اخت  Portia,  اولا بدي اشكرك عل موضوع
وتانيا بدي اعتذر لأنو الردود طلعت عن الموضوع وتحول لهجوم وحساسيات
الموضوع كان عن المقارنة بين المراة العربية المسلمة المحجبة او المنقبة( ومن عندي بضيف المراة الشرقية بشكل عام) وبين المراة الغربية والعري والآنحلال الأخلاقي
وهاد موضوع جميل جدا وبيبن الخلاف بين الغرب اللي ناسي دينو واخلاقو والشرق المتمسك والملتزم بالدين

بس للاسف انو الردود انحرفت تماما عن اطار الموضوع وصار خلافنا بنات البلد شو عم يلبسو
هلئ مهما لبسو فري وشو ما عملو ما رح نقدر نقارنهن ببنات الغرب لأنو نحنا بسوريا واغلب البلدان العربية ماعنا شي اسمو عري
بس خلونا يكون عنا نظرة اوسع بالحياة من هالقصص وننسى المظهر ونتعامل مع الأنسان كروح وعقل وقلب
ما فينا ابدا نقييم انسان من مظهرو وحتى احيانا ما فينا نقيمو من كلامو .. منقيم الأنسان باعمالو  وتعاملو مع الأخرين
ما فينا ننفي الأخلاق عن البنت ازا كانت فري بلبسها ونحكم عليها بدون ما نعرف شي عنها حتى
ما منعرف ازا كانت وحدة مثقفة طيبة سموحة بتعامل الناس باحترام وطيبة ومودة..... منلغي كل هاد حكما على مظهرها بس؟؟؟؟

بدي ضيف كمان انو الأخ nedalo,  كان عم يحكي فكرة واضحة كتير حتى اختلاف رايو عن راي الباقين كان طفيف جدا وبلكاد يكون خلاف الا هوة اضافة لأفكار الموضوع واكمالها
بس الغريب انو الرودو كان فيها هجوم غريب مع انو الفكرة جدا واضحة
nedalo,  

بحييك اخي
وانا معك انو العادات بالغرب مو كلها قائمة على الفسوق والبعد عن الدين والاخلاق  واللي عم يوصلنا هوة القشور بس اللي بيوصلا الاعلام والافلام الاميركية وخصوصا التجارية منها ولا كان من الصعب كتير انهم يوصلو لهي المرحلة من التقدم العلمي والثقافي.... مع انو المفروض التفكك الأجتماعي يؤدي الي التدهور الثقافي بس هاد دليل انو نحنا ما عنا صورة واضحة تماما عن الغرب

خلينا بكل شي تكون نظرتنا اوسع واشمل ونبعد عن القشور.... العفة هي عفة الروح وطهارة الفكر

تقبلو مروري وبعتذر عل اطالة

   

السلام عليكم :

lili. :

و يكأنك تحدثت بلساني و سردت أفكاري و ما وددت قوله

شكراً جزيلاً      

.........................

Safwat  

nedalo    

محمد عصام    

فادي    

Dr.Ruba    

خالد الهبل    

باسل العمروش    

أشكركم جميعاً على مشاركاتكم و ما ااستفضتم به في هذا الموضوع
                           

المغزى :

هي عرض رأي غربي و نظرته ( اي نظرة محايدة ) و مقارنته بين ما تمثله المرأة المحتشمة و بين ما تعكسه نقيضتها و أثر كل منهما على المجتمع

طبعاً آرائكم حفزتني على إعطاء رأيي و نظرتي ببعض النقاط التي ذكرتموها

لكن أخشى انها تطول , لذلك أختصر بالقول :

ان الستر رحمة و ستر الأنثى و حشمتها هو درء لمفاسد و مهالك كبيرة

و كلما استترت المرأة كلما تمتعت برحمة و دفء أسروي أكبر

فكما لاحظتم الكاتب قارن بين من تضع ( البرقع ) او النقاب و ليس الحجاب مع نقيضتها

الحشمة أكثر ترقق قلب المرأة و تزيدها أنوثة و عنفواناً , هي قاعدة عامة و لكل قاعدة شذوذ لكن ليس بكبير

و الله أعلم

........................

nedalo,  
1- اول شي انا ما عم بسحب الحوار متل ما قلت لانو المحور واضح و هو مقارنة بين المراة المسلمة المحجبة و هي المثال الي بينشده المجتمع المسلم للعفة
وبين المرأة الامريكية المنحلة الي بتعكس صورة المجتمع المنحل اخلاقيا
بس انت سحبت الحوار عل التطور المعرفي وهاد الموضوع بدو مساحة تانية
2-تاني شي انت عم تقارن بين المجتمع السوري والغربي وانا ماطرحت هيك مقارنة ابدا و كل كلامي ما كان في هيك مقارنة
3-تالت شي انت قلت العلمانية هي فصل الدين عن الدولة بس يمكن مابتعرف الاصل الغربي الي  استورد ها العرب
وأصل العلمانية ترجمة للكلمة الإنجليزية (secularism) وهي من العلم فتكون بكسر العين، أو من العالَم فتكون بفتح العين وهي ترجمة غير أمينة ولا دقيقة ولا صحيحة، لأن الترجمة الحقيقية للكلمة الإنجليزية هي (لا دينية أولا غيبية أو الدنيوية أولا مقدس).
بمعنى ما بيعترفو باي شي ما اثبتو العلم مشان هيك ما بيعترفو بوجود خالق وماعندن مقدسات
وملاحظة ماليزيا ما تبنت العلمانية وهاد كلام مو دقيق وتركيا عانى شعبها من العلمانين لقرابة 80 سنة حتى انتخبو حزب اسلامي مو علماني هو حزب العدالة
وملاحظة زوجة اردوغان محجبة
4-رابع شي الاسلام ما اجبر حدا على شي بس كل واحد بيتحمل تبعات خياراتو يوم القيامة  
5-المفارقة الي حكيتها سببها التطبيق مو التشريع
6- بالنسبة لتقبل الاخر هيه اكيد شي جديد لانو الائمة الاربعة كانو يختلفو بالاراء بس ماحدا كفر حدا او اتهمه بالجهل
7- انا ما قلت ما في اخلاق قبل الاسلام وما بعرف شو علاقة الحديث بموضوعنا
8- انت اتهمتني بالتشدد بس ما عرفت ليش يارت تحط اصبعك على موضع التشدد

احييك اخ  فادي,   انا معك بكل حرف كنت بدي علق بس مستعجل و ماحبيت اطلع بلا شي        

خليك هيك  مابدي ادخل بالنقاش البركة فيك ما خليتلي شي  

 Portia
,   شكرا على هالموضوع الحلو

ليكك ناقضتي حالك بحالك أكيد كل الناس حرة بلبسها و هالشي لازم تحطيه حلقة بدانك و ما تتهجمي عالغير محجبات بالاجمال و هي الفكرة يلي كنت عم وصلها بس حضرتك ما فهمتيها مظبوط

بعدين انا كان نقاشي مع فادي و ما بعرف مين طلب منك تتحفيني بآرائك و انا ماني عم اطرح رأيي لحتى يرد عليي كل المشاركين  انا طرحت وجهة نظري و ما لاقيت غير ارتفعت الاصوات و الكل ما علق الا عكلامي شي بيضحك والله

على كلن بحترم رأيك و بستنكر طريقة ردك و هجومك و اذا شفتي كلمة زعجيتك بردي فاعرفي انو هي نتيجة هجومك الغير مبرر و ردك يلي راح للشخص الخطأ لاني انا مشارك متلي متلك

فادي

ليك غالي
العلمانية بغض النظر عن معناها الحرفي يلي حضرتك ذكرتو هي عم تتطبق بتركيا لحد الآن و صحيح حزب العدالة و التنمية حزب اسلامي بس ما بيأثر على حكمو للدولة يعني فيه فصل بين الدين  و بين مؤسسات الدولة و هي وجه من اوجه الديموقراطية و التعددية الموجودة عندهن و لو كانو بلا علمانية  ما كانو صارو دولة من دول اوروبا لأنو انت بتعرف نظرة الاوروبيين الخاطئة للمسلمين

و بالنسبة لأنو الاسلام ما اجبر حدا هادا شي اكيد لأنو الاسلام يحترم العقل و الانسان في الاسلام مخير و ليس مسير و هنا دور العقل لهيك اكيد ما في اجبار

و منشان التشدد رح قلك ليش
بداية انا علقت تعليق بسيط يعبر عن وجهة نظري بس شو يلي صار :
يلي صار انو حضرتك رديت بالاول رد حسيتو هجومي شوي مو متل البقية بس بعدا لما بتحكي عن العادات السائدة بالغرب انو لاتمت للدين بصلة ,انت هيك بتكون متشدد لانك عم تجمل كل الغرب بنفس الخانة و قلتلك انا انو وين ما رحت فيه الصالح و فيه الطالح  و اتهامك الهن بالالحاد جميعا ايضا هادا الشي بيدل على تشددك

و لما بتقول مجتمع العفة بيمثلو الحجاب ايضا هادا تشدد لانو مو كل النساء ببلدك محجبات  و هادا الشي غير مقبول لانك هيك بتكون عم تتهم الآخرين بقلة الاخلاق و البعد عن الدين  

و بالباقي انا معك  بس رح قللك اختلافنا بسيط و سطحي و بالنهاية ما الي غير احترم رأيك و اتقبلو مهما اختلفنا      

lili.,  

اخت  lili.,   بتشكرك على دعمك و صراحة انتي شفتي الموضوع بالنظرة الصحيحة و انا مستغرب متلك الهجوم يلي تعرضتللو و على فكرة هادا الشي زادني عزيمة و اصرار على متابعة الموضوع

تحياتي اختي الكريمة      

تحية الاسلام لكل الموجودين

اول شي اكيد ردي قاسي بس هي الحقيقة

1-المجتمع الغربي مو متل مانا شايفين في كتير عائلات محافظة ونحنا ما منشوف غير لي بدن يانا نشوفه

2- شفت بالردود كتير تشدد وانا ضده لانه التشدد دائما عاقبته وخيمة
3- الحجاب شي اكثر من رائع
وفي المحجبات المؤدبات الخلوقات وفي العكس
وكمان في غير المحجبات المؤدبات الخلوقات وفي العكس

وبالنسبة للنقاب انا ماني ضدو بس بحس فبه تشدد زايد وكل واحد حر بلبسه
بس انا ضد التضييق عالمراءة
وحرية المراة مو يعني انو تطلع مع رفيقها او صاحبها بعلم زوجها يعني اعطائها الحرية لبقرها الاسلام

EVANESCENCE,  

الله يكتر من امثالك يا غالي لانو عنجد هكذا تبنى الأوطان