انا مع الزفاف

لانو الاشهار شي كتير مهم وضروري بالزواج

بس بدون اسراف

السلام عليكم
الظاهر الانسة فلك عم تجهز للعرس اذا كان هيك فألف مبروك مقدما واذا كان لا , ان شاء الله منسمع الاخبار الطيبة عن قريب
على كل انا مع الحفلة الصغيرة اللي فيها الاصدقاء والمقربون ومافيها ازعاج او مصاريف زايدةوما بتثقل كاهل العريس.ومع شهر عسل او اسبوع عسل كمان حسب الامكانيات المادية.هيك بظن مافي شي على حساب شي.تحياتي الك ولكل اللي عم بيحضروا لفرحون ودمت بود.

هل هذا الكلام قابل للتتطبيق مع  شاب  سوري بعمر الخامسة والعشرين ؟؟؟؟

أنا طبعامع الاتنين وكل واحد حسب قدرتو المادية وما بحب البذخ الزائد حبا بالمظاهر بس كمان العرس وشهر العسل غالبا بكونوا مرة بهالعمر و بضل ذكرى لكل العمر
يعني يلي امكانياتو وسط يعمل عرسو بشي صالة مرتبة يكون مقبول بشكل مرتب و بعدين يطلعلوا على القليلة تلت ايام أو جمعة زمان على البحر و الكفرون
يعني مين هل الأيام  عم يقدر يطلع برا سوريا؟  الشب والصبية ما عم يأمنوا تكاليف العرس الا بطلوع الروح أنا بعرف عالم ماعرفوا شهر العسل غير باسمو مشان يعملو العرس بالصالة الفلانية وعالم العكس عملوا عرسن بصالة مو زيادة مشان يطلعوا شهر عسل مرتب
لذلك التوسط بالاتنين احسن شي

والله يا فلك موضوعك كتير حلو وعميق وانا بدوري حابة جاوب عن هالموضوع

أولاً: ما فينا نعتبر انو العرس مو ضروري ومالو أهمية بهالليلة وخاصةللفتاة
لأنو حلمها بالنهاية تلبس الابيض وتتفتل قدام العالم وتفرح بحالها وبعريسها
أما وجهة نظري التانية انو العرس مو للعروسين انما هو للمعازيم
وما بيحضر العريس والعروس لاخر الحفلة وانا بكره هالشي
بالنسبة لشهر العسل او بالاحرى بالنسبة الي انا بحب يكون في شهرعسل
بيخصني وبخص الشب الي مرتبطة فيه وبحب اني اعمل حفلة عرس صغيرة
بتجمع الاهل والاقارب وطبعا في كتير تبذير بمصاريف العرس
من حيث الكوشة والضيافة وكتير شغلات مالها طعمة
برجع لشي مهم وواحد فقط انو هالحفلة لازم تكون للعروسين والاهل وبعض الاقرباء المقربين والمحبين وتكون ليلة خاصة الهن وبس
لان شو ما عملنا بده ينحكي علينا وبتمنى كون وصلت فكرتي

بتشكرك كتير ع هالموضوع الحلو كتير وتقبلي مروري

رأي الشخصي هوي انو لا العرس ضروري ولا شهر العسل ضروري

ل يلي معو و ليلي ما معو