موعد بدء قبول طلبات المعيدين لصالح جامعة البعث

Mohammed · **Posted:** Fri Jan 07, 2011 3:19 am

تعلن جامعة البعث عن حاجتها لتعيين معيدين في مختلف كلياتها والمعهد العالي للغات وفقاً للاختصاصات المعلنة في الجدول المرفق تمهيداً لإيفادهم للحصول على المؤهل العلمي المطلوب للتعيين في عضوية الهيئة التدريسية

وذلك بدءاً من صباح يوم الاحد الواقع في 6/ 2 /2011 حتى نهاية الدوام الرسمي من يوم الاثنين الواقع في 7/ 3 /2011

للشروط وتحميل الملفات لكل كلية الاطلاع على Sorry, you have to register to see the link If you are a member, just sign in

عاشقة العربية · **Posted:** Tue Jan 11, 2011 6:43 pm

Mohammed,
كل الشكر إلك
هي السنة مصعبين شرط العمر، يعني لكل مين مواليدو 1986 وبعد، والطلاب معترضين على هالشي وبدهم يحكو بالقصة مع الإدارة المركزية.
إن شاء الله يتعدل هالشي ليقدر أكبر عدد من الطلاب اللي بيستحقو يتقدمو.

الملاك · **Posted:** Tue Jan 11, 2011 7:41 pm

Mohammed,
شكراً جزيلاً محمد

أرجو أن تكون أول المتقدمين وأول الناجحين أيضاً :mrgreen:

عليهم

مرح · **Posted:** Mon Jan 17, 2011 1:15 am

بس عندي كم سؤال بتمنى من يلي عندو علم يجاوبني
كم سنة بكون الايفاد؟؟
و هل شهادة الاي سي دي ال و التوفل او الايلتز شرطين يجب وجودهما للتقدم؟
ولكم جزيل الشكر

Mohammed · **Posted:** Mon Jan 17, 2011 12:35 pm

عاشقة العربية,

الأدارة المركزيةلا بيحلو ولا بيربطو :mrgreen:

القرار صدر ... نفذ ثم اعترض

نورت

الملاك,
أهلا وسهلاً ... شبعنا تقديم *---

ملييييييييييييت من التقديم عالمسابقات والفزلكات عالفاضي
عدد المتقدمين 6876454684654
العدد المطلوب 4 :mrgreen:

مرح,
اضغطي ع كلمة ((هذا الرابط )) بالموضوع وحملي ملف الشروط من الموقع الرسمي
بالتوفيق

مرح · **Posted:** Mon Jan 17, 2011 7:39 pm

Mohammed,
أنا حملت الملف بس ما ذكروا لوين الايفاد و شأد المدة
يا ريت يلي بيعرف ان عادة شأد بتكون مدة الايفاد يخبرني

عاشقة العربية · **Posted:** Tue Jan 18, 2011 10:26 pm

مرح,
لقلك التفاصيل اللي عرفتا ..
أنت حالياً طالبة وانقبلتي بالمعيدية، ولسه ما خلصتي دراستك فبيوفدوكي داخلياً على جامعتك لحتى تخلصي وتنهي دراستك، وبكون خلالا إلك راتب.
وبعدا بس ان خلصتي مدة الإيفاد الداخلي للدراسة بتنتهي وبتبلشي بالمعيدية، هلأ ع الأغلب مدة الإيفاد للجماعة المقبولة فيا 5 سنين أنت ملزمة فيّن بالدوام والمراقبة ويمكن يحتاجوكي لأمور إدارية.

اللي عرفتو كمان أنو ممكن يوفدوكي لأي جامعة بسوريا حسب الكادر والشواغر.
هلأ هي فعلياً فرصة كبيرة، بس فيا كوووووووومة التزامات.

بالتوفيق عزيزتي

مرح · **Posted:** Wed Jan 19, 2011 12:37 am

يعني الايفاد داخليا؟
مو لبرة البلد؟؟
انا اذا كان الايفاد خارجي لوقت طويل مستحييييييييييل(مع اني بتمنى)
عدا ان فرصتي 1 بالألف لان لا معي توفل و لا اي سي دي ال
و معدلي ما نو خارق
شكرا عاشقة العربية كلك زوء *ورود