ساحه المبدعين العظماء العباقره فقط

قطقوطه

عنجد مابعرف مين غلط وسمى بوح المشاعر بهالااسم لازم يكون اسمها ساحه المبدعين فقط وانا اسفه كتير لاني اشتركت فيها فكرت حالي عضو بالغلط بكرر اسفي

ابراهيم محمد

قطقوطه,

بوح المشاعر سمي ببوح المشاعر مشان نشوف الابداعات اللي رح يتحفنا فيها الأعضاء ونشوف شو الجميل منها ونحاول انو نساعد الشعراء حتى ينمو مواهبهون من خلال تعليقات الأعضاء التانية عليها

الواحد فينو يعرف شو الخطأ اللي عندو ويتداركوا بقصائد أو خواطر قادمة

أنا مثلاً كان أسلوبي مو كتير حلو لكن بمساعدة أكتر من شخص من رواد بوح المشاعر الحمد لله صرت أتفادى اخطائي أول باول

انا بعرف انك انزعجتي من رد الملاك على الخاطرة اللي انتي نزلتيها بس تأكدي تماماً انو اللي بجاملك بكون بضحك عليكي ومستسخف وجودك وكتابتك أما اللي بينقدك صح هو اللي بخاف على مصلحتك

أنا قريت رد الملاك وقريت ردك اللي بعدو واكتشفت انو انتي فهمتيها غلط

هي حاولت تساعدك انو تحددي شو نوع الكتابة اللي بتستخدميها بالأفكار الموجودة عندك

هاد اللي عندي وناطر رأي غيري مشان تتأكدي

تحياتي

Hidding Rose

قطقوطة ....
مية هلا فيكي بين اخوتك بعائلة ( ارتـــيـن ) فالكل هنا عزيزتي اخوة و عائلة واحدة يتمننون الخير لبعضهم
أختي الكريمة...بالعكس.. انتي عضو مكانها الصحيح هو هذا القسم

اذا دققتي بين اسم هذا القسم و بين الاسم الذي اخترته انت ستلاحظي ان الذين يبوحون بمشاعرهم هم المبدعين.. صح ؟ و المبدع و العظيم لم يصبح مبدعا الا عندما اخطأ و قومت اخطاؤه .. حتى بعد ان يصبح عظيما فهو يحتاج الى المزيد من النقد و الاراء ليرتقي بما لديه نحو الافضل ..

فعلا حبيبتي كلام اخي ابراهيم صحيح ...انو اللي بيصلحلك اخطائك هو اللي بيفيدك و بيتمنالك الخير مو اللي بيجاملك ... ومتل ما قلتلك بالبداية انو الأعضاء هون عيلة وحدة و اخوة و بيفيدوا بعض كل واحد بمجال بخبرته ... بعدين و حدة متلك مالازم تترك هيك قسم بتعرفي ليش ؟؟.. مو من شانك هه :mrgreen:

من شان نحنا نستمتع بكتاباتك و يزيد استمتاعنا فيها اكتر كل ما تزيدي من جمالها و تطوريها

بصراحة.. انا بكتب خواطر و هيك شي بس لما زدت من قراءتي للخواطر و الشعر حسيت بتحسن باسلوب و طريقة كتابتي بس و لا مرة نزلت اي منها بالمنتدى .. بس بعد ما قرأت موضوعك و شفت الردود بصراحة تشجعت شوي (ما كنت خايفة من النقد ..لاء.. بس هلأ حسيت انو يمكن تتطور كتابتي اكتر من خلال هيك نقد بإني اعرف شو اخطائي بالضبط... يعني اساتذة بالمجان شو بدي احسن من هيك :mrgreen:

) هيك بتكوني كسبتي اجر فيني و انت مانك دريانة :mrgreen:

بتمنى و الا قلك ... ازا بتقبلي طلب مني .. انك ترجعي تقرئي موضوعك و الردور عليه و رح تلاحظي متل ما لاحظنا انا و ابراهيم انك فهمتي الملاك غلط ... صدقيني انها انسانة رائعة و اللي بيدل ع هالشي انها مو انانية وما بخلت بمعلومة عندها و هاد اجمل شي بالإنسان

اتمنى ان تقبلي كلامي و اسفة للاطالة

لك مني كل الشكر و تقبلي اعتذاري مرة اخرى

ثـــائـــر

قطقوطه,

انا رديت عليكي هنيك بقصيدتك نفسا و ما بدي ارجع احكي هون ...
انت مكبرة الموضوع شوي ..ما ؟؟؟
مابدو كل ها القد ... صدقيني .نحنا الكل هون اخوة و انت وحدة مننا ... ما لازم تزعلي
لازم تستفيدي من ها الشي بتنمية موهبتك ...لك انت بنت موهوبة و هادا يلي قالتو الملاك و قالتو نرجس .... طلعي على النص المليان من الكاسة ..ليش بتطلعي على النص الفاضي ؟؟؟ هن صحي انتقدوك بس بنفس الوقت قدروا موهبتك ..
نمي موهبتك عنا .... صدقيني ..انت لازم تفرحي وتنبسطي .
روحي و تصفحي قسم بوح المشاعر و شوفي اديه في خواطر و قصائد ما عليها رد .انت هاد اول موضوع الك با المنتدى كلو ... و الكل رد عليكي .... فسريلي ها الكلام ؟؟؟؟ ما رح يطلع معك غير كلمة انو الكل حبك .. و لولا ما شفنا عندك موهبة فعلا ما كنا حكينا هيك ...كنا قلنالك مشكورة و الى الامام ...ساعتها بتنسبطي ؟؟
يلا لشوف ... روقي و طولي بالك و مابدها زعل ... و هاي كم وردة كمان ...