مقدمة عامة عن السرافيس بحمص :
هي الات ارتفاعها وطولها وصوتها وطريقة التعامل معها غلط بغلط .. لكنها ضرورية
ويجب التعامل معها بحذر شديد

-- اوعى تفكر تصف عالدور لما بدك تنتظر سرفيس او تخلي اللي جنبك يطلع قبلك والا بتروح عليك
-- وقف جنب اقرب بنت حلوة ناطرة سيرفيس لأن هونيك رح يكون الموقف القادم (من كل عقلك رح يترك الصبية واقفة ويطلعك !!!)
-- لا تأشر لسرفيسين بنفس الوقت لأن ممكن يتناقرو عليك وتروح دعس بتكون ضيعت عليك تجربة الرحلة بالسيرفيس
-- ازا كنت طالع من الكراج للكراج أوعى تقعد ورا الشوفير فورا لأن رح يضل يتطلع فيك بالمراية وانت رح تضطر تشوف تعابير وشو عم تقول ايمتا رح ينزل هاد ؟؟؟؟ حالف يحلب ال7 ليرات عأخر نقطة
-- يفضل انك ما تحاول تركز بالغنية اللي بيكون حاطتها الشوفير


هلأ
المواقف اللي ممكن تتعرض الها وانت جوا السيرفيس :


1 وانت طالع ممكن يخبط راسك بالباب لأن متل ما زكرنا .. ارتفاعو غلط
فازا كنتي بنت رح تسمعي : الله الله خير صرلك شي ؟؟؟؟ من كل الركاب و نظرات العالم كلها شفقة و وكلن رح يضربو الشوفير لأن الحق عليه ما اشترا سيرفيس الو اكياس هوا مشان الصدمات
وازا كنت شب فرح تسمع العالم عم تضحك وتقول العما ضربو مانو شايف !!!!!!! يالله بيستاهل ..شوف وين كان عم يبصبص

2 وقت بتسكر الباب بهدوء تبعا لتعليمات الاعلان اللي موضوع عالباب وما بيتسكر
ازا كنت بنت … دخيل الله شو هالأنوثة ليك وحتى عالباب مالها نفس تخبطو
ازا شب …. ليك التشتوش ليك مالو حيل يسكر الباب تفه عهالجيل

3 وقت بتسكرو بقوة
ازا كنت بنت … يا حرام اكيد معصبة من شي شغلة الله يعينها
ازا شب …. هشششش فهمنا انك قبضاي خلعت الباب

4 وانت قاعد ممكن يجيك اتصال
ازا كنت بنت ….. ياخ مأحلا صوتها نيالو المحظوظ .. ومعها اريكسون يا اخي مزوقة
ازا كنت شب …. تضرب انت واللي داير عليك وطي صوتك صرعتنا والله فهمنا معك موبايل

5 وقت بيوقفلك الشوفير وما بيكون في معو محلات أصلاً
ازا كنت بنت ما عليك الا انو تنظري نظرة وحدة لأي شب من اللي قاعدين بتلاقيه نط وقعد عالسفنجة اللي بعكس الشوفير
ازا شب دبر حالك عالدولاب وازا ما عجبك روح مشي شهههه نحنا بعمركن كنا نروح عالحسكة مشي


6 وقت بيكون معك اغراض
ازا بنت في مين يطالعلك ياهن وينزلن ويحطن بحضنو ازا بدك والناس شو بتقول بقلبا : يا حرام!! وين اخواتها الشباب يجيبو الاغراض
وازا كنت انت اخوها وجبنت الاغراض شو رح يقولو ؟؟
هوهوووووووو تعا حطن بحضننا !!! كلو مشان ما تاخد تاكسي لعما البخل


7 وقت بتطلع غنية بشششعة والصوت قوي
ازا بنت الك الحق تقوليلو وطي الصوت ازا بتريد او غير المحطة والعالم رح تقول اي اي غيرا (اكيد في الها ذكرى حزينة بقلبها)
اما ازا شب رح يلتفت عليك الشوفير ويقوي الصوت حبة تانية ورح يقول : ليك هالعالم ليك بدو يشترينا بالخمس ليرات تبعيتو !!!


8 وقت بدك تعطي الاجار
ما بتفرق بدك تحط ال 7 ازا بتكون جاي من جزر القمر وهاي الشغلة الوحيدة اللي ما فيها تفرقة عنصرية

9 وقت بدك تنزل وتقول للشوفير على مهلك وما يسمع بسبب الاغاني اللي حكينا عنها من شوي

ازا كنت شب بيتطلع فيك اللي حدك وبيقلك بنظرة فوقية : ما سمع صوتك
وبينط التاني بعد ما بتمر جنب بيتك وانت مستغرب انو السرفيس ما عم يفكر يوقف وبيقلك نازل ؟؟
وازا بنت ما عليكي الا انو تفكري تفكير بالنزلة او تهمسي همس بينك وبين حالك نزلني
واسمعي الشباب كلن بصوت واحد :
على مهلك على مهلك ….. نزلها …. شو مانك سامع ؟ …. عاليمين … نزلاااااااااااااااااااااا

وبتقولو بدكن تكاسي وشوفيرات ؟!!!؟!!!!!
والله خدمة عشر نجوم واحسن من هيك ما رح يصرلكن



منظمة الدفاع عن حقوق الرجل
محمد

حقوق النسخ محفوظة تحت طائلة الملاحقة القانونية

Mohammed,
ههههههههههه العفا والله هيك بصير معنا...منتحرك لننزل منسمع صوت الشباب الطيبة طلع
يا أخي في عنا ذوق بسوريا من جهة الشباب
ذكرتني مرة كنت طالعة بالطيران السعودي وكان معي غراض كتير
وملبكة فيهن
ماحدا قلي مدام بدك مساعدة
لأ وكنت حامل بالشهر ال7...
أي الله يخليلنا الشباب الطيبة والنخوة....
شكرا عالموضوع الحلو

ههههههههههههههه
و الله ضحكتني

فاتن,
وين بدك تلاقي هي النخوة ما بتلاقيا الا بسوريا

فطوم,
هههههههههه لك إنتي من وين بتطلعي تذكرتي وبالعلامة كنت جاية لعندكن

Mohammed,

ياخ جد كتيييييير حلو موضوعك ع قد مانو واقعي وأكتر مواقف مضحكة بعتبرا مواقف السرافيس
وفعلا صار لازملكن منظمة لحقوق الرجل ع قد ما عم يحكو ع حقوق المرأة وكأنك رافع الراية ومبلش
يسلمو

والله معك حق بهيييييي ماني معك بنوب لا تصدق هالحكي والله عنده رياحته بالدنيا وبتسوى بنات الدنيا كلها حتى لو كانت أنجلينا جولي اي مشان الله ليش خطي إلو حيل يقوم من مقعدع للسفنجة إلا في حالة واحدة إذا كان عامل مزمبليط وفرحان بحاله وبدو كل البنات يلي بالسيرفيس يصير مقابليو ويشوفه هالقامة البهية على فكرة من زمان ماسمعت بنت صوتا حلو والله جد بس عجبتني شغلة الاريكسون لأنو معي متلو والله حسب الشخص المتصل إذا كانت بنت بصير فشر نزار قباني بالتدبيل والأكابرية بالحكي يكون متلو أما إا كان رفيقو مافي داعي يحكيه عل الموبايل لأنو يمكن صوتو صار عنده

Mohammed,
شكرااااا ألك موضوع كتير ظريف

فاتن,
لو التقى شب سوري بالمطار كنت ما تعذبتي..
الله يخليلك هالبنوتة الحلوة

فطوم,
ما خرب بيتنا غير النخوة ... صار معنا ديسك من القعدة المفشكلة

هدى,
من زوقك ....شرفتي والله هالموضوع طلع من قلب محروق ..
يعني مو سرقة
شو بدنا نرفع رايات لنرفع هلأ أهم شي راية العاطلين عن العمل وبعدها حقوق الرجل


Osama,

طيب هنن استفزوني (صحي نحنا رزيلين بس في عنا شغلات منيحة ) وقال بدن شوفيرات
خلي يحسو بهالنعمة



Widad, بتصيييير
وأنا كمان ما بتحمل النوكيا ابدا من زوقك نورتي