- يمنع منعاً باتاً طرح المواضيع الحوارية عن الحب و ما الى ذلك . - تمنع المواضيع التي تتعلق بالمطربين والفنانين أياً كانت . - يحق لكل عضو وضع موضوع او موضوعين فقط في اليوم الواحد وذلك لاعطاء بقية الاعضاء الحق بالمشاركة والرد او قراءة بقية المواضيع .
السلام عليكم ورحمة الله تعالى وبركاته موضوعنا اليوم عن السرقة ويلي طبعاً صارت عالنت وبشكل كبير بمعنى اني كل شخص بينسب أي شي بيعجبو عالنت لألو حسبنا الله ونعم الوكيل, أنا حبيت نزل الموضوع بعد صدمة أجتني بالصدفة وأنا عم أتصفح بواحد من المنتديات, كيف ,رح الكن هلء يمكن الموضوع يكون عادي بس يمكن كل واحد مننا بحب يستمتع بخصوصيتو لهل السبب بحاول يصنعا لحالو,باختصار يمكن بالوقت الحالي كلكن شايفين توقيعي اللي هوّ: (سيبكي الزمان على صدّري لا مُحالا فَما بعدَ صبّري إلا وعود الرِجالا) بغض النظر عن الطلب يلي بيحملو التوقيع وبغض النظر عن أي شي لأني التوقيع هو خصوصيت العضو وأنا اليوم عند اللي كنت عم أتصفح وبالصدفة شدّني للنظر توقيعي ناسبو واحد عالنت والأنكا من هيك إني هالشخص يلي ناسبو الو هو مدّرس لغة انكليزية وللتأكد عبر هعذراً, يجب أن تسجل من هنا لترى الرابطإذا كنت عضواً, فقط قم بتسجيل الدخول أنا لا عم ضخم الأمور ويمكن يكون لبعض الناس هالشي عادي بس بالنسبة الي هالشي حرام وسرقة يعني لوكان موضوع علمي أو موضوع ثقافي أو أي موضوع تاني يمكن يكون أهون مارح طول عليكن بشكل عام إذا ممكن نتناقش بموضوع السرقة أو بالأحرى السرقة عبر النت وشكراً للجميع
تحياتي الك أختي الكريمة يعني كلامك مقنع ومعك حقك يمكن يكون عاجبو ويمكن أنا من عصبيتي ما حاولت إني فسر هالموضوع للإيجابي, عكل حال رأيين وتلاتة أحسن من رأي واحد وأنا دائماً بحب شارككن بكلشي لأني آرتين هي عيلتي الكبيرة والمميزة أسعدني مرورك كتير تقبّلي تحياتي
يسعد أوقاتك أخي موسى ما بعرف شو بدي احكي بس لازم تاخد الأمور بروح رياضية وتنسى ومتل ما بيقول المتل(اسأل مقرقع ولا تسأل حكيم)موضوعي اللي نزلتو بأرتين من فترة عن قانون قرقعة المتة كتبتو من لما كنت سنة أولى بالجامعة ونزلتو بمنتدى جامعة حلب وهلأ اذا بتعمل بحث بغوغل عن الموضوع بتلاقي مليون واحد ناشر الموضوع باسمو وفرحان على حالو انو هو الفطحل اللي كتبو وأبدع بنصوصو القانونية ,من جهة تانية ومن الناحية القانونية توقيعك مانو محمي ولا خاضع لقانون حماية الملكية لذلك ما منقول الا حسبنا الله ونعم الوكيل
تحياتي الك أخي العزيز Golden RoSe, كلامك منطقي وصحيح
وأوقاتك أخي سليمان أهلا وسهلا فيك نورتني والله مابعرف شوبدي الكن يعني الموضوع صاير شوربة كل مين بينسب الشي يلي بدو يا لحالو ومتل ماقلت أخي سليمان توقيعي مانو محمي ولا خاضع لقانون حماية ورح أكون مسالم وقول اني هالمدرّس حاطط توقيعي لأني معجب في على فكرة أنا هدفي كان من الموضوع إني اضرب عصفورين بحجر واحد بمعنى,نتناقش شوي بموضوع السرقة ونحكي عن السارقين شكراً الك أخي سليمان والله لا يحرمني من رأيك الحكيم تقبّل تحيتي
أخي العزيز اذا بدنا نحكي بمنطق قانوني فأنت لما بتنشر موضوع عالانترنت بالطريقة التقليدية المتعارف عليها فأنت عم تعطي موافقة ضمنية مبطّنة على تنازلك عن الموضوع وعن ملكية الموضوع وأكيد الكل بيعرف طريقة النسخ لصق اما اذا بدنا نحكي عن انو لازم نكتب تحت الموضوع انو منقول فهاد شي كمان مانو مفروض علينا وممكن بالاخر نعتبرو ضمن نطاق اللباقة الأدبية
قصة السرقة من النت ما فيك تعتبرها سرقة بكل معنى الكلمة لانو اذا بدنا نحكي بواقعية نحن اغلب حلقات البحث تبعتنا مناخدها من النت وهدول في اشخاص كاتبينن ما انكتبو عالنت لحالن بس وقت المناقشة مننسب الحلقة النا
انتا معك حئ انو وقت شي انتا تكتبو وتلاقيه بصفحة حدا تاني شي مزعج وانا شخصيا صارت معي اني كتبت خاطرة عالفيسبوك وبعد كم دقيقة لقيت حدا من قرايبيني حاتطها عندها على انو هي يلي كتبتها طبعا انا ما سكتت وقلتلها هالشي وقتها كنت كتير مزعوجة لانو الخاطرة كانت طالعة من شي جواتي وطلعت بلحظتها وبالنهاية مافي شي اسمو حقوق الملكية عالنت لرواد المنتديات للحقيقة انو مافيك تعمل شي اي حدا بيعجبو اي شي رح يعملو نسخ لصق وقامت وخلصت وما رح ينسب الشي يلي اخدو لصاحب الموضوع لانو بالنهاية نظام المنتديات اغلب الاشخاص اسمائن مستعارة ومعظمن ما بيعرفو بعض بقا اذا اخدنا موضوع من منتدا لمنتدا اخر ما حدا رح يعرف غير بالصدفة متل ما صار معك
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
يمكنك أن تستفيد من الصلاحيات الإضافية للعضو و المشاركة في المنتدى بالتسجيل من هنا , كما يشرفنا أن ينضم إلينا الأساتذة و المعلمون 
تسجيل الدخول
تصفح جوال
الأسئلة المتكررة
بحث
::
::
كلامك مقنع ومعك حقك يمكن يكون عاجبو ويمكن أنا من عصبيتي ما حاولت
