر من هيك
سلمت يداكي مرشدتنا الاجتماعية وتقبلي مني