أول شيء السلام عليكم،،،

في عدة أجهزة بيستخدمها المدرس بالصف مثل الكمبيوتر مشان النت و الصوت و الفيديو و جهاز الاسقاط الضوئي overhead projector  لعرض محتويات الكمبيوتر للطلاب و الماسحة الضوئية scanner  و الطابعة،،، بدنا ما ننسا إنو مهنة التدريس لا تعتبر مهنة سهلة لهيك أي تقنية مفيدة رح تسهل على المدرس شغله،،،

و هي ميزة السبورة الذكية إنها مريحة،،، مثلا بيقدر المدرس يخزن عليها كل شي كتبه أثناء الدرس عكس السبورة العادية يلي بيمحي كل شي من عليها كل ما احتاج يكتب أكتر،،، و طبعا ما في شي اسمه طباشير في حبر رقمي وهمي بمجرد لمس السبورة بيكتب المدرس على كيفه و بيمحي على كيفه بكل نظافة، و هيك لو سأله طالب عن فكرة من بداية الدرس ممكن يرجّع المدرس الشاشة إلى الأول ليعرض القاعدة بدل ما يرجع يعذب حاله و يكتب مرة تانية،،،

و إذا في طالب غايب مشان يعوض الشرح بدون ما يشرح بنفسه مرة تانية ممكن يعطي الطالب كل شي كتبه على السبورة على ذاكرة تخزين flash memory و هيك بشوف الطالب الدرس يلي ما حضره أو حتى الطلاب يلي حضروا الدرس ممكن المدرس يعرض كل شي كتبه مبارح باليوم التالي طالما خزن البيانات على القرص الصلب،،،و بتتخزن البيانات على شكل ملف فيديو مع الصوت طبعا و هي ميزة أو كصورة بس إذا حب...و ممكن يحتفظ بالبيانات لمدة طويلة بدل ما يرجع يكتب نفس الحكي مع بداية كل فصل و كل سنة و هي شغلة سلبية بعمل المدرس بتولد ملل عنده،،،

السبورة الذكية ميزتها بلفت نظر الطلاب بشكل دائم يعني بدل ما يمسك المدرس الكتاب و يشرح التمرين عليه و ممكن ما تكون الكتابة و الصور صغيرة وما بتظهر لجميع الطلاب، لازم المدرس يكون عنده نسخة soft copy عن المنهج عاملها على scanner فبيعرض الصورة من خلال السبورة يلي هي أكبر من الكتاب بعشرات المرات،،،

الصف يلي بكون فيه كمبيوتر و بروجيكتور و سمارت بورد موصولين مع بعض مع النت بكون اسمه Smart Classroom  


مع الوقت بصير المدرس يستخدمها بشكل فعال أكتر و هلأ إذا عندكون أسئلة عنها نحن لها،،،

سلام،،،

أهلين سويت،،،

أنا سألت عن هالاختراع إذا موجود بمدارس سوريا و قالوا لي موجود ببعض المعاهد الخاصة بالشام،،،وحدة بالمعهد كله بدل ما يكون وحدة بكل صف،،،في ناس إلى الآن بيعتقدوا إنو التكنولوجيا ما كتير بتفيد بالتدريس ممكن هاد سبب لكن هالحكي مو بصالح المدرس إنما بصالح الإدارة يلي بدها مصاري بدون ما تصرف على الطلاب و المدرسين و المعهد و السبب التاني السعر حق الوحدة من نوعية عادية بين 80 إلى 100 ألف ليرة حسب شراءها مفرق أو بالجملة،،،