السلام عليكم دكتور سمهر
اذا بتريد , انا طالبة سنة تانية ماحضرت الا محاضرتين لالك
مشالله عليك فعلا اسلوبك رائع ,الله يجزيك الخير يارب
من خلال هالمحاضرتين قدرت افهم كم شغلة عكتابة المقال بس في شغلة حيرتني
انا قريت المحاضرات النازلة بالمكتبة وقريت بالكتاب بس ماقدرت افهم بالضبط ايمتا بحط ال thesis sentence
سؤالي : بحطها بأخر اول باراغراف (introductry) وبس   ولا لازم حطها بأخر كل باراغراف من المقال؟
بتذكر انك قلت بس بأخر اول باراغراف لاني بعدين بدي اشرحها بباقي الباراغرافات بالتفصيل بس بالكتاب كأني فهمت انو تقريبا بتنحط بأخر كل باراغراف!!
ممكن تشرحلي شوي عن ال thesis sentence؟؟
وشكرا كتير الك دكتور سمهر

ملك السيد

و عليكم السلام اهلا و سهلا فيكي
ال thesis statement هو عبارة عن الجملة الاخيرة بالمقطع الاول فقط من المقال. اذا كان المقطع الاول خمس جمل مثلا بتكون الجملة الخامسة و اذا كان جملتين بتكون التانية و هي ممكن تكون جملة واحدة او جملتين و لكن الافضل ان تكون واحدة.
اذا قارنتي ال thesis statement مع topic sentence بصير سهل عليكي تعرفي كيف تكتبيا.
ال topic sentence هي اول جملة بالعادة و هي جملة عامة مقدمة للمقال. ال thesis statement هي عبارة عن جملة وظيفتا تحديد نطاق ال topic sentence و هي بتحدد للشخص اللي رح يقرا المقال النقاط الاساسية اللي باقي المقال بيناقشا.
مثال:
اذا اخدنا موضوع ال education
الموضوع عام كتير فينك تكتبي اكتر من مقال واحد عليه
فمثلا topic sentence ممكن تكون تعريف او سؤال او حقيقة:
education is one of the main requirements in modern society.
هلق بنجي لل thesis statement بدنا جملة تكون فيها نقطتين او 3 محددة فقط, و لنفرض انو بعد ما عطيتي تعريف لل education بدك تشتغلي على مشاكل التعليم فالبتالي ال thesis statement ممكن تكون:
there are many problems in the education process, such as: lack of resources, and the increasing number of students
اذا انا بدل ما اكتب موضوع عام جدا و طويل, حصرته بنقطتين فقط:
lack of resources و increasing number of students
اذا بباقي المقال بكتب فقط عن هل النقطتين كل نقطة بمقطع منفصل

اسهل طريقة لكتابة ال thesis statement هي اما:
تكتبي سؤال اجابته ممكن تكون اكتر من نقطة مثال:
What are the problems of education in our society?
و الجواب بكون بباقي المقال

او الطريقة التانية تعداد نقط مثل ما عملنا بالمثال السابق

مثال اخر و هي المثال اللي كنا نتعامل معه بالمحاضرة:
ال topic: pollution
ال topic sentence: اي مقدمة بتحبيا عن التلوث
thesis statement: هون عندك خيارات كتير مثلا:
there are two types of pollution: air and water
او
two of the main effects of pollution are : diseases and global warming
او
How can we solve the problem of pollution?

تذكري انو thesis statement لازم تكون جملة واحدة و انو النقاط المحددة فيها لازم يتم التعامل معا بباقي المقال: اذا سؤال لازم تجاوبي عليه, اذا تعداد نقط لازم تتعاملي مع كل النقط اللي عددتيا, اذا حلول بدك تناقشي الكل  و هي بتجي بس بأول مقطع,  و ليس كل مقطع من المقال بده thesis statement  على عكس ال topic sentence هاي لازم تكون اول جملة من كل مقطع بالمقال (مع بعض الاستثاءات مثل المواضيع السردية narrative)
لذلك بالفحص لا تعددي اكتر من 3 نقط

في بعض انواع من المقال ما بينكتب فيها thesis statement
مثلا المواضيع الوصفية احيانا ما بكون في داعي لل thesis statement
و المواضيع السردية narrative ايضا ممكن انو ما ينكتب فيها thesis statement

المقطع الاول بالمقال دائما بدايته بتكون عامة و نهايته محددة

اما بالنسبة لل topic sentence فكتابتها سهلة: اما تعريف, او سؤال او حقيقة (و ايضا ممكن تكون اكتر من جملة اذا كان الموضوع طويل)
بالفحص اسها طريقة هي انو على المسودة اكتبي ال topic
و اسئلي حالك اسئلة ممكن تساعدك بانو تحددي الموضوع او جزء من الموضوع اللي بدك تتعاملي معه و حولي الفكرة لسؤال بصير عندك thesis statement

تحياتي

السلام عليكم دكتور محمد سمهر
جد شكرا كتير كتير فعلا استفدت
مابقى عندي اي استفسار ابدا
شرحك كافي ووافي حتى اكتر من شو توقعت
بارك الله فيك وبعملك يا دكتور
شكرا كتير الك
الي الفخر كون من طلابك

ملك السيد