اقتباس:
هاقد عدنا مع أسئلة بعيدة عن الشي الخاص وان شاء الله تعجبك
يا اهلا وسهلا ..
مادام بعيده عن الشي الخاص أهلا وسهلا فيك ...
اقتباس:
بموضوع اسمو ماذا ستكتب بساحة حوار كتبت ..
اذا احببت شخصا اكثر من روحك, دعه يرحل , فان عاد اليك فهو يستاهل حبك , وان لم يعد فهو ليس لقلبك
هل ما زالت نانو تؤمن بهذه المقولة ..؟ وفيكي تقوليلينا ليش طبعآ بشكل عام
اي أنا بؤمن بهي المقولة بشكل عام انا بشووف هيك لأنو ازا جد الشخص الي رحل بحبنا فأكيد رح يرجع يوم من الايام وازا ما رجع فهو ما كاان بحبك أد ما بتحبو مشان هيك هو مو لقلبك انا هيك بشووف ..
اقتباس:
أنت واقفة على جبل قاسيون مارح الك شو بتحبي تصرخي وانما رح الك معك ورقة وقلم
شو بتكتبي ..؟ واذا بتحبي تصرخي شو بتصرخي ..؟
عن جد ازا وااقفة على قااسيون ودائما بس روح ع قااسيون بقووول بحبك يا سووورياااااااااااااا وبحب ريحتها وهواهاااااااااا..
اقتباس:
لكل فتاة .. فتى أحلام شو صفات فتى أحلام نورة ..؟
اممم مع انو ما عمري فكرت كتير بلموصفات بس اوك ..
يعني طبعا بأول بتهمني الأخلاق كتير شي طبيعي أكيد بهمني الشكل كمان مو ضروري يكون الله خلقو وكسر القالب بس يكون حلو لا بأس فيه ..
يعني اهم شي الاخلاق والجمال يأتي مع الاخلاق ..
اقتباس:
ممكن تضحي بأشياء غالية من أجل الصداقة؟
اي بضحي ازا صداقة وغالية عليه كتير ممكن ضحي ..
اقتباس:
من هي الفتاة المثالية بنظر نورة وما هو الشب المثالي؟
اممم ما بعرف شو قلول طبعا انا مو مثالية بدرجة الأولى بس كمان بهمني أخلاق البنت أكيد يعني أهم شي تكون أخلاقها منيحة وما تكون تااافهة كتير وسطحية وما بينحكى معها ههه يعني اوك الواحد بيهتم بكل شي من كل النواحي ..
الشب المثالي كمان هيك شي تكون اخلاقو منيحة أكيد بفكر لقدام بيحسب عقلاني التفكير ..وما يكون عصبي هاد هاد الشب المثالي هههه ..
اقتباس:
شو بيعنيلك الصمت؟
الصمت بيعنيلي كتير لا تجدال الأحمق لانو ممكن يلخبطو الناس بينك وبينو ..
بحب اسكت لانو السكوت من دهب صح بعض الاحيان الواحد ما بيتماك أعصاابو وبيحكي بس انا صايرة عم استخدم الصمت وطبعا الواحد ما لازم يضل على طول صامت ...
اقتباس:
بتفضلي المواجهة ولا التهرب من النقاشات المحرجة؟
والله على حسب الشخص الي عم احكي معو بهنقاش ازا كان الشخص اخده عليه وهيك بناقشو بس ازا لا ما بنااقش بتهرب وممكن اتهرب بعض الاحيان حتى مع ناس بعرفو لغايه في نفسي ...
اقتباس:
المواجهة ولا التهرب من النقاشات المحرجة؟
قررررررررررربت والله قرررربت
ماهو الشيء الذي تشعر نورة باقترابه منها بالرغم من أن ليس هناك أي دلائل ملموسة لوجوده أو أقترابه ..؟
بشعر انو أكيد يوم من الأيام رح ارجع وعيش بسوريا ..
اقتباس:
في احدى اجابات عزة على سؤال لي أئناء جلوسها على كرسي الاعتراف كان جوابها
أني صرت أؤمن أنو ما عاد في شي اسمو حب بالدنيا.. ازا مو بالدنيا ع القليل بقلبي
اذا طلبت منك تردي عليها بأي شي شو بدك تقوليلها هون ..؟
والله انا بخالف عزة بهيك شي يمكن عزة عم تقول هيك عن تجربة بقلبها مقهورة منها ومو عارفة بشو تواسي قلبها ..بس انا بقول لسا في ناس بتحب بدنيا وفي شي اسمو حب حقيقي مو الحب الي صاير به الزمن صح قليل لتلاقي حدا يحب بجد بس لسا في .....
اقتباس:
وأخيرآ عطيني لكل اسم مما يلي صفتين حلوة موجودة بكل شخصية وصفة ما بتحبي وجودها في وبتحبي يخلصوا منها
عزة - سومي - عسولة
عزة ..بحب كيف بتسمع وبتهتم بالي حوليها..
وبحب كيف هي مع أهلها بتعجبني كتير وبحسها متراابطة معون كتير ..
طبعا بلإضاافة للجنان تبعها ..
بكره بعزة وقت تعصب وما تعود تستوعب شي لانو معصبة ولانو ما بتحكي حدا وتفش خلقها وهي معصبة
سومي ..أختي .. بحب فيها انو هي بتساعدي وقت الي بطلب منها شي ما بتقلي لا ..
وبحب انو بتتزكرني بكل شي ..
بكره بسومي انها عصبية ...
عسولة ..مرووشتي بحبها كتير مرووش وهي بتعرف اديش ..
بحب انو ما بتخلي على القلب هم وانو بحسها بتفهمني ..
ما بحس اني بكره شي بمروة ..
بس بتمنى بمروة دير بالها على حالها أكتر وما تفكر الكل طيوب بس ..
اقتباس:
وكل كرسي وأنت سالمة يا رب
وانت سالم يارب نورت ..