Golden RoSe,
ياحي الله ، تحلاية آرتين معناها رح تكون من عندك بهالعيد
شكرا على الموضوع وبتمنالك التوفيق
| آرتين لتعليم اللغات http://forum.art-en.com/ |
|
| حــــــلويــات العــيــــــد الآرتـينية...شارك معنا..^^ http://forum.art-en.com/viewtopic.php?f=121&t=22225 |
صفحة 1 من 2 |
| الكاتب: | Golden RoSe [ السبت أيلول 04, 2010 6:34 م ] |
| عنوان المشاركة: | حــــــلويــات العــيــــــد الآرتـينية...شارك معنا..^^ |
السلام عليكم الحمدلله بُلغنا شهر رمضان هالسنة والحمدلله تقريبا تم الشهر وما ضل غير نجهز للعيد العيد بيختلف من بلد لبلد ومن مدينة لمدينة, حتى من بيت لبيت حبيت افتح هالباب لنشوف العيد بآرتين كيف؟ كل واحد فينا فيه يحكي اللي بيريده عن هالأيام وكيف بيجهز للعيد وشو بيعمل سواء قبل العيد أو بأيام العيد هلأ هدفي الأكبر من هالموضوع هو استغلال خبرة آرتين بالمطبخ لأن ماشاء الله اللي شفناه بمطبخ آرتين شي كتير حلو ومنو اللي بيجهز ضيافة العيد بالبيت من حلويات ياريت يغنينا, بطمع كتير بالمطبخ انا وياريت يضل مضبخ آرتين شغال لبعد رمضان كمان هون أنا رح نزل كل اللي بعملو من حلويات العيد (المجربين والمضمونين) وحاول ارفقهم بالصور راجعة بعد الفطور مع أهم صنف عنا ألا وهو الكليجة إن شاء الله الفكرة تعجبكم, وإذا تم وعجبتكم بتمنى ما ت بخلو علينا بالمشاركة بأي شي بيخطر على بالكم عن العيد تحياتي للجميع |
|
| الكاتب: | NOOR TALEB [ السبت أيلول 04, 2010 7:31 م ] |
| عنوان المشاركة: | العيد وتوابعه بآرتين |
Golden RoSe, ياحي الله ، تحلاية آرتين معناها رح تكون من عندك بهالعيد شكرا على الموضوع وبتمنالك التوفيق
|
|
| الكاتب: | عصام [ السبت أيلول 04, 2010 9:20 م ] |
| عنوان المشاركة: | العيد وتوابعه بآرتين |
اقتباس: هون أنا رح نزل كل اللي بعملو من حلويات العيد (المجربين والمضمونين) وحاول ارفقهم بالصور ايــــــــــــــــــــــــــــــــــــــــــــــــــــه بدك تحطي عالجرح ملح يعني انتي  بركي عجبتني شي شغلة وقلتلن لاهلي يعملوا وماعلموا شو بعمل بحالي انا 
|
|
| الكاتب: | Golden RoSe [ السبت أيلول 04, 2010 10:06 م ] |
| عنوان المشاركة: | العيد وتوابعه بآرتين |
اقتباس: ياحي الله ، تحلاية آرتين معناها رح تكون من عندك بهالعيد تكرم, صباح العيد افتح آرتين وخص نص هالصفحة  اقتباس: ايــــــــــــــــــــــــــــــــــــــــــــــــــــه بدك تحطي عالجرح ملح يعني انتي بركي عجبتني شي شغلة وقلتلن لاهلي يعملوا وماعلموا شو بعمل بحالي انا لا هون رح بنحط سكر وكرمال هالكلمة الكعك المالح تاركتو للأخير هلا بخصوص إنو ما حدا يعملو بسيطة, كلو بسيط واي حدا فيه يجربو نورتو, وشكرا لتواجدكم |
|
| الكاتب: | Golden RoSe [ السبت أيلول 04, 2010 11:00 م ] |
| عنوان المشاركة: | الكليجة |
اول صنف هو الكليجة طبعا العيد عنا بدون كليجة ما بينعد عيد ( متل المعمول بالشام) المقادير: 4 زبادي طحين 1 وربع سكر (نفس الزبدية طبعا) 1 سمنة, بناخد من السمنة مقدار كاسة (ما بيلزمنا) ونضيف مكانه كاسة زيت نباتي رشة ملح توابل كليجة, مكونة من (2 حبة جوزة الطيب, ملعقتين كبار محلب, ملعقة قرفة, ملعقة قرنفل, ملعقة شمرا) طبعا بنطحنهم كلهم وبنخلطهم مع بعض, ظرفين بيكم بودر, ظرفين فانيليا 4 ملاعق كبيرة حبة البركة 3 ملاعق كبيرة خميرة, بندوبها بشوية مي ورشة سكر, حليب للعجن بنحط الطحين وبنفركه بالسمنة والزيت لحتى ياخد كل الطحين الدهنة ( هالخطوة بتعطي نتيجة اطيب واحلى), بعدين بنحط السكر والوباقي المواد (إلا الحليب) نخلطهم منيح يبقى مرحلة العجن, هون بنضيف حليب ونعجن لحتى تتماسك معنا العجينة بشكل منيح وتكون طرية (بنفس الوقت طبيعتها قوية يعني مو متل عجينة المعمول أو البتيفور وهالفزلكات الصغيرة )ممكن نستغني عن الحليب بالمي وبس لكن الطعمة بالحليب أكيد أحلى, طبعا الخميرة بتجي قبل الحليب او معو مافي مشكلة, والتخمير تقريبا 6 ساعات او اكتر, مثلا بنعجنها بالـ 10 المسا وبنخبزها الصبح, وممكن بالصيف تاخد فترة اقل ممكن نضيف حفنة جوز الهند للطحين, كمان ممكن نضيف جوز ناعم شوي بين العجين, سمسم, زبيب, كلو بيعطي نتائج روووعة التقطيع: إلها قوالب خاصة بالسوق سواء بلاستيك أو خشب, ممكن نقطعها بالشكل اللي بنريدو, سواء كعكات أو بالقالب أو بالسكين, طبعا جبت كم صورة لقوالبها من النت فينا نحشيها تمر, جوز, تمر مع جوز, شو ما بدنا بس أساسها تمر هلا بترككم مع كم صورة, وصصحتين   قوالب   الفرق بين الصورتين هو لون الكعكة, الأولى مدهونة بيض عادي (بنخفق بيضة ونرشلها رشة فانيلا وندهن فيها الكعكة) وإذا بدنا اللون اغمق متل مو بالتانية, بنضيف صفار او صفارين للبيضة إن شاء الله تكون واضحة الطريقة للي حابب يجرب |
|
| الكاتب: | Golden RoSe [ السبت أيلول 04, 2010 11:26 م ] |
| عنوان المشاركة: | كعك بنشا |
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول كعك بنشا أظرف صنف المقادير: كاسة ونص سكر مطحون كاسة ونص نشا كاستين سمنة 4 بيضات ظرف بيكم بودر ظرف فانيلا طحين حسب الحاجة بنذوب السمنة ونضيفلها السكر والنشا, نخلطهم منيح بعدين بنحط البيكم بودر والفانيلا, نخلطهم, بنضيف البيض (يفضل نخفقو قبل ما نضيفو), بنضيف طحين لحتى يتماسك العجين, طبعا لازم يكون طري شوي يفضل أول مرة ينعمل إنو نعمل صينية ونشوف إذا ساحت الكعكة كتير معناها العجين ناقصو طيحن, بنزيد طحين ونشتغل طبيعي ممكن ناخد نص كمية العجين قبل ما نضيف طحين ونخلط معها كاكاو, طبعا التقطيع بنعمل منها حبات صغيرة متل اللي بالصورة بناخد حبة بيضة وحبة شوكولا ونلزقهم بالمربى (اطيب شي) او بالكريما, وبعدين بنضغطهم على فستق ناعم او جوز الهند بيمشي الحال ممكن نستبدل المربى بشوكولا سائل وصحتييين[/size] |
|
| الكاتب: | فــلـك [ الأحد أيلول 05, 2010 4:18 ص ] |
| عنوان المشاركة: | العيد وتوابعه بآرتين |
Golden RoSe,
الســـــلام عليكم... أول شي أنا حابة اتشكرك على هالفكرة الظريفة....كتير حلو انو نكون مع بعض بآرتين حتى بالعيد ونتشارك بفكرة حلو العيد... بس اسمحيلي عدل العنوان... وبالنسبة لاستمرار المطبخ لبعد رمضان فرح ندرس الموضوع بالإدارة.. الموضوع مثبت.. |
|
| الكاتب: | Mohammed [ الأحد أيلول 05, 2010 4:37 ص ] |
| عنوان المشاركة: | حــــــلويــات العــيــــــد الآرتـينية...شارك معنا..^^ |
حلوووووووووووو هاي أمنا على الطبخ والحلويات للمستقبل بركي سكرو محلات الحلويات والمطاعم و اطرينا نصير نطبخ  شكراً روز 
|
|
| الكاتب: | Mnoor [ الأحد أيلول 05, 2010 1:16 م ] |
| عنوان المشاركة: | حــــــلويــات العــيــــــد الآرتـينية...شارك معنا..^^ |
فكرة ظريفة وصور روعة وخصوصي تالت صورة والله بتشهي Golden RoSe,
|
|
| الكاتب: | Golden RoSe [ الأحد أيلول 05, 2010 11:00 م ] |
| عنوان المشاركة: | العيد وتوابعه بآرتين |
فــلـك كتب: Golden RoSe, الســـــلام عليكم... أول شي أنا حابة اتشكرك على هالفكرة الظريفة....كتير حلو انو نكون مع بعض بآرتين حتى بالعيد ونتشارك بفكرة حلو العيد... بس اسمحيلي عدل العنوان... وبالنسبة لاستمرار المطبخ لبعد رمضان فرح ندرس الموضوع بالإدارة.. الموضوع مثبت.. وعليكم السلام مبسوطة إنو الفكرة عجبتكم, بالنسبة للعنوان على حسابك وشكرا كتير للتثبيت  أساسا الشكر إلك لأن فكرة الموضوع بآرتين لطشتها من فكرتك بمطبخ آرتين وإن شاء الله ينجح لو شوي متل ما نجح موضوعك ناطرينك بطلة تانية وشي فكرة صنف تحياتي |
|
| صفحة 1 من 2 | جميع الأوقات تستخدم GMT + ساعتين [ DST ] |
| Powered by phpBB® Forum Software © phpBB Group http://www.phpbb.com/ |
|