نهاري اليوم كان عااااااااااادي كتير بس كنت متمنية شوف شخص بس يلا بنتظر شوي وإلا ما تفرج .

فقت تسحرت مع جدي ورجعت نمت ورديت فقت عالساعة سبعة مشان لحق معهدي ورجعت رديت نمت لل 3 الضهر ودرست للخمسة وقمت حضرت الفطور بعدين جليت الجليات واجت خالتي لعنا ولسا يتبع ...

3a$õØöLê ,MÖØÒÕNL!GHT
,شكرا كتير لإلكم وانشالله منكون صحبه واكتر كمان يا هلا فيكن
بالنسبه إلي كل ما حدا يعمل عزيمه بيإلي تعي ساعدينا باعتباري الوحيده اللي ما عندا دوام الله بيعين ويمرء هالشهر ع خير

اليوم كان نوعا ما متعب ...
يعني فقت شي 12 وفايقة مزعووووجة كتير شايفة منام موحلو بنوب
مدري مبارح بوجه  مين تمسيت  
بس الحمد لله اليوم تصبحت بوجه الماما الله يخليلياها وكان الصباحية بدو بهدلة
بس بالزوء قمت اشتغلت البيت وشفت الاختراع الي عم تعملو ماما طبعا أكلة مومعروف راسها من رجليها
(قال تعي يابنتي تعلني) وانا كنت نعست وماعد جمعت ولافهمت شي من الطبخة طول الوقل بس عم بهز براسي وقلا اي اي اي ....قامت بالاخير سالتني سؤال اختبار قمت انكشفت اني مومعها
بعدين اخدت اذن ورحت لنام طبعا عم يعمرو حدنا بناية وخود على طاق طيق هيييييك لحتى مانمت
قمت فتت عالمنتدى لقيت العالم طابخين طبخات طيبة قمت جعت ووجعني راسي بزيادة
الله يعطيه العافية زميلنا راسكو عهالموضوع  
وبعدها فطرنا وصلينا التراويح  وخود على طلبات شاي قهوة نسكافيه وكلو فوق راسي ....طبعا كان عليي ضب الشناتي مشان لاني مسافرة
وهلا لهديت شوي ولشوف يمكن اليوم نام بكير

كندا,   هههه
قولي ألف ليله وليله قولي أليس في بلاد العجائب ...
أما بالنسبه للطبخه فيمكن تنحل مشكلتي ...لأنو بكره نازل عحماه وودع أهلي ...وبقى كل نهار بخلي حدى من قرايبيني يبعتلي أكل ...
عصام,  لك لا عم نافس ولا شي ....
بس لأني بالفعل كنت حس حالي متشائم وقلت لأكتب شوي عن يومياتي بركي بكتشف حالي من هون !!!
أما بالنسبه لغريزتي الحمويه ...فهالغريزه حاسها نقمه لأنو أنا وقت المشاكل ما بشوف قدامي ...
حتى هالغريزه خلتني مرتين هالسنه أهجم على 15 واحد ....
أو بالأحرى 15 واحد يهجمو عليي ....
يعني بصير ملاسنه بالحكي وانا عأساس لازم أسكت لأنو قدامي 15 واحد بس غرزيتي بتقلي لا ترميها واطيه ...
ولهلق ما عم أحسن أتعلم مبدأ الهريبه تلتين المرجله ...
MÖØÒÕNL!GHT,  لك آآآه انا قلبي عم يتحرق وانتو مبسوطين ...بس بيني وبينك وقت بقرى انا شو صار معي مبارح بضحك ....
وكمان أحمدو الله انو ما بلشت يومياتي أول ما طلعت عحلب ...
لأنو صار معي قصص بتشيب ومنها انو ضربتني تكسي وانا طالع من محل النت ...بس بصراحه كان الحق عليي لأني كنت شارد ...بس الحمد لله مرقت عخير ....
أما بالنسبه ليومياتي اليوم فكانت مملة وبارده بما انها لا تحوي على مشاكل ...
من الساعه 10 الصبح كان في محاولات من أبي مشان فيق بكير مشان لحق شغل وانزل اليوم عحماه لأنو هنن بكره المسى مسافرين  ...
بس ما فقت للساعه 12 وكانت استفتاحيه مباركه بالصلاة عالنبي ...لوقت ما دق الباب ...وكانت جارتنا يلي تحتنا ...
قال عم ينزل مي لعندها من عندي فأتصلت بأبو الصحيه مشان يرجع ويكشف ...بس أخونا بالله مزنكل وعم يقدم عشهادة سواقه فمانو فاضي فلهيك اتأجلت سفرتي لبكره ...
وبعدها أتصلت بأبو الديجتال مشان يجي ويركب ...طبعا ما وافق الا بعد ما حلفت يمين انو المشكله مع الجيران أنحلت ...
ووقت اجى ما أمن يطلع لحالو لأ وزياده عهيك طلب مني دق الباب وهو تحت ...
المهم ركبنا صحن الديجتال طبعا مع وجود مرافقه من الجيران مشان ما ركبو فوق بيتهم ومشان يطمنو ... وبعدها أجت ورشة تنظيف وبعدها عزمني رفيق أبي بحلب ...
وهون بقى نسيت الدنيه وما فيها أول ما شفت الأكل ....
والأكل كبه وطبعا مافي داعي أحكيلكم عن كبة حلب ....
لك ومن كتر الأكل طلعتلي أيد تالته من السرعه والجووووووع
ومن شوي كنت بالسوق عم جيب غراض للبيت ...
بس نسيت جيب عشى
   
ورمضان كريم  

كندا,  يالله يا رب...بس شو عشاكم اليوم ؟؟
صحي انا جوعان بس ما بيعجبني العجب ولا الصيام برجب     ..
بعدين انا ما عم أحكي عن حماه ...حماه بتحكي عن حالها ...
اذا  اسمها جورة الهم ...

بس لا تشوفيني هيك والله انا حموي متعصب !!!
ومتل ما بقول المتل ما بتعرف خيرو لتجرب غيرو ....آآخ هلق على ما أرجع عحماه
اما بالنسبه للكبه ...
فانتي نسيتي كلشي وحسدتيني على هالشغله !!!
عكلن خلص هلق بتصل بالزلمة وبخلي يرفعلك حصتك وببعتلك ياها متل ما عم تبعتولي أكل كل يوم    

وفقت 6 ونص مشان الوظيفة الزفت

بدي طقلك برغي  

اليوم مافيه شي غير التعب والملل والمقت
بكرا انشالله مسافرة وصايبني اكتئاب كالعادة عم اتفشش بابن اختي خطي شو صابر هالولد ...

وهاي الحلقة الاخيرة ......نهاية تعيسة