الجنسية الحمصية

Hiba

[align=center][align=center]حتى تكتسب الجنسية الحمصية يجب ان تتوافر فيك شروط التالية:1-الجنسية الحمصية هبة من عند الله سبحانه وتعالى
الحمد لله على هذه النعمة لازم تكون مقتنع انو حمص مستقلة ولازم تكون كرماوي لانو الكرانمة انتماء منفصل
2-انا تكون مستعدا لان تعيد يوم الاربعاء يعني تصيف على الاخير تمشي بعكس التيارمثلا تلعب طابة بنص الشارع تلحق بنت وتلطشها تسبح على الشط مع انو مافي- عنا شاطئ بحمص بس بدك تدبر راسك يعني :تخرج عن كل الضوابط والاعراف المالوفة فكل ما عو مالوف يجي ان تغيره يوم الاربعاء
2-لازم تكون من العالم يلي بحبو اكلة المجدرة مع البصل المقلي واذا ما كنت هيك روح دور على غيرنا
3- لازم تكون مطيع كتير لزوجتك لانو الحماصنة مرضين كتير(الله يرضي عليون)يعين بدك تخفف شوي من رجولتك يعني بدك تكون شوي 000 شي 8 ساعات باليوم ومالك كلمة بالبيت
4-بدك تكون ظريف كتير مع الموظفين لانو عنا الموظفين بحمص حساسين كتير وبيزعلو بسرعة يعني بدك تراجعهم بذوء وهدوء وبدون ما تجرح مشاعرهم واكيد اكيد( لاتنسى المعلوم)
5- لازم يكون عند فراسة وسرعة بديهية وتعرف الشوفير يل رايح قدامك لوين بدو يروح وكيف بدو يلف او ايمت بدو يضرب فرام لانو عنا بحمص ما حدي بيعطى اشاراة وكلو بيطحش على كلو؟
وعلى فكرة لازم تذكر شوفير التاكسي مشان يشغلك العداد لانو وين ما رحت بياخد 25 ليرة سورية فقط
6-لازم تكون رئتك ملوثة بنسبة 99,999 بالمية
لانو اذ كنت متعود على الهواء النظيف والعليل مارح يمشي حالك عنا لانو بتروح خالص وبتمرض بامراض مزمنة لانو عنا كل انواع التلوث الحمد لله
7-لازم نحكي على العريض اما شو يعني على العريض-------
8-ولاتنسى الاركيلة لازم يكون عندك نفس ماكن يعني شفيط درجة اولى (ممكن تحصل على مرتبة الشرف اذا قتلت تتن حموي)
9- اكيد بدك تحفظ شعار الحماصنة وهوي (الحماصنة النسور الحرة----نظرتهم حادة ومرة----واللي يحبهم مرة يحبوه الف مرة ومرة-----واخيرا وليس اخيرا
10- اذا وجدت هذه الشروط منطبقة عليك وبامكانك الوفاء بها فانا جاهزة ولحق حالك ---- لانو كل اربعاء عنا الشروط بتغير
ولكم خالص الشكر ]
اختكم كرماوية[/align]

soso

اقتباس:

وعلى فكرة لازم تذكر شوفير التاكسي مشان يشغلك العداد لانو وين ما رحت بياخد 25 ليرة سورية فقط

أنا بقول انو عنجد بكون حمصي اذا عمل هيك لأنو المشوار احيانا بكلف أكتر من 25

فارس

كرماوية,

اقتباس:

تسبح على الشط مع انو مافي- عنا شاطئ بحمص بس بدك تدبر راسك يعني

خلص منساويلكم شاطئ .... شو هل الشغلة :mrgreen:

اقتباس:

بدك تخفف شوي من رجولتك يعني بدك تكون شوي 000 شي 8 ساعات باليوم ومالك كلمة بالبيت

اي لا لا ... هي ما متوفرة فيي و لا حتى لدقيقة وحدة .. :twisted:

اقتباس:

لانو كل اربعاء عنا الشروط بتغير
:twisted:

ماشالله يوم الأربعا عندكم كتير شغلات بتصير .... :mrgreen:

مشكورة ع الموضوع .... بس كيف ما اكتبلك موضوع الجنسية الحموية :mrgreen:

WAIL

ههههههههههههههههههههه

والله يا كرماوية كل الشروط ممكنة ومافي مشكلة ما عدا هالشرط اذا بيمشي الحال بدونومنشان اتكل على الله وصير حمصي:
- لازم تكون مطيع كتير لزوجتك لانو الحماصنة مرضين كتير(الله يرضي عليون)يعين بدك تخفف شوي من رجولتك يعني بدك تكون شوي 000 شي 8 ساعات باليوم ومالك كلمة بالبي

Saint M2

و الله منتشرف . مو مجاملة ..

أهل حمص من أطيب و أروع الناس الذين عاشرتهم في حياتي

بس من لما سجلنا في جامعة البعث رفقاتنا بالشام سبقوك و أعطونا الجنسية الحمصية ..
[marq=right]
3- لازم تكون مطيع كتير لزوجتك لانو الحماصنة مرضين كتير(الله يرضي عليون)يعين بدك تخفف شوي من رجولتك يعني بدك تكون شوي 000 شي 8 ساعات باليوم ومالك كلمة بالبيت [/marq]
بس هي ما ظبطت معي ما بتتحلحل ل ( مو خوف بس احترام ) ( تفاهم متبادل و ثقة ) هههههه

Hiba

اقتباس:

مشكورة ع الموضوع .... بس كيف ما اكتبلك موضوع الجنسية الحموية

على راسي استاذ فارس
بس هاد عليك او وكيل فيو شي وحدة حموية

Hiba

اقتباس:

- لازم تكون مطيع كتير لزوجتك لانو الحماصنة مرضين كتير(الله يرضي عليون)يعين بدك تخفف شوي من رجولتك يعني بدك تكون شوي 000 شي 8 ساعات باليوم ومالك كلمة بالبي

شو شباب كانو حكينا شي غلط
طب وحياة الغوالي اذا بدكون بحذفلكون هل الشرط ولو شباب
:mrgreen:

Hiba

بس بدي الو santim2
شلون عم يمشي معك الكلام شو عاملو سحر

طلال مندو

وحياة الله كلام حلو كتير وأنا فخور بجنسيتي الحمصية ولو كلنو كل العالم ضحكوا علينا بس في شرط ما حبيتو وصعب للي ما حمصية مشان المجدرة

والله ما بحبها بلا هالشرط يا زملاء :shock:

ثـــائـــر

حمصي اصلي و الحمد لله

عراسي كرماوية

آخر المشاركات

الجنسية الحمصية