تقديم موعد امتحان اللغة للقيد في الماجستير

Mohammed · **Inscrit le:** 23 Mars 2007

maysa,
مصدقة التخرج أو الاشعار ضروري جداً للتقديم .. اذا ما طلعت المادة بعد17 بعتقد (((ممكن))) يمددو التسجيل

ولو حتى قبل بساعة من الانتهاء التقديم طلعت المادة فيكي تلحقي حالك
المهم جهزي بقية الاوراق بحيث ايمتا ما طلعت الترجمة ناجحة انشالله تقدمي

Portia,

Citer:

كيف ما حاطين هالاعتبار بالحسبة

كل سنة عم ينسو سبحان الله
تنظيم فااااااشل عنا بالبعث ... التنظيم لجامعة حلب وبس ما في شي عالغميضة وما في موظف بيقول ما بعرف !!
لهلأ عنا ما عرفو يحددو موعد نهائي لتسليم المواد أو يطبعو بروشور (بحقه) عن تفاصيل وشروط التقديم لكل نوع من الدراسات !!!

يامن,

دبلوم التأهيل .. ودبلوم التخصص .. ما فيك تكفي بعدهن الا بمفاضلة تانية ما الها علاقة بمعدل الدبلوم اللي بتكون حصلت عليه
يعني بتقدم ع ماجستير التخصص بس معدل دبلوم التخصص ازا كنت عامله ما بيأثر بالقبول ..
ولا حتى الدبلومات التانية

دبلوم الترجمة فيك تكمل ماجستير ترجمة بحلب أو بدمشق حسب معدلك الي حصلت عليه

للتقديم للبعثات والدكتوراه بيزيدولك 3 علامات ع معدل تخرج الجامعة عند المفاضلة مع الخريجين الجدد
بمعدلك اخي فيك تقدم عالاختصاصات اللي قلتلك عنهن (دبلوم تأهيل تربوي (مواز) - دبلوم تخصص _ ماجستير تخصص _ دبلوم افتراضي _ دبلوم ترجمة وتعريب )
المهم حالياً قدم طلب الامتحان قبل 17 يعني بهاليومين فقط

maysa,
اللغة المحكية مستحيل تتغطى بكتاب وبيومين دراسة قبل الامتحان
بتعتمد عالمعلومات والحوارات اللي انت سامعتيها بفترة دراستك متل المسلسلات .. افلام .. أو حتى مسرحيات

أنا بذكر سؤال
حوار مكتوب بسطرين بين شخصين حول شراء سيارة .. بيتناقشو عالسعر وىخر شي بيقلو: Deal
والخيارات أنو اتفقو _ ما اتفقو _ بيعت بسعر الأول أو السعر التاني

ف بس فكرة انو Deal يعني اتفقنا بالعامية هي مفتاح الحل ما تلبكي حالك بكتب ولا شي ادرسي من الكتاب اللي قلتلكن عنه

Hiba,
معدلات الدفعة الحالية أقوى من الدفعة السابقة
ومعدلاتنا كانت أقل من الدفعة اللي قبلنا ..... ومعدلات حمص أقل من معدلات دمشق
ولكن .... ما بيعني دفعتكن ولا دفعتنا أذكى من اللي قبلنا
بس نمط الامتحانات عم يصير أسهل بكتير والأتمتة والأسلوب الاختياري بيرفع العلامات والمستوى متل ما هو أو حتى أدنى .. متلا خريجي اللغة الفرنسية والانكليزية من حمص بشكل عام أقوى بكتير من خريجي دمشق من ناحية الcomposition
..........

يامن,
شكراً الك .. والله يوفقك بالدراسة وتحقيق حلمك

وأسف جداً على التقصير .. لو كان بامكاني كنت سحبت من شؤون الطلاب تفاصيل مباشرة وقرارات عن كل انواع التسجيل بالدراسات .. بس اخخخخخخخخ
خليني ساكت أحسن :mrgreen:

maysa · **Publié:** Dim Août 15, 2010 5:22 am

شكرا كتير على ردك بس سؤال صغير هلا بما انو معدلي حوالي 65 فيني حط
اول رغبة ماجستير الدراسات العليا او ماجستير التاهيل و التخصص كرمال انو اضمى لالي وشكرا

Portia · **Inscrit le:** 28 Mars 2007

السلام عليكم :

ميسا :

اطلعي على هذا الموضوع , مشان ترتيب الرغبات :

Désolé, vous devez vous inscrire pour voir le lien Si vous êtes membre, il suffit de signer po

وبرأيي حطي ليه ما تحطي :wink:

, وان شاء الله بخترلك الخير

وانتظري رأي المشرف محمد

........................................................

Portia · **Inscrit le:** 28 Mars 2007

السلام عليكم :

Citer:

للنجاح المضمون باذن الله بفحص اللغات للمختصين أنصح بشدة بقراءة كتاب اللغة المقرر لطلاب السنة الثانية على ما أعتقد :
Understanding and Using English Grammar
ل Petty Scharmpfer Azar

اللي بيدرسو كاملاً انا بضمنلو باذن الله ياخد علامة القواعد كاااااااااااملة

Citer:

سبق وذكرنا اسم كتاب Understanding and Using English Grammar by Petty Scharmpfer Azar
واللي بيركزو عليه كتير بالأسئلة القواعدية لأنه شااامل

Désolé, vous devez vous inscrire pour voir le lien Si vous êtes membre, il suffit de signer po

بالتوفيق

......................................

.....................

Mohammed · **Inscrit le:** 23 Mars 2007

maysa, فيكي ترتبي متل ما بتحبي
وبتفاضلي عالكل سوا .. تخصص وادبيات ولغويات ودبلومات (موازي ونظامي)

Portia,
*plz

ايوه هاااااد هو *ورود

maysa · **Publié:** Dim Août 15, 2010 2:30 pm

حدا منكن يفهمني على المنيح انو هداالفحص عنجد هو نفسو الي بخلينا ننقبل بأيا ماجستير بدنا ياه وهو غير الامتحانات اللي منقدما للماجستيرات متل ماجستير
التاهيل و التخصص لانو عنجد ضايعة والفكرة ما كتير عم بفهما وكل واحد بسألو بجاوبني شكل

يامن · **Inscrit le:** 22 Mars 2007

السلام عليكم و رحمة الله و بركاته

الله يجزيك الخير اخي محمد على المعلومات الكافية و الوافية و الله يقدرنا على مكافاتك

الصراحة عند الشي بيتعلق بمستقبل و حياة الانسان لازم الواحد ما يترك اي شي يفوتو مهما كان تفصيلو صغير

و بما انو انتي يا اخي اخبر و اعلم مننا في هذه الامور , عطيتنا نصائح و طرق ممكن نكون غير قادرين على اتخاذها

لوحدنا

الله يجزيك كل الخير و بتمنالك التوفيق و النجاح لالك و لجميع اخواني و اخواتي اللي رح يتابعوا مسيرة الجهاد في طلب

العلم و الوصول الى اعلى المراتب باذن الله

و بتمنى من كل يلي الله بيسر عليه و بيصير ذو شان كبير باذن الله سواء بالتدريس او بالادارة ما يقسا على الطلاب

متل ما عملو بعض الدكاترة معنا (الله يصلحن و يهديهن)

انا بكرة نازل اتوكل على الله و سجل و اسال الله ان يجعلني من المقبولين انا و جميع المتقدمين

و السلام عليكم و رحمة الله و بركاته

Shaima · **Inscrit le:** 25 Janvier 2008

شكرا Mohammed على الاجابة على أسئلتي و الله يجزيك الخير
*Hi

يامن · **Inscrit le:** 22 Mars 2007

السلام عليكم و رحمة الله و بركاته

انا هلىء بحمص و بعد ما عملت الاوراق رفضهن الموظف لانو معدلي 59.2 اقل من جيد و قلي ما بحقلك تقدم

حبست دمعتي بعيوني و رحت على الكلية و اذ بشوف تنين من رفقاتي بيقلولي انو روح قدم على الدبلوم

رحت و سالت على الدبلوم بشعبة الدراسات بالادارة المركزية

و خبروني انو الشروط رح تصدر الاسبوع القادم

شكرا الك اخي محمد تعبتك معي

بس بدي منك تنصحني بخصوص الدبلوم بما انو التقديم على شي اسمو ماجستير من سابع المستحيلات بالنسبة لوضعي

الله يجزيك الخير

و السلام عليكم و رحمة الله و بركاته

Mohammed · **Inscrit le:** 23 Mars 2007

يامن,

لا حول ولا قوة الا بالله .... أنا متأكد أنو ما في شرط ال 60 % للمفاضلة والسنة الماضية في ناس معنا قدمت وانقبلت !!!!!

الا ازا هاي السنة غيرو القوانين

الدبلومات أخي هي الترجمة... والتأهيل ... والتخصص ... والترجمة ... (وكل هدول في منن مواز ونظامي ) بالاضافة للتأهيل الافتراضي

Latest Posts

تقديم موعد امتحان اللغة للقيد في الماجستير