آرتين لتعليم اللغات
http://forum.art-en.com/

×÷•.•´¯`•» كل ما تحتاج لمعرفته حول الماجستير في جامعة البعث «•´¯`•.•÷×
http://forum.art-en.com/viewtopic.php?f=115&t=22119		 صفحة 3 من 6
الكاتب:  Nastia [ الأحد أيلول 05, 2010 10:03 م ]
عنوان المشاركة:  ×÷•.•´¯`•» كل ما تحتاج لمعرفته حول الماجستير في جامعة البعث «•´¯`•.•÷×
بس سؤالين لو سمحتو... *1
دبلوم الترجمة الو فحص متل الماجستيرات؟؟
وبالنسبة للامتحان  المعياري كيف بتجي الأسئلة؟ يعني اذا الواحد بدو لغويات بتجي الأسئلة لغوية بس ولا بتكون الأسئلة متنوعة؟؟
الكاتب:  Odysseus [ الأحد أيلول 05, 2010 10:56 م ]
عنوان المشاركة:  ×÷•.•´¯`•» كل ما تحتاج لمعرفته حول الماجستير في جامعة البعث «•´¯`•.•÷×
Nastia

هلا فيكي أخت ناستيا , بالنسبة لسؤالك الأول أنا ماعندي معلومة أكيدة .. بس  بتوقع انو مالو علاقة الإمتحان بدبلوم الترجمة .. بتم التفاضل عالمعدل بدون امتحان لغة .. على كل بحاول اتأكيد أكتر و اذا صار عندي خبر أكيد بردلك خبر .. و اذا ما قدرت أعرف بطنش  :mrgreen:
بالنسبة للسؤاال التاني .. اذا قدمتي بالمفاضلة على ماجستير اللغويات ما بيعني انو الأسئلة رح تكون لغوية وبس .. لأنو ممكن الواحد يكون مقدم بالمفاضلة على اللغويات و الأدبيات .. بقا بحاولو تكون الأسئلة شاملة .. على كل .. مافي أي معلومة مؤكدة عن هاد الإمتحان بالذات .. أعلنو انو في امتحان معياري بس ما حكو شو بتكون الأسئلة .. يعني عندك كذا احتمال للأسئلة :
احتمال: تكون الأسئلة على نمط الإمتحان اللي صار ب 21\8 .. يعني أسئلة اختبار بقوة اللغة بس
احتمال: تكون الأسئلة على نمط امتحان التوفل ..
احتمال: تكون الأسئلة شاملة .. بتشمل اختبار لقوة الطالب باللغة .. بالإضافة لاختبار بالمعلومات الأدبية و اللغوية .. متل صور بيانية .. أنواع القصائد .. أنواع الروايات .. الخ من الأسئلة الأدبية .. بالإضافة الى اسئلة من علم اللغة عن معلومات (بديهية) بعلم اللغة  :mrgreen:

على كل .. بأكدلك انو ما حدا بيعرف شو ممكن تكون الأسئلة .. لا أنا ولا غيري .. بس فيكي تستفادي من العضو بالمنتدى معنا اسمو آدم .. و هو شب مرتب و خدوم  :P
فهمت من آدم (Desperado) انو الإمتحان مانو موحد بكل الجامعات .. و آدم سجل بالشام و امتحانون قبل امتحان حمص بيومين .. يعني ب 18\9 .. ففيكي تسأليه بعد ما يقدم الإمتحان كيف كانت اسئلتون و منو بتستفادي و بتحضري حالك قبل بيومين .. هي اذا .. اذا ها جابو نفس النموذج ..

بالتوفيق  *1
الكاتب:  Adnan [ الاثنين أيلول 06, 2010 1:32 ص ]
عنوان المشاركة:  ×÷•.•´¯`•» كل ما تحتاج لمعرفته حول الماجستير في جامعة البعث «•´¯`•.•÷×
يعطيكن العافية:
بالحقيقة وللاسف  :mrgreen:  الدكتور مزعل هو اللي حط أسئلة الفحص المعياري الجاي.
اللي بدو يسأل الدكتور عن طبيعة الاسئلة رح يجاوب.: لازم تكون على اطلاع عالادب الانكليزي من 20 سنة وانتي جاي.
الاسئلة مأتمتة...وبتعرفو الدكتور مزعل إذا أتمت أسئلة شو يعني  :arrow:  :wink:
الكاتب:  حسامي [ الاثنين أيلول 06, 2010 2:48 ص ]
عنوان المشاركة:  ×÷•.•´¯`•» كل ما تحتاج لمعرفته حول الماجستير في جامعة البعث «•´¯`•.•÷×
سلام،،،

أرجو ألا تكون كلماتي Low cry in an empty desert ....

1.  للطلاب عموما و لطلاب الأدب الإنكليزي خصوصا رسالة ثقافية، الماجستير إحدى النوافذ التي تطل من خلالها الثقافة العربية على الثقافة الغربية أو العكس و لا سيما في أيامنا هذه إذا كانت الأطروحات (في ماجستير الأدبيات) مواضع مقارنة بين الأدب العربي و الأدب الإنكليزي/الأمريكي و ليس تكريس الأطروحة لمجرد موضوع في الأدب الإنكليزي/الأمريكي بحت كما يقول البعض: "اختر كلمة واحدة قصيرة و اكتب عنها 200 صفحة تحصل على أطروحة ماجستير"! هذا سيضيف الكثير من الجهد و الوقت و المال مع قلة المراجع باللغة الإنكليزية عن الأدب العربي و لكن سينمي مهارات الترجمة  :surprised:  

2.  عدم تحويل رسالة الماجستير إلى "حلقة بحث طويلة" لا معنى لها - بقطع النظر عن المسوغ: جامعة، دكتور، طالب، أسباب أخرى.

3.  معالجة نقاط الخلاف العلمية مع الدكتور المشرف بدون إفراط و لا تفريط – بدون أن تفقد العلاقة الاجتماعية بين الطرفين سمة الود.

4. حل المشكلة الأزلية التي يعاني منها الماجستير: آلية تضمن للطالب القبول عند دكتور مشرف و في الوقت نفسه رفع العائد المادي للدكتور المشرف على كل حالة إشراف.
الكاتب:  Portia [ الاثنين أيلول 06, 2010 11:38 ص ]
عنوان المشاركة:  ×÷•.•´¯`•» كل ما تحتاج لمعرفته حول الماجستير في جامعة البعث «•´¯`•.•÷×
السلام عليكم :

شكراً جزيلاً على التوضيح و إيفادنا بالمعلومات

شكراً لكم جميعاً

*1  *1  *1  *1  *1

........................................

اقتباس:
بالحقيقة وللاسف  الدكتور مزعل هو اللي حط أسئلة الفحص المعياري الجاي.
اللي بدو يسأل الدكتور عن طبيعة الاسئلة رح يجاوب.: لازم تكون على اطلاع عالادب الانكليزي من 20 سنة وانتي جاي.
الاسئلة مأتمتة...وبتعرفو الدكتور مزعل إذا أتمت أسئلة شو يعني


بالعكس من حظكم والله

يكفي انو الأسئلة محلية من مصدر محلي

مو من مصدر غير معروف , مو عارفلها راس من اساس

و فرصة احلى انو فيكن تسألو الدكتور

والله هي خبرية بتفائل بالخير

تاري يا محلاكي يا كليتي و يا دكاترة كليتي

وهذه لك يا عزيزتي  *1  *1  *1

اشتئنالك  :cry:

...................................................
الكاتب:  Odysseus [ الاثنين أيلول 06, 2010 12:14 م ]
عنوان المشاركة:  ×÷•.•´¯`•» كل ما تحتاج لمعرفته حول الماجستير في جامعة البعث «•´¯`•.•÷×
Portia  *1

اقتباس:
بالعكس من حظكم والله

يكفي انو الأسئلة محلية من مصدر محلي


و أنا هيك قلت كمان أول ما قريت انو الدكتور محمد المزعل رح يحط الأسئلة .. و لما خبرت شخص هالمعلومة كتير انبسط و اتفاءل بالخير ..  يعني الدكتور مزعل ما رح يجيب اسئلة من المريخ .. أكيد من شي هو متأكد انو اتدرس عنا بالجامعة .. بس طالما هو بدرس نثر حديث معناها لازم يجي كم سؤال عن النثر الحديث :mrgreen:

ناطر بفارغ الصبر اعرف كيف رح تكون الأسئلة .. لذلك بتمنى من الي بدو يقدم هالإمتحان يعطينا تقرير عنو بعد ما يقدمو ..

بالتوفيق للجميع بالإمتحانات الجاي  *1  *1  *1


حسامي
شكرا لكلامك عزيزي و ان شاء الله يوصل للي بدك توصلو الو  *1

Adnan
شكرا للمعلومة انو الدكتور مزعل هو الي حط الأسئلة  *1
اقتباس:
بالحقيقة وللاسف  


هاد رأيك انو للأسف .. بس في كمان غيرك انبسط بهيك معلومة ..
ارضاء (كافة) الناس غاية لا تدرك ..
بتمنالك التوفيق بالإمتحان .. و ان شاء الله الدكتور مزعل بجيب اسئلة منطقية و بغيرلك رأيك  *1
تحياتي لك  *1
الكاتب:  No way [ الاثنين أيلول 06, 2010 1:15 م ]
عنوان المشاركة:  ×÷•.•´¯`•» كل ما تحتاج لمعرفته حول الماجستير في جامعة البعث «•´¯`•.•÷×
السلام عليكم..
ممكن اعرف تفاصيل اكتر عن  الدبلومات و الماجستيرات إللي عندكن فيما يخص الادب الإنكليزي :
كم دبلوم و ماجستير
المعدلات المطلوبة
موعد التقدم إليهم
و شكراً
الكاتب:  Mohammed [ الاثنين أيلول 06, 2010 2:06 م ]
عنوان المشاركة:  ×÷•.•´¯`•» كل ما تحتاج لمعرفته حول الماجستير في جامعة البعث «•´¯`•.•÷×
No way,  

أهلا وسهلا فيك بس شو مشان دبحتنا بهالسؤال  :mrgreen:

فيك تطلع عهاد الموضوع بشكل مفصل والمواضيع التانية بالقسم وتقرا كل الصفحات
انتهاء التقديم بعد يومين
*ورود
الكاتب:  Nastia [ الاثنين أيلول 06, 2010 4:34 م ]
عنوان المشاركة:  ×÷•.•´¯`•» كل ما تحتاج لمعرفته حول الماجستير في جامعة البعث «•´¯`•.•÷×
اقتباس:
بالنسبة لسؤالك الأول أنا ماعندي معلومة أكيدة .. بس  بتوقع انو مالو علاقة الإمتحان بدبلوم الترجمة

طيب كيف بدي اتأكد؟ أنا لما سجلت بالمفاضلة حطيت دبلوم الترجمة بعد الماجستير... لهيك لازم اتأكد بلكي طلعلي ترجمة :roll: ... والشي البضحك اني سألت كل الموظفين تقريباً بكلية العمارة والمدنية عن هالشي وما حدا بيعرف!!! :| بس بدي أعرف مين بيعرف :cry:
اقتباس:
احتمال: تكون الأسئلة على نمط الإمتحان اللي صار ب 21\8 .. يعني أسئلة اختبار بقوة اللغة بس
احتمال: تكون الأسئلة على نمط امتحان التوفل ..
احتمال: تكون الأسئلة شاملة .. بتشمل اختبار لقوة الطالب باللغة .. بالإضافة لاختبار بالمعلومات الأدبية و اللغوية .. متل صور بيانية .. أنواع القصائد .. أنواع الروايات .. الخ من الأسئلة الأدبية .. بالإضافة الى اسئلة من علم اللغة عن معلومات (بديهية) بعلم اللغة

  *ممم شي طبيعي انو كلو يكون احتمالات لأنو هي أول مرة بصير هيك فحص ونحنا بوش المدفع *خوف
شكرا كتير عكل حال Ala Al-Ibrahim,   *ورود
اقتباس:
الدكتور مزعل هو اللي حط أسئلة الفحص المعياري الجاي.

معناها ما رح تكون أسئلة سهلة بنووووب لأنو الدكتور مزعل دائما بحب يعملنا مفاجآت بأسئلتو..  :idea: لهيك برأيي بلا ما تعذبو حالكن وتسألو الدكتور عن الامتحان.. لأنو مارح يعطين أي معلومة.. كيف بدا تصير مفاجأة لكن :mrgreen:
بس السؤال الذي يطرح نفسه: اذا الدكتور مزعل اختصاصو دراسات أدبية كيف رح يحط أسئلة لغوية؟؟؟ *ممم

بالتوفيق لكل الي بدو يقدم هالفحص *Hi  *1  *1  *1
الكاتب:  Odysseus [ الاثنين أيلول 06, 2010 7:59 م ]
عنوان المشاركة:  ×÷•.•´¯`•» كل ما تحتاج لمعرفته حول الماجستير في جامعة البعث «•´¯`•.•÷×
No way,  

ههههههههههههه
فعلا متل ما قلك محمد .. دبحتنا دبح بهالسؤال
صرلنا شهرين عم نجاوب على نفس الأسئلة .. و كل مرة حدا بيسأل سؤال كان مطروح سابقا بس بطريقة تانية .. و نحنا بنجاوب نفس الجواب كمان بطريقة تانية  :mrgreen:  :mrgreen:
اخي اقرا هاد الموضوع منيح من بدايتو .. و اقرا موضوع تاني اسمو تقديم موعد امتحان اللغة .. اقرا الردود بتلاقي الجواب الي بدك ياه

موفق  *1
صفحة 3 من 6 جميع الأوقات تستخدم GMT + ساعتين [ DST ]
Powered by phpBB® Forum Software © phpBB Group
http://www.phpbb.com/