كيف كان نهارك اليوم ...وهل أنت راض عنه

محمد الدالي

يلا بسم الله نبدأ
فقت الساعة تمانة ونص وابريق المي فوق راسي :mrgreen:

يا بتقوم يا من الصبح دوش بارد قمت اركض ركيض
طلعت بالمراي لقيت دقني بدا حلاقا يفضح عرضا نمت ما فيها شي فقت لقيتا طالعة :mrgreen:

المهم رحت عالحلاق لقيتو نايم رحتلو عالبيت نبشتو من النوم :lol:

قام بدو يقتلني *خوف

طلعت عالجامعة وانا عم قول طارت المحاضرة وصلت عال10 وربع :mrgreen:

فتنا عمحاضرة التصميم نسيان دفتر كانسون بالبيت :cry:

صرت ارسم على ميلمتري والدكتور يضحك عليي كيف عم ارسم :mrgreen:

طلعت من المحاضرة ويلا عالكافتريا لعند عمو ابو نضال الشباب عم يستنونا
وهيك لل 12 وقت المحاضرة التانية لعند معيدة الهيدروليك اول كلمة قالتها
الي مو جايب الوظيفة لايدخل :shock:

نص القاعة طلعت ومحسوبكن اولهن *sla

وين بدنا نروح يا شباب
قال يا الله عالدرج بقا نحنا طلاب المدني معروفين يا عالدرج يا بارض الكلية مبسطين وقاعدين :lol:

وهيك لل 1 ونص دقو الشباب احمد وثائر وابراهيم وشادي ومحمد قال نحنا جايين عالمدني
قعدنا بالكافتريا وصار النم عالعالم :lol:

لل2 ونص طلعنا تمشينا بساحة الجامعة وبعدين عالبيت
نمت بعد ما اجيت من الجامعة شي ساعتين
وبعدين لعند الشلة وكمان شلي عهاد وهداك :mrgreen:

وهيك لل 1 وبعدا عالنت لهلأ
اليوم مافي نومة لانو من بكير عندي دوام :evil:

Mohammed

مممم
هلأ انا ازا بدي بلش احكي شو عملت اليوم أو حتى مبارح بدي قسم خاص لحالي ...
بس رح بما أنو في عالم مبارح شافتنا :roll:

ونحنا قاعدين بالفرح رح قلكن باختصار شديد ....
أول شي فقت الصبح شي الساعة 10 وكان نايم عندي رفيقي ونزلنا سوا عالجامعة ..
ومتل العادة بلشت رياضة المشي اليومية : أداب .. مدني .. عمارة .. وبالعكس :mrgreen:
بعدين حكا معي شكسبيريان (ابراهيم محمد) وكان زايرنا بحمص وقعدنا بحديقة الأداب نحنا و الشباب هيييييييييييييك شي 3 .. 4 .. 5 .. ساعات
وبعدين نزلنا تغدينا والتقينا (ابراهيم وشادي وثائرو أنس...الخ الخ وانا)

وشربنا أحلى نفس أركيلة وبعدها سافر ابراهيم عاللادقية ونحنا اتدرجنا شوي تانية وكل واحد رجع ع بيتو ونام طب من التعب ...

Mohammed

اقتباس:

مبرررررررررررررررررررررررروووووووووك قبولك بالمدري شو
والله ما بعرف دبلوم ولا ماجستير .. المهم شغلة كبيرة

ع راسي الله يبارك فيكي تسلمي ومدري شو :mrgreen:

اقتباس:

خبطتا بسكليتة

سلامتها..

بعدين مافي غير انت بتكوني حاكيتيلك شي سيرة بتدوخ بدال ما تفوتيها بالحيط خربطتي :wink:

اقتباس:

والله معد أعرف اضحك ولا ازعل

أنت وضميرك :mrgreen:

اليوم ناوي كنت فيق وأنزل عالجامعة شوف الشباب بس هلأ فقت

لذلك رح افطر وكمل نوم بما أنو مبارح سهران لل 4 وخسران بالتريكس كمان
ومنو مننفد من كتير شغلات :mrgreen:

حتى الأن ما في شي ارضى عنو بعكس امبارح *sla

Safa alaasi

اليوم كتير كان رايق الحمدلله
فقت كالعادة الساعة 9 ... و من فترة كل ما حدى شافني يقلي ليش وجهك أصفر

و فعلا اطلعت عوشي بالمراي لقيتو أصفر متل الليمون :shock:

قامت الماما قالتلي بوشك عالمستوصف اعملي تحليل خضاب و فعلا رحت .. و عملت التحليل فلما طلعت النتيجة اطلع المحلل عالدم و في علامة استغراب عوجهو .. قمت أنا انقطع قلبي ... قام قلي يعني أحسن من هيك ما في ممتاااز دمك ... قمت انا انزعجت قلتو يعني معقول ما في شي :mrgreen:

راحت جيتنا عالفاضي *sla

المهم بعدا عالشغل و أخدت معي كياس شيبس وشوكولا احتفالا بإنو ما طلع معي شي و بعد ما أكلنا وانبسطنا وروقنا بلشت شغل ... و ضليت آخر وحدة بالدوام و أنجزت شغلات راضي عنها الحمدلله ...
بعدا رحت عالبيت مشي كالعادة و اليوم الجو كان مغيم و أنا بحب هالجو كتيير و اتغديت رز بفول و ما كان في لبن انتزع مراقي شوي بس مو كتييير :roll:

و نمتلي شي ساعتين ,,, فقت فوراً البست و اطلعت امشي و إز كانت مباراة الكرامة شغالة و الحماصنة قالبين كلن عالتلفزيونات و صرت تابع الأحداث و المجريات من محل لمحل ... و طبعا كلا فرح و عيطة و زيطة ... بس الممتع بالموضوع انو كانت الشوارع رايقة وما فيها عالم مزعجين اطلاقا ....
ارجعت عالبيت بلشت بحملة أعمال تنظيفية لانو كان بلش الزور من الماميتو بما اني اليوم كلو مو فاضي .... وهيييك لهلئ عملت فنجان قهوة أكرك عجم

و فتحنا الاب توب و أرتنَّا شوي ... و عالمسنجر شوي و عالنوم ...

هـ بلاسم ـاني

منزوع من بكيييييييييييييييييييييييييييييييييييييير

nano

الحمد لله نهاري ماشي حالو بس مو كتير

في أمور جربت حلها بس الظاهر مامشي الحال :cry:

بركي بكرة

الملاك

عنجد أنو

لك الناس صايرين مزوقين وعم يقولولي سلامتك وأنا ما عرفانة ليش :roll:

تاري الست أوركيدا هون بتوافيكن بآخر الأنباء

طيب يعني وإذا خبطة بسكليتة...هي كمان ما اسما حادث...الحادث أني روح تحت دواليب شي كيا ريو....آآآآآآآآآآآآآآآآآه ايمتى بدو يتحقق حلمي

عصام,

اقتباس:

خلصنا البطيخة

ضروري يعني بالملعب تكسرو بطيخ ودبق وبزر وحالة...أجلوا هيك قصص للبيت :roll:

وسلامتك

أوركيدا, mohammed,

اقتباس:

مبرررررررررررررررررررررررروووووووووك قبولك بالمدري شو

اقتباس:

ع راسي الله يبارك فيكي تسلمي ومدري شو

ليه هيك كتير أنتو موجبين وأكابر....وبتحكو كلام منمق :shock:

Safa alaasi,
ما كون محلك بطلع بد ما تخلص المبارة....في أحلى من عيد الأربعا الحمصي بعد الفوز :mrgreen:

عموماً سلامتك

ابراهيم محمد

وقفو وقفو وقفو وقفو ولا حركة اسمعو ابن بطوطة قصدي ابن محمد شو بدو يقلكون

هاد يا سادة يا كرام محسوبكون هالكم يوم صايع صياعة ما طبيعية بين المحافظات

بلشت رحلتي بيوم السبت وقت طلعت من البيت طلعت على الشام وسهرت سهرة حلوة مع احمدتو بيك شبيك لبيك وأشلاء أبو جعفر وهديبان عند أبو حيدر وبعدين كملناها عند ميشو وطلعنا الصبح على حوووومص عملنا شوبنغ قصدي سيران بالجامعة وهون وهون وقضيت نهاري كلو بحمص وطلعت منا بآخر رحلة على اللادئية وصلت لهنيك بنص الليل رحت على بيت رفيقي وكملت السهرة عندو ونمت شوي والصبح طلعت على الجامعة أشوف شو الأوضاع بعد غياب طويل لقيت انو هل بلش التسجيل قلت خليني سجل بما اني فايئ ورايئ بلشت بالتسجيل وما توقعت انو خلص بهالسرعة وظل علي أدفع بس ما كان معي مصاري حكيت خالي خليتو يبعتلي 20 ألف ليرة مشان القسط قلي انو المسا بكونو عندي قلت أوكي ورحت بعد الجامعة على البيت ريحت شوي وبعدين طلعنا عند أبو سعيد أركلنا شويتين بس ما عجبنا الوضع لأنو خدمتو بهداك اليوم كانت سيئة قمنا حملنا حالنا ورحنا على أوتار عند أبو علي وسهرنا سهرة صاحبة على أنغام قتالات التركس والأراكيل اللي عمتشخر هون وهون

المهم رجعنا ومشينا شوي شي ساعتين بالشوارع بعدين رحت على البيت ونمت شوي وفقت اليوم التاني اللي هو يوم التلاتا ونزلت على الجامعة كملت التسجيل بعد ما جبت المصاري قبل بيوم وأخدت المصدقة ورجعت رحت على النت عند ماتركس شيكت على كم شغلة وحكى معي رفيقي من فديو ( ضيعة باللادئية ) لا يروح فكركون لبعيد ورحت عندو على الضيعة كملت نهاري عندو ونمت عندو كمان فقت اليوم التاني ما لقيتو لأنو كان رايح على شغلو شافتني أمو قامت عملت قهوة الي ولأبوه وشربنا القهوة وحكينا شوي وطلعت مع أبو رفيقي على الكراج حجزت على حوووومص وكان لسا بدي ساعة للرحلة قلت بروح على النت فيها قمت رحت برضو عند ماتركس بعتت كم ايميل لعمي باليو اس ورحت على الكراج وطلعت وأنا على حدود ولاية حمص العدية فتحت المسنجر شفت محمد المصري باركتلو بالمدري شو اسمو وقلتلو بدي الحلوان قلي تعال وبتاكل الحلوان قلتلو والله اليوم بكون عندك وهو ما بيعرف انو أنا صرت على باب الكراج

المهم وصلت على الركاج وكان بالصدفة وصول أنوس الحبيب على كراجو بنفس اللحظة والتقينا ورحنا سوا على ااجامعة وكنا عاملين مفاجأة لواحد الكل بيعرفو منيح ومشي الحال انبسطنا وروقنا وطلعنا على الجنينة نحكي ونغتاب العالم ههههههه وبعدين شي الساعة 4 طلعنا نتمشى بشارع الحضارة أنا ومحمد المصري وأنوس ومحمد حتى هلكنا رحنا شفنا ثائر ورحنا ضربناها شيش عند البيك اللي عند الجامعة وبعدا مشينا بالشوارع ومن دون سابق انذار قررنا نحضر المباراة وفعلاً صار هالشي وفتنا على الملعب وصرخنا وشجعنا حتى راحت أصواتنا ع الآخر وبعدا مشينا بالعراضات الحمصية بالشوارع حتى وصلنا لآخر شارع الدبلان عند الساعة الجديدة ومن هنيك كملنا مشوارنا لحالنا حتى ركبنا السرافيس ثائر على بيتو ومحمد على الشام أما أنا بدي كمل مسلسلي وروح على حماة عند انس وليكني هلأ عندو بالبيت وناطرين بكرا بدنا ننزل على الكلية بحماة وبعدا نرجع على حومص على الآداب وبعدا معزومين على الغدا مع شخصية مشهورة ومعروفة ما رح قول مين هي وباقي جولتي بقلكون اياه بعد ما خلصو

أما بدكون الصراحة الصراحة انبسطنا كتيييييييييييييييييير كتييييييييييييييييييييييير ولسا البسط لقدام وعلى قولة الختايرة ( عمر ما حدا يرت )

ويلا بالمناسبة الحمد لله على السلامة يا الملاك وما ع ألبك شر

واللي شافني وهو بالسرفيس ما كان عندي مانع انو ينزل من السرفيس وياخد توقيعي

يلا بدي قوم جرب انو نام لأنو بكرا يومي متعب مع انو ما بظن انو يكون فيني نام

تشاااااااااااااااااااااااااااااااااو

على فكرة عيوني ما عمشوف فيهن منيح مشان هيك ما نسقت ردي كالعادة

بشوفكون بخير

Safa alaasi

أوركيدا,

اقتباس:

معقول تزعلي لإنك منيحة .. بتكوني مبسوطة لو طلع في شي لا سمح الله

شبك ولووو ما اعرفتك يعني ما مبيني اني عم امزح ... ضروري حط مستر غرين عالطالعة وعالنازلة :mrgreen:

اقتباس:

شو هالحكي .. أولاً زعلانة منك .. طلعتي مانك كرماوية
تانياً بدي اعملك دورة لتعلم انتهاز الفرص ..
ما كون محلك ... طول ما أنا ماشي .. بضب بجيبتي

أولا ازا بتريدي أنا كرماوية ... و بالعلامة ارجعت عالبيت فتحت فورا عقناة الوششش و استنتجت انو المباراة كانت الكرامة وفيتنام وفزنا فيها 3/0 و كتبت على ايميلي ( كرامييييييييييي كرامييييييييي هو هو واحد تنين تلاتة كرامي يا حياتي تلاتة اتنين واحد كرامييي أغلى واحد ) أو كما قيل
و بالنسبي للدورة يالله أنا جاهزة حاكم الأحوال داقرة هالأيام و بدي غير جوالي ما عم يطلع بإيدي :mrgreen:

اقتباس:

طيب يعني وإذا خبطة بسكليتة...هي كمان ما اسما حادث...الحادث أني روح تحت دواليب شي كيا ريو....آآآآآآآآآآآآآآآآآه ايمتى بدو يتحقق حلمي

الملاك,
و أنا هيك عم قول مشان هيك ما قلتلك الحمدلله عالسلامة ... بس والله حلمك متواضع كيا ريو .. :shock:

اي قولي مورانو.. همر.. جيمس

أنا بصراحة هيك بحلم :mrgreen:

ابراهيم محمد,
يعني لا تعليق على أيامك الفايتي بقلب بعضا و الله دوختنا بين حمص و الشام والاذقية و حماة .... انو بس بدي افهم اشقد بتحط أجرة باصات بالشهر

ابراهيم محمد

Safa alaasi,

اقتباس:

يعني لا تعليق على أيامك الفايتي بقلب بعضا و الله دوختنا بين حمص و الشام والاذقية و حماة .... انو بس بدي افهم اشقد بتحط أجرة باصات بالشهر

والله يا صفاء عمحط كتير كتير يعني آخر مرة حطيت بس أجرة باصات شي 1500 ليرة

بس كلو فدا البسط والرواء وشوفة الشباب الطيبة والسهرات الحلوة

وما دام الصحة بخير والأركيلة موجودة فالمصاري أكتر من العالم اللي بدينو ما في

ولازمني لمة بلكي بتلمولي لمة شي 10 آلاف مشان سد ديوني
[/align]

آخر المشاركات

كيف كان نهارك اليوم ...وهل أنت راض عنه