حابب وضح فكرة عن سوق الترجمة يلي عنده خبرة عملية بهالمجال بيعرف عن شو عم بحكي؛ في نوعين من التعاقد:

تعاقد مباشر  
Independent Contracting

و تعاقد بالباطن
Sub-contracting

في دكاترة بيترجموا بإيدون لشركة نشر (تعاقد مباشر).

و في كمان بعض الدكاترة ما فاضيين للترجمة بياخدوا الكتاب و بيعطوه لعدة مترجمين على الأغلب (تعاقد بالباطن) مقابل أجرة بسيطة و بقوم الدكتور بتنسيق الأسلوب و بتقديم الترجمة للشركة الناشرة على أنها ترجمته، و هيك بكون ربح ماديا و معنويا و بكون المترجم المغمور خسر ماديا و معنويا.


مثال تاني: ممكن أنا وقع عقد ترجمة كتاب في أمريكا و بتكون قيمة العقد بالدولا طبعا بس ببعت الكتاب على سوريا للترجمة في مكتب من المكاتب و بتكون قيمة الترجمة مقدرة بالليرة، و فرق العملة معروف.  يعني احتمال كتير كبير إنو فصل من كتاب أو كتاب كامل عم يترجم هلأ بمكتب ترجمة في سوريا يكون لحساب شركة نشر أمريكية مثلا، و ما بيعرف صاحب مكتب الترجمة هالحقيقة، ممكن البعض يسمي هالشي هاد Exploitation و البعض بيسموه        Sharp Practices بغض النظر عن التسمية يلي عنده مكتب ترجمة بده ينتبه لهي الناحية، بالمشرمحي ممكن دكتور بأي اختصاص يقدم كتاب على أنه من ترجمته بس بالحقيقة بكون المترجم هو شب شاطر بس مغمور، بدنا ننتبه من موضوع النفخ بمجتمعنا.

في الناحية الصحية: الترجمة كمهنة بتحرق عيون الواحد و بتوجع الضهر لأن نحن هون عم نحكي عن عمل مستمر مدى الحياة، الحل الوحيد لهالمشكلة هو الطباعة باللمس و جهاز لابتوب، يلي ما بيعرف طباعة باللمس لا يقرب على الترجمة كمهنة خصوصا يلي بيطبعوا بأصبعتين و بيصفنوا بلوحة المفاتيح، غير هيك إذا حابب يتسلى بالترجمة تسلاية مو مشكلة.

رغم كل الشغلات يلي حكيتها و مع إنو في  Commercialization of Translation  بس بالنسبة إلي

حسامي بشكرك كتير على المعلومات الحلوة والحقيقة خوفتني شوي وخاصة كلمتك


بس الظاهر عندك خبرة بهالمجال يا ريت تستمر المساعدة منك

أندلسية

I may lose my eyes and be unable to see what's up at the end

حرق عيون وجع ضهر مترجم مغمور    

بس شوهالمركز بجامعة الملك سعود شي بيخاد العقل

متل عنا

الفكرة حلوة ليش لاء .............

لازم الواحد يبدأ بشي
100% معك وحلوة البداية

قلت كل شي عندي تقريبا بس بدي ضيف إنو:

في مهنتين بحب سميون (المهن المظلومة) و هي التدريس و الترجمة يلي لهلأ ما آخدة حقها، المترجم موجود بدائرة لغوية ضيقة، هالحكي بسياق العمل في مكتب ترجمة، و عمله بدو تعب، و الآخرين بيستفيدوا من شغلوه أكتر ما يستفيد المترجم نفسه و السبب هو:

The translator (teacher) works hard and others work smart: Work Smart NOT Hard


كمان في شغلة التعليق السابق كتبته على فرض إنو الترجمة المطلوبة رح تكون Soft Copy مو Hard Copy، و ما بعتقد في مكتب ترجمة بيسلم الترجمة كتابة يد و لا في زبون بيطلب الترجمة كتابة يدوية، الكتابة اليدوية صارت من التاريخ، و الحاسب فرض حاله على هالمهنة، و معظم الزبائن بدون شغلون يخلص بسرعة، هلأ كل مهنة بتأثر على الجسم صحيا، ممكن هالتأثير هاد ما يكون مباشر لكن تراكمي مع الزمن بيظهر، و الأمثلة عديدة، لهيك لازم المترجم يركز على Ergonomics  أو الهندسة  البشرية بمهنته، أنا ما بستخدم نضارات بس مع هيك ما بطلع على الشاشة لما بكون عم ترجم، لكن بعرف ناس ضروا نفسون بسبب الاستخدام الغلط للحاسب.

بدك تعتبر هالتعليق عبارة عن بيانات و إنت بتعمل منه معلومات.

و الخير فيما يختاره الله

حسامي، مارح إتركك لحتى ( أررك) شو تفاصيل عملك بالترجمة  آآ

معي مؤهل جامعي بالترجمة بس عملي مو بالترجمة بمجال تاني،،،
بترجم لأني بحب الترجمة كتير،،،
و الملاحظات يلي ذكرتها بالتعليقين الأخيرين هي من خبرتي بالترجمة كهواية.

بداية حلوة لكل باحث عن فرصة وأنا معك وجاهز لأي خدمة لأني بحماه وبدرس بحمص