ارجو منك انك ما تلتزم الصمت
و يا ريت تبين لي وين انا غلطت بطرحي
مثلا انو الاسلام اكتر دين بيحرص على الاخلاق
اما انو العادات السائدة بالغرب ما بتمت لاي دين بصلة وهي عادات علمانية ملحدة تنكر وجود خالق للكون
اما يا ترى الغلط كان بالفرق الكبير الي بين مجتمع العفة الي بمثلو الحجاب ومجتمع الاباحية الاوربي الي مو كتير بيفرق عن اي مجتمع حيواني ويمكن يكون تحتو من الجهة الاخلاقية

فادي
انا حبيت انسحب لانو حضرتك عم تسحب النقاش عمحل تاني ما الو علاقة بموضوعنا الاساسي

رح قللك شغلة

العادات السائدة بالغرب مو كلها خارجة عن الدين و الاخلاق بس نحنا ما عم يوصلنا غير القشور  و الشغلات السيئة , وهل باعتقادك مجتمع قائم على الفسق و الفجور فقط ,بامكانو يوصل للتطور  و القوة يلي وصلو الها؟؟؟؟؟؟؟؟؟

و لا تخلط الامور ببعضها لانو العلمانية هي فصل الدين عن الدولة يعني الك الحق تتبع مين ما بدك بس لا تدخل الدين بسياسة الدولة و هادا مو محور حديثنا حاليا و لا تعتقد اني عم دافع عن العلمانية او غيرها بس شوف امثلة كتيرة من الدول يلي تبنت العلمانية كيف صارت منها مثلا تركيا و ماليزيا


الحجاب فرضو الاسلام صحيح بس شفلي هالمفارقة :
انسانة تلبس الحجاب و لكن اخلاقيا هي ليست بمثال يحتذى
و انسانة لا تلبس الحجاب و لكنها تحب الناس و تساعدهم و تعاملهم بطيبة و تحترمهم و كل الخصال الحميدة موجودة فيها
هل من المعقول انو الواحد يفضل الاولى بس لأنها ملتزمة بما فرضه الاسلام من مظهر فقط على التي اقتنعت و ايقنت ان الاسلام جوهر و ليس مظهر (و لا تقللي يعني لازم تلبس لبس مشخلع ما بقصد هيك شي ابدا )

صديقي : الاسلام دين محبة و تسامح و لا يجبر احد , و الله وضع العقل في رؤوسنا حتى نفكر و نميز بين الخطأ و الصواب و الدين الاسلامي وجد ليقوم سلوك البشر و يدلهم على الطريق الصحيح من خلال العقل

و صراحة اخي نظرة الغرب للمسلمين هي نتيجة لتعاملنا معهم و الدليل انو نحنا هون لما شخص من لحمنا و دمنا بيكون رأيو مغاير النا منعتبرو عدو و كافر بقا شو العتب عليهن .


و الأخلاق موجودة قبل الاسلام  و هالقول للرسول الاكرم صلى الله عليه و سلم بيدل على هالشي :
"إنما بعثت لإتمم مكارم الاخلاق"
و الاسلام وسيلة لتقويم اخلاق الناس

و بالنهاية رح قللك انت ما غلطت بطرحك ابدا بس غلطك هو التشدد ضد الآخر يلي بيلمسو اي شخص من خلال ردودك بدون معرفة حقيقية لسلوكو و نواياه  يعني متل ما عنا ناس ملتزمين بالدين كمان في بكل الكرة الارضية ناس ملتزمين  بالدين .
 

nedalo,  


وليش ماتكون في انسانه  محجبه وتكون تحب الناس وتساعدهم وتعاملهم بطيبه وتحترمهم وكل االخصال الحميده موجوده فيها على قولك
ولا بس الي مانها محجبه صارت رائعه ومافي منها
والمحجبات مافيهن اخلااااااق
بدك تطرح صوره يا ريت تطرح الصوره التانيه بالمقابل
وبتمنى المواضيع الي متل هي تتسكر وماعاد تنفتح
مو بشان شي
لانو مجتمعنا السوري بس 60 بالميه منو محجبات ازا مو اكتر  
                 

Dr.Ruba

هههه اكيد في بس خلي نظرتك اشمل و اعم و متل ما في محجبة  متل ما قلتي كمان في غير متحجبة نفس الشي  و انا ما قلت المحجبات ما فيهن اخلاق


خالد الهبل


بحترم رأيك حبيب
بس بدي وضح فكرة مو انا اللي طرحت الموضوع و بالنهاية انا عم شوف شي كتيير مزعج واللي هو انو اغلبية المشاركين ما عندهم قدرة على استيعاب الرأي المغاير لرأيهم  و عم ينرفزو و يعصبو  و يحكو حكي خارج عن اطار اللباقة بالحديث عالفاضي و ما بعرف ليش البعض عم يفهم كلامي هجوم , انا ابدا ما عم هاجم حدا بس هي وجهة نظري من كل القصة و للأسف  البعض عم يطالبو باغلاق هيك مواضيع  لأنو في رأي مختلف على الرغم من ان الرأي المختلف عم يناقش بكل احترام  , عنجد غريبة و هي اكبر دليل على عدم تقبل الآخر

شكرا الك اخ خالد و بحترم رأيك و مرورك اللبق و العزيز    

باسل العمروش
يسلم تمك حبيب        

nedalo,       اول شي المطالبه بإغلاق مواضيع متل هي مو لأنو رايك مغاير او راي غيرك لأنو مواضيع متل هي مافيها اراء ووجهات نظر مواضيع متل هي حريات شخصيه ‏.كل واحد حر بطريقه لبسو سواء طلعت البنت بدون حجاب او محجبه ببنطلون او كنزه او قميص او احمر او اخضر او بنفسجي او حطت مكياج او ما حطت اولبست بانطو او مالبست او كان اشاربها طولو خمسه عشر سم او مغطي كل شعرها او نص راسها  انت  شو الك علاقه فيها ليش قاهرك لبس العالم كل هالقد؟؟ تسطفل الناس حره بإختيارها لطريقه لبسها وازا بدك تجي من منظور ديني و تقلي قال رسول الله انمابعثت لأتمم مكارم الأخلاق بقلك كمان قال رسول الله الحياء شعبه من شعب الإيمان .‏ وبالتالي الحجاب من الحياء وبقلك كمان انو كل الديانات دعت للحجاب ولاماكنا شفنا راهبات الكنيسه محجبات لتحافظ على عفتها وماترتكب الفاحشه او تتزوج. فبإجماع الديانات الحجاب ستر وعفه.‏  بعدين الناس حره ازا ماعجبتك طريقه لبس الناس  .‏ هالشي الي مو عاجبك مو مهم عليك بأهل بيتك و بس  لبسهن متل مابدك ،بس  باقي المجتمع  حر بيختار طريقتو بحياتو بالي بناسبو و بيلبس كل واحد متل مابده ‏‏!كل واحد عاجبو لبسو مارح يغير طريقتو بالحياه وترا قد ما حكيت لتغير الناس كل واحد مقتنع بحالو !  نقطه انتهى..    ‏

nedalo,       اول شي المطالبه بإغلاق مواضيع متل هي مو لأنو رايك مغاير او راي غيرك لأنو مواضيع متل هي مافيها اراء ووجهات نظر مواضيع متل هي حريات شخصيه ‏.كل واحد حر بطريقه لبسو سواء طلعت البنت بدون حجاب او محجبه ببنطلون او كنزه او قميص او احمر او اخضر او بنفسجي او حطت مكياج او ما حطت اولبست بانطو او مالبست او كان اشاربها طولو خمسه عشر سم او مغطي كل شعرها او نص راسها  انت  شو الك علاقه فيها ليش قاهرك لبس العالم كل هالقد؟؟ تسطفل الناس حره بإختيارها لطريقه لبسها وازا بدك تجي من منظور ديني و تقلي قال رسول الله انمابعثت لأتمم مكارم الأخلاق بقلك كمان قال رسول الله الحياء شعبه من شعب الإيمان .‏ وبالتالي الحجاب من الحياء وبقلك كمان انو كل الديانات دعت للحجاب ولاماكنا شفنا راهبات الكنيسه محجبات لتحافظ على عفتها وماترتكب الفاحشه او تتزوج. فبإجماع الديانات الحجاب ستر وعفه.‏  بعدين الناس حره ازا ماعجبتك طريقه لبس الناس  .‏ هالشي الي مو عاجبك مو مهم عليك بأهل بيتك و بس  لبسهن متل مابدك ،بس  باقي المجتمع  حر بيختار طريقتو بحياتو بالي بناسبو و بيلبس كل واحد متل مابده ‏‏!كل واحد عاجبو لبسو مارح يغير طريقتو بالحياه وترا قد ما حكيت لتغير الناس كل واحد مقتنع بحالو !  نقطه انتهى..    ‏

السلام عليكم :

عم قول ما خرجي مواضيع ( وجهة نظر )

حكي كتييييييييييييير  

رح روح وبرجع اقرأه

اوووووووووووووه

.............................