مشكور اخ عصام الله يعطيك الف عافيه على كل هالمعلومات
الله وكيلك موضوع كتير ممتع
مبارح وانا عم بقرأه ضرب المدفع ولساتني ما كنت مخلص
وضليت متابع حتى اهلي فصلولي الجهاز منشان افطر
يعطيك العافيه مره تانيه
| آرتين لتعليم اللغات http://forum.art-en.com/ |
|
| لمن يجهل الاسطورة ليوناردو دافنشي واهم اعماله .. حصري لارتين http://forum.art-en.com/viewtopic.php?f=19&t=11432 |
صفحة 2 من 5 |
| الكاتب: | Ahmad R [ الاثنين أيلول 08, 2008 3:52 م ] |
| عنوان المشاركة: | لمن يجهل الاسطورة ليوناردو دافنشي واهم اعماله .. حصري لارتين |
مشكور اخ عصام الله يعطيك الف عافيه على كل هالمعلومات الله وكيلك موضوع كتير ممتع مبارح وانا عم بقرأه ضرب المدفع ولساتني ما كنت مخلص وضليت متابع حتى اهلي فصلولي الجهاز منشان افطر يعطيك العافيه مره تانيه
|
|
| الكاتب: | Lina [ الاثنين أيلول 08, 2008 5:09 م ] |
| عنوان المشاركة: | لمن يجهل الاسطورة ليوناردو دافنشي واهم اعماله .. حصري لارتين |
عصام, الموضوع أكتر أكتر أكتر من راااااااااااااااااااائع  طبعا ما حدا بينكر ليوناردو دافنشي كفنان وعالم ...وحتى براعتو بعلم التشريح ...هو من رواد المدرسة الواقعية بالرسم  بس عصام الشغلة اللي ما حكيت عنا انت بالتفصيل هي ليش أغلب اعمال دافنشي مانا مكتملة؟؟؟أو لوحاتو ما قدر يتما ويكملا؟؟؟؟ ما حدا انتبه عهالجملة اقتباس: سنة 1503 أصبح عضو ضمن مجموعة من الفنانين مهمتهم تقدير المكان الأمثل لتمثال (دايفيد) المشهور من الصلصال والرخام والذي قام بنحته الفنان مايكل أنجلو سنة ( 1501 – 1504 ) في فلورنسا طبعا ظهور ما يكل انجلو....هلا الشي اللي لاحظتو من خلال بحثي عن معلومات عنو لدافنشي انو من خلال حياتو أنا اكتشفت انو انسان فاقد (للطمأنينة النفسية)  بصراحة ما بعرف ليش كل هالتميز وما كان مطمئن نفسيا....أعمالو العلمية ما لاقت رواج كبير بهديك الفترة وهالشي سرب اليأس لقلبو وغير هيك دافنشي كلن عندو اعتقدات خاصة فيه وهي تقديسو للآلهة الأنثى وما بعرف شو...يعني بنظرو الأنثى هي الإله وهي (واهبة الحياة) لذلك لازم تعبد ظهور الشاب المبدع مايكل انجلو بهديك الفترة زاد من يأس دافنشي وخلا يترك المنطقة اللي قاعد فيا وبلش سفر ...طبعا هالشي كلو مدون بيومياتو واللي بينتقد فيا مايكل نقد تعسفي بيظهر غيرتو منو ومن ابداعاتو ...هادا الشي خلا كتير من اعمالو غير مكتملة وناقصة.. اقتباس: الأولى : سفوماتو (Sfumato) وتعني تقنية تمازج الألوان. وهي وصف الشخصية أو رسمها ببراعة وذلك باستخدام تحولات الألوان بين منطقة وأخرى بحيث لا تشعر بتغيير اللون مشكل بذلك بعدا شفاف أو تأثير مبهم...وتجلت هذه التقنية بوضوح في ثوب السيدة وفي ابتسامتها. بعض الفناني بيعتبرو انو اظهار خط الريشة هو من جماليات اللوحة بس أنا مع جدي  بقول انو تداخل الألوان وواقعية اللوحة هنن سر جمالا وشغلة تانية انو لوحة الموناليزا هي تجسيد رائع لبعاد الجسد البشري سواء من ناحية جمالية او تشريحية بمعنى انو ليوناردو ما رسمها هيك نقل أو بشكل تعسفي لأ...براعة دافنشي كانت باستخدامو للرقم PHI واللي بساوي1,618 وهادا الرقم اكتشفو القدماء اللي كانو يعبدو الآلهة الأنثى ووجود هالرقم هااااااااااااااااااائل بالطبيعة(سبحان الخالق) يعني كل الكون منطوي على هالرقم البسيط ودافنشي جسد هالرقم بروعته بلوحة الرجل الفيتروفي واللي بتمثل الأبعاد المثالية للجسد البشري ...بمعنى اذا قسما طول جسمنا من الرأس لأخمص القدمين على طول جسمنا من منطقة السرة لأخمص القدمين رح تطلع معنا النسبة فاي...اي لا تستغربو كلنا هيك الله خلقنا قسمو عدد اناث خلية نحل على عدد ذكورها بأي خلية نحل بيطلع عندكن النسبة فاي...وهيك هالرقم موجود بهالشكل الابداعي بكل الكون...يعني دافنشي عرف انو (إنكم لم تخلقوا عبثا) بس للأسف ما كان عندو ادراك هلا لوحة العشاء الأخير هي هاي اللوحة عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول آسفة لوجود أسماء الحواريين عليها لأن كنت عم اقرا مقالة ردا على ادعاءات دان براون بشيفرة دافنشي وادعاؤهباختفاء الكأس المقدسة من اللوحة...هلا اللوحة متل ما ذكرت عصام ترممت أكتر من مرة وهادا الشي محا العديد من تفاصيلا للأسف لذلك ما منقدر نحدد بهي النقطة مين الصح لأن ليوناردو كان متل ما قلت أنا مضطرب نفسيا ودائم الخلاف مع الكنيسة ومن ناحية دان براون عم يحكي من وجهة نظر شخصية وسطحية شوي...في كتير تفسيرات لطريقة الجلوس هيك ولوجود المسيح وأحد الحواريين على يمينو وتشكيلون للرقم 7 واللي الو دلالة بس ما في داعي طول اكتر من هيك عن جد آسفة للإطالة بس لسه في كتير ما حكيتو بس الشغلة اللي بدي قولا واللي بتحرق القلب هي كيف هيك اسطوووووووووووووووورة بيعرف كل هالعلوم وعمل كل هالاختراعات وكان عندو هالكم الهائل من الابداع والخيال والمعرفة ما اهتدى لرب العالمين كان بيعرفو تماما فكيف ما آمن؟؟؟ يمكن العقل مالو علاقة... بس بالفعل أسطورة عصام بتشكرك من قلبي الموضوع اكرت من راااااااااااااائع 
|
|
| الكاتب: | عصام [ الاثنين أيلول 08, 2008 9:27 م ] |
| عنوان المشاركة: | لمن يجهل الاسطورة ليوناردو دافنشي واهم اعماله .. حصري لارتين |
Ahmad R كتب: مشكور اخ عصام الله يعطيك الف عافيه على كل هالمعلومات الله وكيلك موضوع كتير ممتع مبارح وانا عم بقرأه ضرب المدفع ولساتني ما كنت مخلص وضليت متابع حتى اهلي فصلولي الجهاز منشان افطر يعطيك العافيه مره تانيه  عم تمزح مو  الموضوع نزلتو اليوم وانت قاريه مبارح  ع كل مشكور لمرورك وقرائتك اللي سبقت اوانها
|
|
| الكاتب: | Widad [ الاثنين أيلول 08, 2008 9:42 م ] |
| عنوان المشاركة: | لمن يجهل الاسطورة ليوناردو دافنشي واهم اعماله .. حصري لارتين |
عصام, إي شو هادا عصامو حتى الرسم ما خلص منك بالفعل موضوع روعة روعة روعة وطبعاً لوحات ورسام بهالروعة أكيد تعرضت لوحاتو للسرقة وبذكر مرة قرأت عن حادثة لشاب فرنسي قام بسرقة لوحة الموناليزا وعلى أساس هو برمم إطار اللوحات بمتحف اللوفر وفعلاً سرقها بس بعد سنتين إيطاليا ائدرت تلقي القبض عليه وتسترجع اللوحة الرائعة وحطتا بمتحف عندا ما بذكر اسمو بس بذكر كمان إنو العلاقة وقتا كتير توترتن بين فرنسا وإيطاليا لدرجة القطيعة هيك لحتى اقدرت فرنسا تسترجع اللوحة الي متحف اللوفروبتعرف ليش الشب سرق اللوحة اتصور إنو وقت المحاكمة قال إنو حبيبتو اتوفت وووقت كان عم يشتغل بالمتحف وشاف اللوحة عن قرب شاف شبه كبير بين حبيبتو وبينا مشان هيك سرقا وخباها عندو بالبيت اتصور وهيك خففوا الحكم عليه يمكن لمدة سنة أو أكتر شوي فعلاً موضوع رائع وتم الحفظ بس بتعرف عصام الغريب بهاللوحة انك ما بتئدر تتحدلها حالة نفسية فعلا ابتسامة غامضة يعني مرة بتحسا شديدة مرة حزينة يعني بالفعل نظرات عيونا غريبة جدا جدا 
|
|
| الكاتب: | الملاك [ الثلاثاء أيلول 09, 2008 2:11 ص ] |
| عنوان المشاركة: | لمن يجهل الاسطورة ليوناردو دافنشي واهم اعماله .. حصري لارتين |
عصام, ما قريت كلشي بخص الفيلم والرواية لأني بصدد قراءة الرواية قريباً  هي طويلة كتير....بس مصرة أقراها عقد ما سمعت عن روعتا وشدة ثقافة الكاتب. أما باقي ما تبقى فقريتو وبالتفصيل..وهي ما أول مرة لأنو الاسم الكبير ياما لفت نظري وقريت عنو وين ما صادفتو بس على فكرة بعض معلومات لينا جديدة عليي تماماً هي شغلة المقاييس اللي لقاها قبل وقتو ما عم تفوت براسي...إذا الموناليزا كلا عبعضا قد الصورة الحقيقيةوأنا من هدول الناس اللي مهما اتأملوا هاللوحة ما بلاقو أبشع منا بلاقيا قمة القبح كرسمة وكإمرأة مرسومةسواء جسدت التحام الأنثى بالذكر أما كانت غطاء أنثوي على صورة وتقاطيع وجه ليوناردو نفسو أما لوحة العشاء الأخير فطالعتا مرة من الانترنت بحجم مكبر جداً واتأملتا كتير..فعلاً حلوة ودقيقة جداً وعلى فكرة بخصوص رسوماتو الطبية..أنا قريت انو كل أطباء عصرو كانو مبدعين بس هو كان مشهور أكتر لأنو بالاضافة للطب كان رسام يعني ما بعرف عصام يمكن أنت كاتب مقالة من كتير مقالات بتزيد بهرجة هالانسان وأنا لساتني متأثرة بأول مقال قريتو كان عنوانو " هناك أكثر من دافنشي" اي وبيحكي عن انو ليش بس هادا انشهر وبس أقرا شيفرة دافنشي رح ارجع على هالموضوع وعلق وعنجد يسلمو لينا عالمعلومات والمداخلة القيّمة عصام, يسلمووووووووووووووووووووووون
|
|
| الكاتب: | فارس [ الثلاثاء أيلول 09, 2008 2:52 ص ] |
| عنوان المشاركة: | لمن يجهل الاسطورة ليوناردو دافنشي واهم اعماله .. حصري لارتين |
بدي رد لأبدي اعجابي بأعمال عصام مو بليوناردو والله موضوع تستحق عليه الثناء  و هي .... جخ  انا رح اقرا عمهلي بس الجزء اللي بخصوص الفلم رح أجلو لأنو لازم شوف الفلم قبل و ازا صار معي شي برد بستفسر تبئا
|
|
| الكاتب: | z-r-11 [ الثلاثاء أيلول 09, 2008 3:19 ص ] |
| عنوان المشاركة: | لمن يجهل الاسطورة ليوناردو دافنشي واهم اعماله .. حصري لارتين |
عصام, لك عصام كبرانة دائرة اهتمامتك لحتى وصلت للرسامين ما شالله الموضوع متعوب عليه و هاد واضح الله يعطيك العافية.. ما كنت بعرف ليوناردو غير من هاي الموناليزا تبعتو و انو صمم الهيليكوبتر يعطيك العافية مرة تانية و يسلمو ايديك
|
|
| الكاتب: | kma [ الثلاثاء أيلول 09, 2008 7:22 ص ] |
| عنوان المشاركة: | لمن يجهل الاسطورة ليوناردو دافنشي واهم اعماله .. حصري لارتين |
عصام, يعني إبداع دائم ما شاء الله عليك .... ...بصراحه انا الموضوع هلق ما قريتو ...بس مخليه لبعدين ..لأني أنا بصراحه قريت كتير عن هالموضوع ..لهيك انا تابعت الفلم .. وجبت كتاب دافنشي كود وهلق عم أقراه ... بس ما بتوقع طول فيه ...لأني متل ما بتعرف قاعد لحالي ...ونازل مدح وقرايه ... أما بالنسبه للفلم ..فبصراحه الفلم حلو ...بس بدو متابعه وفهم وأهم شي تكون قاعد لحالك ومشغل حواسك الخمسه ... عنجد من كتر ما حكولي عن الفلم جبتو وقعدت انا و3 من رفقاتي وكل 5 دقايق نوقف الفلم ونسأل بعضنا شو فهمتو لهلق ... لأنو بصراحه أخراج الفلم حلو ومن كتر ما رهيب الإخراج ...انا ورفقاتي كل واحد فينا طلع بمفهوم شكل بعد ما خلص الفلم .. بس يلي وحدنا بالأخير انو كان واحد منا قاريه الروايه ... ومن وقتها نويت اقراها |
|
| الكاتب: | عصام [ الثلاثاء أيلول 09, 2008 11:09 ص ] |
| عنوان المشاركة: | لمن يجهل الاسطورة ليوناردو دافنشي واهم اعماله .. حصري لارتين |
Lina, حمد لله عجبك الموضوع وشكرا كتير عالاضاقة والمعلومات الجديدة وانو لكن طلع دافنشي عينو ديقة ومايحب مايكل بالاك قصدي انجلو بتعرفي حقو انو يتسرب اليأس لنفسو بعد كل هالاشيا اللي قدر يوصفها ويعملها ويرسمها وما يلاقى التقدير او الحافز انو يستمر وهي شغلة الرقم PHI عجيبة غريبة واول مرة بسمع فيها تذكرت قلم الp2 تبع الاتمتة ومن ناحية العشاء الاخير فبالفيلم قالو انو اللي على يمين السيد المسيح هي مريم المجدلية وصار في حكي كتير وجد بلبلة كبيرة ورا هالشي كونو سلالتها مازلت قال حتى يومنا الحالي بس مختفية من طغيان الكنيسة هالفيلم في كذا دولة منعتو من العرض فيها وفي البعض حذفو منو شوي واكيد هلأ البعض اللي ماحضرو رح يتحرقص شوي ويحضرو خلص تابعو الفيلم او اقروا الرواية ولا تنسو تقرو جزء الموضوع المتعلق بالرد اللي اصدرتو اوبس داي حتى تكمل عندكنم الصورة وكلام الجهتين وانتو الحكم الاخير متل ماقال المترجم بعدين انو ليش ما كملتي كلامك يعني موضوع طويل بيستحق رد طويل مو كم كلمة ووردة ولا تستغربي شغلة عدم ايمانو لانو الله يهدي من يشاء بس متل ماقلتي والله انو رجل بهالعقل الخارق والقدرة على قراءة ما خلف الواقع ما بيأمن بوجود اله واحد شكر لردك الرائع
|
|
| الكاتب: | عصام [ الثلاثاء أيلول 09, 2008 12:05 م ] |
| عنوان المشاركة: | لمن يجهل الاسطورة ليوناردو دافنشي واهم اعماله .. حصري لارتين |
Widad, نور الموضوع بردك وانو من ناحيتي عامل هجمة ع كذا قسم وعسيرة روعة فبالفعل روعة بس لا تقوليلي الدنياصيام وبخصوص سرقة هاللوحة : ب13 ديسمبر بعام 1911 م استطاع شاب فرنسى يدعى بيروجى كان يقوم بترميم بعض اطارات الصور بالمتحف أن يسرق الموناليزا ويخفيها لديه. وبعد عامين، أى فى عام 1913م، باعها لفنان إيطالي هو ألفريدو جيري الذي ما أن رآها وتأكد أنها "موناليزا" دافنشي الأصلية حتى أبلغ السلطات الإيطالية التي قبضت على اللص وأودعت اللوحة فى متحف بوفير جاليرى. عندما علمت فرنسا بالأمر دارت مفاوضات بينها وبين إيطاليا، وكادت العلاقات ان تقطع لولا أن فرنسا استطاعت أن تُرغم إيطاليا على إعادة اللوحة لها ومعها السارق. و قد ذكر بيروجي فى معرض الدفاع عن نفسه أن الدافع على سرقة الموناليزا هو أنه كان يحب فتاة تدعى "ماتيلدا" حبًا شديدًا, لكنها توفيت بعد معرفة قصيرة بينهما, وعندما شاهد الموناليزا باللوفر وجد فيها ماتيلدا حبيبته, فقرر سرقتها. وقد صدر الحكم عليه بالسجن لمدة عام واحد فقط. شكر لمتابعتك الدائمة
|
|
| صفحة 2 من 5 | جميع الأوقات تستخدم GMT + ساعتين [ DST ] |
| Powered by phpBB® Forum Software © phpBB Group http://www.phpbb.com/ |
|