بسم الله الرحمن الرحيم
السلام عليكم :
في سؤال كنت قد طرحته في موضوع في هذا القسم :
اقتباس:
سؤال :
هلأ اللي حالتهم متل حالتي , مو متخرجين عمادة او مادتين , ما بيحئلهم يتقدموا لشي مسابقة او عمل ؟
او اذا حبوا يشتغلوا بوضعهم الحالي لبين ما يتخرجوا , ياهالترى شو الفرص المتاحة الهم للعمل ؟
بصراحة كتير حابة اشتغل او اعمل بمجالي او حتى بشي قريب منو , بس ما نبئى قاعدين
شو بتنصحونا نعمل ؟؟؟؟
...............
اقتباس:
سؤال تاني :
ماذا يترتب علينا القيام به من اتباع دورات و غيرو , مشان التوظيف او حتى مشان الدراسات ؟
............
و كان الجواب :
Mohammed كتب:
Portia,
بخصوص السؤال الأول بأمكانك أنو تقري جريدة الوسيلة ببساطة وانشالله بتلاقي شي بيناسبك بس طبعا رح يكون الشغل بمؤسسة خاصة مو حكومية على الأغلب
الا از كنت مو مستعجلة عالمصاري ف فيكي تاخدي ساعات بشي مدرسة عن طريق التربية
ولما بتتخرجي بتاخدي الوثيقة بيعدلولك وضعك الى مدرسة جامعية بدل باكالوريا
مشان التوظيف لازمك شهادة كمبيوتر من الجمعية السورية للمعلوماتية (أو ICDL على حسب علمي) لطلاب الانكليزي ورقة اعفاء من فحص اللغة
اما الدراسات ف فيكي تعملي اي دورة تقوية ويفضل أنك تحسني مستواكي مهما كان
قواعد ومفردات وقراءة
أهم شي الscanning و skimming مشان النصوص الطويلة بامتحان القبول التخصصي
proficiency test
انشالله تكون الفكرة صارت واضحة
GOOD LUCK
اما تعقيبي :
جريدة الوسيلة : فعلاً فيها فرص كتيرة , لكن للاسف نصها اذا مو اغلبها بيكون مو جدي يا غير مناسب , خاصة النا نحنا البنات , المحافظات نوعاً ما ..و الله اعلم
اما بالنسبة للتربية : فرفقاتي قالولي انو مافي فرص مناسبة , عنا بحمص
طبعاً هالايام معظمنا بيميل انو يتوفرولو فرصة بمؤسسة حكومية , لأنو أفضل و أضمن .
فشكلو ما في غير الدورات اللي بتشجع انو نشغل حالنا فيها ونزيد فيها معرفتنا و مستوانا .
و بيبئى انو نتمنى اي فرصة عملية مناسبة تتيح لنا اظهار خبراتنا من جهة , وكسب مادي و ان كان محدود من جهة اخرى .
ولا شو رأيكم ؟ عندكم رأي آخر ؟