سلام...

كيف كان هالفحص معكن مبارح يلي قدمتو؟ ان شاء عرفتو تجاوبو عهالأسئلة السهلة كتيييير؟
بالنسبة الي أنا بدي انجح وبس ويا ريت انجح بكون حظي حلو لأني شلفت أجوبة كتير !!

بالنسبة للي ما قدمو هالفحص رح اكتبلكن كم سؤال متذكرتو مشان تنحطو بالصورة:
-مين ربح جائزة نوبل الأدبية عام 1930؟
-مين كتب رواية The Black Boy ‎؟
-وين جرت أحداث رواية Moby Dick ‎؟
-who quarrelled over the two captive girls in the Iliad?
-who coined the word "fancy"?

أول 20 سؤال كانو لغويات والباقي كلو أدبيات وتاريخ الأدب_ وكان في كتير أسئلة عن أعمال ما درسناها بالجامعة ولا حتى سمعنا فيها! هوي أكيد لازم نتوقع الأسئلة تجي صعبة لأنا لطلاب رح يدرسو ماجستير. بس يمكن لازم نكون موسوعة ومنعرف كلشي بالأدبيات... والأسئلة اللغوية ما أخدت حقا من جهة تانية...

شو رأي باقي الطلاب؟ بتمنا تفيدونا برأيكن، بلكي بس أنا لاقيت هالإمتحان صعب؟

السلام عليكم :
معقول ما عرفتيهم

*مين ربح جائزة نوبل الأدبية عام 1930؟
سنكلير لويس بالذات هي سهلة كتير

*مين كتب رواية The Black Boy ‎؟
Richrard Wright

وين جرت أحداث رواية Moby Dick ‎؟
بالبحر يمكن


who quarrelled over the two captive girls in the Iliad
Achilleus and Agamemnon

who coined the word "fancy"?

Edgar Allan Poe

شلون ما عرفتوهم , ليه ما كان معكم الغوغل

ويكيستيودنت( WikiStudent ) اللي بدو يربح ماستر الدراسات العليا هالسنة على ما يبدو

عفكرة احفظوها منيح لهل كلمة , و ترجمتا ( طالب موسوعي ) مشان بكرا بالايام يمكن يجيكم سؤال :

who coined the word "WikiStudent"?

و بكون الجواب : Portia

حابة نجيب هالكم سؤال اللي اجو بالفحص و نعملهم للدكاترة , او ل يلي حط الأسئلة بس قبل ما يحطا

و نشوف اديه بيجيبو ياهلترى ؟؟
يمكن اكتر كلمة سمعتا عن هاد الامتحان :

التشليف



ربي يخترلكم الخير

بس كلمة حق :

That's too much

السلام عليكم :

و بالمناسبة خلونا نحتفل , فمبارح كان عيد ميلاد غوغل ال 12
2010-09-27

احتفل محرك البحث (غوغل) بعيد ميلاده, بعد مرور 12 عاما على إنشاءه في عام 1998 كشركة خاصة تعود ملكيتها لعدد قليل من الأشخاص, إلى أن طرح في الوقت الحالي سلسلة من المنتجات الجديدة واستحواذ على شركات أخرى عديدة ودخل في العديد من الشراكات.



وقالت صحيفة الاقتصادية الالكترونية إن "غوغل الذي احتفل بعيد ميلاده ال 12 يربح من العمل في مجال الإعلان المرتبط بخدمات البحث على الإنترنت وإرسال رسائل البريد الإليكتروني, بالإضافة إلى توفيره خدمة تمكن نشر المواقع التي توفر معلومات نصية ورسومية في شكل قواعد بيانات وخرائط على شبكة الإنترنت, وبرامج (الأوفيس), وإتاحة شبكات التواصل الاجتماعي التي تتيح الاتصال عبر الشبكة بين الأفراد ومشاركة أفلام وعروض الفيديو".

ويقع المقر الرئيسي لشركة غوغل، الذي يحمل اسم (جوجل بليكس)، في مدينة "ماونتن فيو" بولاية كاليفورنيا, وقد وصل عدد موظفيها الذين يعملون دوامًا كاملاً عام 2009 إلى أكثر من 20 ألف موظفًا.

وأسس شركة غوغل كل من لاري بيدج, وسيرجي برن عندما كانا طالبين بجامعة "ستانفورد, عام 1998 كشركة خاصة ملك لعدد قليل من الأشخاص, وفي عام 2004، طرحت الشركة أسهمها في اكتتاب عام ابتدائي، لتجمع الشركة بعده رأس مال بلغت قيمته 1.67 بليون دولار أمريكي.

ووصلت قيمة رأس مال الشركة بأكملها إلى 23 بليون دولار أمريكي, لتواصل ازدهارها عبر طرحها لسلسلة من المنتجات الجديدة واستحواذها على شركات أخرى عديدة والدخول في شراكات عديدة جديدة.

يذكر أن شركة غوغل احتلت لأكثر من مرة الرقم واحد في تقييم لأفضل الشركات تجريه مجلة "فورتشن" المتخصصة في ميدان عالم الأعمال.

سيريا نيوز
http://www.syria-news.com/readnews.php?sy_seq=122289

هههههه اي والله معك حق 100%... لازم نكون ويكي ستيودنت لحتا نجازب ع هالأسئلة
فعلا لازم نحتفل....الله يخليلنا هالغوغل لولاه ما كنت رح أعرف أجوبة هالأسئلة الموسوعية

شكرا لمرورك اللطيف بورشيا

يمكن انتو اشوى مننا بالشام

نحنا اجانا
10 أشئلة نقدية ( صفحتين وش و قفا كل سوال نص صفحه مقطع نقدي و عليه سؤال ( 20 دقيقة


القسم التاني :

15 سؤتا ادب و لغة و نقد و مقارن و شعر 5 قصائد ( 30 دقيقة

القسم التالت

لغة اجنبية مخترعه بدنا نترجم منها و الى الانكليزي بناء ع 10 جمل مترجمات من الانكليزية لهاللغة الغير معروفه هاي
كتابي ( 30 دقيقة)

القسم الرابع

كتابة مقال 600 كلمة ع الاقل

فشو رأيكن ؟؟؟

Nastia,
لعمى


لعمى لعمى لعمى !!

شو مشان يقولو ما بدن طلاب ماستر هالسنة وخلص !!!!
ما كان حدا زعل
أما يقولو للواحد جيب كاسة شاي وتعال نفضي البحر بنص ساعة ومندخلك ماستر والله عيب

مين ربح جائزة نوبل ومين اخترع مصطلح ما بعرف شو !!!!
بمن سيربح المليون مافي هيك شغلات

لا حول ولا قوة الا بالله .. بعينكم الله شو بدكن تعملو

معناها على هالحالة رجعنا متا ما كنا .. الي معدلو عالي بس رح يستفاد .. كون الكل لاقا صعوبة اذا الي معدلو عالي بس رح ينقبل ..

بعين الله .. الله يوفق الجميع

شو مشان صحي الأسئلة التعجيزية ...

يعني اللي حط الاسئلة أكيد بيعرف شو لازم تكون ثقافتنا ..

يعني انا ناوي السنة الجاية قدم اذا ما شحطوني على الجيش بس شو مشاااااااان التفاؤل بالفحص يعني مثلا؟

عزيزي اللي حط الاسئلة شو قالولك عني موسوعة مثلا؟؟!!

موفقين يا شباب

والله شي بيزعّل يعني الي كاتبته ناستيا هو مجرد نموذج فكيف الأسئلة الباقية عنجد حرام عليهون .. مفكرين بهالحالة أنو الي بيجاوب على هالأسئلة هو الأشطر بالانكليش
رجعنا متل ما قال الأخ علاء الي معدلو أعلى حظو من السما

الله يوفق كل مين قدم هالامتحان و ربي يخترلكم الخير