أما نهار حضرتي ,, تححفة  

فئت شبعان نوم < وهي أول يوم بفيق في شبعان نوم من أول ما داومنا

أكلت كم لئمة

بعدين كنست ومسحت هالغبرا < لا تقولوا الشباب ما بيشتغلوا    

بعدا رحت تفرجت شوي على التليفيجين  

وجيت على الكمبيوتر شوي ,, ورجعت ع التيليفيجين ,,

رديت رجعت عالكمبيوتر ,,  

بعدين طلعت مع رفيئي عالحلاق ,, ظبطنا شعرنا ,, < وعالطريئ هراني حكي بالإنكلش   , بالآخر صرنا نخبص

رجعت عالبيت ,, ظبطنا حالنا ,, كنا معزومين عند واحد من الشلة الخربانة  

ورحت لعندو ,, حشحشنا شوي,, إجا هالأكل ,, أكلنا خلصنا ,, وبلش يزئ فينا غصب عنا ,, أنا قلبت على ضهري    ,, ولهلأ غاصص من اللئمة اللي دحشلي ياها مشان الصورة ,, وإجا هالكابشتينو ,, < وأهم شي الرغوة اللي عليه  

رجعنا كفينا تحشيش ,, ورحنا تمشينا شوي بالجو الجميل اللطيف الخفيف ,,

وعدت إلي البيت مفزوراً مبقوقاً منفجراً  

Safa alaasi,  


أنا قصدي بالصفحة الرابعة من ورا يعني مو رقم الصفحة لأني رجعت أربع صفحات حتى لقيتو

ما شاء الله عن جد فكرة انو انتو باليوم بتعملو ألف شغلة وشغلة وشلون بكفيكن اليوم ما بعرف

لا يكون انتن اليوم عندكن أكتر من اليوم اللي عنا حاكم اليوم عنا 24 ساعة بس !!!

أنا بعد ما نزلت ع السوق ضليت هنيك أتفتل شي ساعتين ونص ورجعت ع البيت شبكت نت ولساتني شابك وعندي موضوع ترجمة بدو شهر ما بيخلص ولازم أخلصو اليوم قبل بكرا وكلو مصطلحات كمبيوترجية وانترنتاوية وتصميمية فحلوها اذا بتحلوها وااااااااااااااااااااااع

طبعاً ما تغديت لأني بدي حافظ على ريجيمي مشان يضل جسمي سنبتيك    كذاب مو ملاقي شي ياكلو مشان هيك رح نام هلأ ويا روح ما بعدك روح
بلا ترجمة بلا بطيخ مبسمر .. اي الله يلعن الساعة اللي دخلت فيها عنجليزي