ألف شكر نعيم على الموضوع المفيد
في طريقة جربتها بامتحان الترجمة الفورية 1 هالفصل
مدة الامتحان عنا طويلة (3 ساعات) و كان في 3 نصوص نصين مكتوبين و النص الثالث بتجي الدكتورة و بتقرأه علينا مرتين و نحنا لازم نترجم وراها مباشره (طبعا على المسودة)
اتبعت طريقة انو بالأول ترجمت النص الأول و التاني على المسودة عمهلي و تركتهم و وقت اجت الدكتورة قرأت علينا النص التالت ترجمته و عدته لحتى ما انسى شي لأنو النص مقروء و ليس مكتوب
و رجعت للنص الأول و بدأت بمراجعة الترجمة حسيت انو الترجمة النهائية طلعت أحسن بعد ما تركته فترة و انتبهت لأخطاء و صححتها و كذلك النص التاني....هي الطريقة مفيدة بس لازم الواحد يكون متأكد انو بزيد معو وقت....لأنو بامتحان الترجمة التحريرية يا دوب لحقت ترجمت كل نص لوحده على المسودة و بيضته مباشرة و انتقلت على البعده
بالتوفيق إن شاء الله