Osama يجلس على كرسي الاعتراف ...

3a$õØöLê · **Posted:** Sat Oct 10, 2009 3:16 pm

انو مو مخليين سؤال إلا سائلينك ياه . . :shock:

بس كأنن نسيو يسألوك على صعيد موبايلك وميلك . .
لهيك أنا حضرتلك كم سؤال :mrgreen:

وأول شي بنبدأ (على صعيد موبايلك) *sla

ما هو نوع موبايلك ؟
عدد الأرقام المسجلة ؟
كم رقم بنت عندك ؟
شو مسمي عامر بالموبايل؟
شو مسمي امك و أبوك ؟
الاسـم رقـم (6) عندك ؟
أخر رسالة تلئيتهــا ؟
شو هي الرسالة رقم ( 10 ) عندك ؟
رسالة لم و لن تقوم بمسحهــا ؟ وليش ؟ و من مين ؟
رسالة أثرت فيك كثيراً ؟ و من مين ؟
أخر رسالة أرسلتها و لميـن ؟
أسمك بالبلوتوث ؟
شو هي نغمة موبايلك ؟
مخصص نغمات ؟ و إذا ايه لمين (مع ذكر النغمة)

(و هلأ على صعيد ايميلك) *sla

ماهو اسمك المستعار في الايميل ؟ وماهي الرسالة الشخصية؟
الصورة الشخصية لايملك؟ ( نزلنا الصورة هون )
كم عدد جهات الاتصال عندك؟ (مع ذكر عدد البنات و عدد الشباب)
(الندج) ايمت بتستخدمو؟
نك نيم لشخص عجبك..
الحالة اللي بتفوت فيا بالعادة ؟
ايمت بتعمل بلوك لحد؟

*Hi

Reem.alrawi · **Posted:** Sun Oct 11, 2009 12:51 am

الله يعينك يا Osama
بالتوفيق

Osama · **Posted:** Sun Oct 11, 2009 3:29 am

#هبة#,

Quote:

لكل شاب هموم ....... عندما تتثاقل همومك ولا تستطيع حملها الى من تلجىء ؟؟
لكل شاب طموح يرغب في الوصول له ماذا تفعل عندما تجد طموحك يبتعد يوما بعد الآخـــــر ؟
لكل انسان واقع قاسي وحقيقه مره هل اسامة من الأشخاص الذين يهربون من الواقع
ولا يواجهون مشكلتهم ؟
مالذي يشعرك بأكثر قدر من الحرج. ..؟؟
-حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
من فترة دينتك 500 ورقة ايمت بدك ترجعون؟؟

الله يبعد الهموم بس اغلب الهموم بلجأ فيها لأمي بعدين لأخي بعدين لعامر و لرفقاتي... طبعا على حسب نوع الهم و مين على الاطلاع اكبر بالمشكلة.
بحاول اني اتقرب منو و اذا لقيتو عم يبعد اكتر بغيروا
لا بواجه المشكلة و ما بخليها تكبر
اني اتحمل مسؤولية و ما اطلع قدها
من المسؤول عني بالشغل و يكون فيها مصاري
ايون!! لك شو مشان؟؟؟ انا يلي دينتك مو انتي اما بدك تاكلين عليي بس عميل خير و كب بالبحر ابشري لعيونك بكرا رح جبلك احلى ماعون ورق فيه 500 ورقة ماركة الديك

Quote:

منتظرة الجريدة

اذا بدك جريدة سياسية فبتطلع كل يوم الصبح اما الرياضية بتطلع كل سبت و تلاتا *sla

زهرة القرنفل,

Quote:

انت شخص غريب نظرتك للمرأة ورأيك فيها و بدموعها ظالم شوي
يمكن بسبب تجربة أو تجارب الحب اللي مريت فيها انت
بس هذا ما يعني انو كل البنات مثل بعض مثل مو كل الشباب مو مثل بعض (كلامي صح؟)

يمكن كون غريب و ظالم بنظرتي للمرأة و لدموعها بس هالشي ما بسبب التجارب يمكن لأني ما عندي اخوات بنات فبقى ما بحس بشعورن و بمعنى دموعن :wink:

و شي طبيعي انو ما كل البنات متل بعض و ما كل الشباب متل بعض :arrow:

just me,

Quote:

1. شو بعنيلك انا وشو مدى اعترافك فيني كصديق؟
2. هل انت راضي عن شي موقف صار معي منك وانا عم ذكرك فيه دائما ؟؟
3. شو رأيك بالشب اللي بشجع فريق من غير محافظته ؟ هل يعتبر خائن ؟
4. إزا اتصلك صديق وانت بالملعب وكان معصب من تصرف تصرفته انت بالملعب وعم يبهدلك شو بترد عليه ؟
5. هل أسامه معتبر حاله ملك زمانه ؟
6. شو حليت رفقاتك عالتخرج؟انا ما شفت شي ...
7. إذا حددت موعد زواجك في شخصيات معينة بالجامعه رح تعزمها وليش؟؟
8. إذا صاحبك بده مساعده هل تستغله ماديا ؟ إذا بتعرف احواله ماشي حالها؟
9. شو رأيك بشخصيتي كطالب؟
10 . إذا سألك صاحبك بالمنتدى شو رأيك بشخصيتي كطالب ؟ رح تجاوبو بصراحة؟
11. هل كنت متوقع مني أني إسألك غير هالأسئلة بعد المكالمة الأخيرة بيننا ؟؟
12. هل كنت متوفع من اني اسألك بشكل عام ؟

1- انت انسان مفيد بوقت الأزمة... و بعترف فيك بس ما كتير
2- لأنك ما عرفان شي لذلك بتقعد ع طول بتحكي فيه متل الببغاء
3- اذا بشجع الكرامة فهوي انسان حكيم و عاقل اما غير هيك فبيكون خاين
4- بساوي فيه متل ما ساويت فيك بسكر الخط بوجهو لأنو انا بالشرق و هوي بالغرب و كل واحد براسو شغلة
5- اما شو ملك زماني!! مقطوع خطي من كتر ماني ملك زماني
6- يا سيدي عزمتن عالعشا بالمسبح البلدي و انت ما شفت شي لأنك كنت بالامارات و ما قلتلي مبروك التخرج!!
7- شي طبيعي رح اعزم رفقاتي بالجامعة لأنن رفقاتي مين بدو يساعدني؟؟ الصديق وقت الضيق
8- اووووه ليش لأ و خصوصي اذا كنت مزنوق!!
9- اما شو طالب؟؟ الله يجعلك طالب من دفعتي و لهلأتك سنة تالتة قلتلك قبل بمرة طلاع من الجامعة ما خرجك
10- اكيد رح جاوبو
11- و الله انت لازن الواحد يتوقع منك كل شي
12- لأ ما توقعت
سنا,
سلامة قلبك يا رب.... لا بدي بريك و لا شي يومين و بخلص :mrgreen:

3a$õØöLê,

Quote:

وأول شي بنبدأ (على صعيد موبايلك)
ما هو نوع موبايلك ؟
عدد الأرقام المسجلة ؟
كم رقم بنت عندك ؟
شو مسمي عامر بالموبايل؟
شو مسمي امك و أبوك ؟
الاسـم رقـم (6) عندك ؟
أخر رسالة تلئيتهــا ؟
شو هي الرسالة رقم ( 10 ) عندك ؟
رسالة لم و لن تقوم بمسحهــا ؟ وليش ؟ و من مين ؟
رسالة أثرت فيك كثيراً ؟ و من مين ؟
أخر رسالة أرسلتها و لميـن ؟
أسمك بالبلوتوث ؟
شو هي نغمة موبايلك ؟
مخصص نغمات ؟ و إذا ايه لمين (مع ذكر النغمة)

هي بدال ما توقفي معي؟؟ بس مصيرك توقعي
1- نوكيا 6300
2- 419
3- ما بعرف
4- عامر
5- امي الحنونة و ابي مسجلو السيد الوالد
6- بالترتيب اخي بالاتصال السريع ابي
7- ايميل واحد لازم راسلوا
8- "سلام شو صار يا زلمة وين التكت شو حرب أعصاب رد علي بربك"
9- انا ما بحذف اي رسالة من عندي حتى و لو غيرت موبايلي بحتفظ فين و بنقلن للجهاز الجديد
10- اي علم هذا الذي لم يستطيع حتى الان ان يضع اصوات من نحب في زجاجات او في اقراص دواء نتناولها سرا عندما نصاب بوعكة عاطفية دون ان يدري صاحبها كم نحن بحاجتها...حزري انتي لحالك من مين
11- فوت بسرعة وصلت التكت، و كانت لواحد بدو يسافر
12- Eyes of Blindness
13- الهوى الغايب لمحمد عبدو
14- لأ ماني مخصص لحدا، ما بحب اني اعرف مين عم يتصل

Quote:

(و هلأ على صعيد ايميلك)
ماهو اسمك المستعار في الايميل ؟ وماهي الرسالة الشخصية؟
الصورة الشخصية لايملك؟ ( نزلنا الصورة هون )
كم عدد جهات الاتصال عندك؟ (مع ذكر عدد البنات و عدد الشباب)
(الندج) ايمت بتستخدمو؟
نك نيم لشخص عجبك..
الحالة اللي بتفوت فيا بالعادة ؟
ايمت بتعمل بلوك لحد؟

1- ابو السيم، الرسالة: يا بدايات المحبة يا نهايات الوله هالحسن سبحان ربه ظالم و ما اعدله اعذب من الأمنيات عالم من الاغنيات يا اجمل الشعر البديع من آخره لين اوله
2- Sorry, you have to register to see the link If you are a member, just sign in
3- 99 و الشباب شي 75 و الباقي بنات بس في منن قرايبيني و في منن بنشتغل سوا
4- لما بدي اتبايخ ع شي حدا بس
5- ارتدي قبعتي برداء رمادي... أمشي الشوارع منفية عن عيون البشر
6- دايما اوف لاين و اذا حدا بدو اياني ضروري بيبعتلي عالأوف حاكيني لما تشوفني
7- ما بعمل بلوك منوب لأني بالأصل بفوت اوف لاين او اذا كنت مشغول و في واحد موجود و بعرفو بدو يحكي و ماني فاضيلو منوب و بس خلص بشيل البلوك من عليه او اذا واحد ضافني و ما بعرفو و ما عم يحكي شو بدو مني

Reem.alrawi,
الله يسلمك يا رب

ثـــائـــر · **Posted:** Mon Oct 12, 2009 12:51 am

أسامة زكريا ...

كرسيك و كما هو متوقع لاقى شعبية كبيرة و صار عليك ضغط أسئلة كبير و هالشي نتيجة محبة الناس لالك و فضولهم انو يعرفوا أكتر عنك ... أجوبتك صريحة بدهاء .. يعني قدرت انك تمزج فيها الجد و المزح مع الضحكة الحلوة بطريقة ذكية جدا كما عودتنا دائما من خلال ردودك .. كما انها بتعكس روحك المرحة مع تحديد معالم شخصيتك الفذة و الغاضبة نوعا ما ...
هلأ صار وقت إغلاق الكرسي بس قبل لازم تجاوب على أسئلة العميد و بعدها رح يغلق الكرسي تلقائيا ...

كلنا بنعرف مدى علاقتك بعامر الرشواني يلي بتعتبروا متل اخوك و بدي منك تسمحلي اني اعزف على هالوتر ...

1- لنفرض انو عامر كان يحب بنت من حوالي 3 سنين .. بقي معها سنة كاملة .. و بعدها أجبروها أهلها على الزواج .. عامر مر بأزمة نفسية شديدة جدا و تعب كتير بس بالآخر قدر انو يطلع من هالأزمة و هلأ هو عم يعيش قصة شبيهة بالحب مع بنت جديدة بس طبعا مو بقدر حبو الاول ... بعد سنة اجت لعندك البنت و قالتلك انو هي تركت زوجها و طلبت الطلاق منو لانو ما قدرت تنسى عامر و بدها منك ترجعها لعامر لانو هي خايفة انو تقابل بالصد بعد الجرح يلي جرحتو اياه .. يا ترى شو بكون موقفك وهل بترجع عامر لهالبنت مع انو تركتو مرة أو بتقلها روحي شوفي حياتك متل ما عامر شاف حياتو..؟؟؟

2-انت كنت تحب بنت من حوالي 4 سنين ... و بعد حوالي سنتين مثلا تركتو بعض لأنو انت حسيت انو في شب جديد بحياتها .... طويت الموضوع و شفت حياتك .. بيوم من الأيام بتكون ماسك موبايل عامر و فجأة برن و بكون الاسم ( حبيبتي ) و الرقم المكتوب هو نفس رقم حبيبتك القديمة يلي تركتها . بيجي عامر و بتقلو ليه هيك عملت يا عامر . بقلك انا كنت أعرفها للبنت قبل ما تحبها انت بس لما شفتك حبيتها تركتها لانك أخي بس لما تركتو بعض انت و اياها انا رجعتها و ما حبيت قلك مشان ما اجرحك و صدقني انا ما خنتك .. يا ترى شو بكون موقفك ؟؟

3-انت وعامر بتحبو بنتين اخوات .. هن أخوات و ما بخبو على بعض و لا سر و دايما مع بعض و كل أسرارهم مكشوفة لبعض و انتو كعامر و اسامة عايشين أحلى قصة حب .. بيوم من الأيام بتكتشف انو حبيبة عامر عم تخونه .. بتيجي انت بتسال حبيبتك يلي هي أختها . بتتلبك و ما بتعرف شو تجاوب .. يا ترى بعد هالشي رح تكمل مع حبيبتك أو رح تفقد الثقة فيها بما انها قبلت انو أختها تخون حبيبها علما انو هو أخوك ؟؟؟

4-انت هلأ على جرف صخري عالي جدا وعلى وشك الانهيار و معك طيارة لراكب واحد فقط مع الطيار ... و يلي معك هن عامر و حبيبتو .. و حبيبتك ... عامر ما بيعرف كيف يطير بالطيارة ووزن عامر تقيل بحيث انو في احتمال 50 % انو توقع الطيارة و تموت انت و اياه . اما حبيبتك وزنها خفيف و احتمال النجاة أكيد .. يا ترى شو بكون قرارك بهاللحظة ؟؟

5-انت و حبيبتك عم تتمشو بشارع بالليل و ما فيه حدا و فجأة بيهجم عليكم 2 شباب و بدهم ياخدوا حبيبتك منك و يخطفوها و بهالوقت بتسمع أصوات عامر عم يناديك من الشارع التاني و هاجمين عليه 4 شباب و معهم سكاكين و ممكن انو يموت بطعنة و اللحظات يلي معك للتفكير و للتصرف قليلة كتير .. يا ترى شو بتعمل وقتها ... بتترك حبيبتك و بتروح بتنقذ عامر او بتترك عامر يموت و بتنقذ حبيبتك ؟؟؟

6-بيوم من الأيام بيجيك اتصال بقلك انو روح شوف عامر قاعد مع البنت يلي بتحبها بحديقة معينة ... انت طبعا هون بدك تضحك و تقول انو حدا بدو يوقع بينكم .. بس فضولك بخليك تتصل بعامر .. بتلاقيه خارج التغطية .. بتتصل بحبيبتك بتلاقيه خارج التغطية ... بتبلش الشكوك عندك طبعا و بتروح على الحديقة يلي قلك عليها الشخص يلي عالتلفون و فعلا بتلاقي عامر قاعد مع حبيبتك على مقعد واحد .. يا ترى شو أول فكرة بتتبادر على ذهنك و شو هو اول شي بتظنوا لما رح تشوف هالشي ؟؟

7-انت و عامر ماشيين بشارع من الشوارع و خلينا نقول شارع الغوطة .. بتفوت انت على سوبر ماركيت مشان تشتري باكيت سيجارة . عامر بيوقف لحالو و بتمر بنت بسمعها كلام و بلطشها ... بتطلع انت و بتكملو المشي و بعد شوي بتشوف انت بنت قرايبتك ... بتترك عامر انت شوي و بتقرب منها مشان تسلم عليها و أول جملة بتقلك اياها هادا رفيقك يلي عم تمشي معو سمعني كلام بخجل .. يا تر ى شو بتقلها و شو بتقول لعامر ؟؟

ما بدي تقل عليك اكتر من هيك و كل كرسي و انت بخير يا معلمنا

ابراهيم محمد · **Posted:** Mon Oct 12, 2009 1:15 am

ثـــائـــر,

:shock:

Osama,

قلبي معك

سنا · **Posted:** Mon Oct 12, 2009 9:19 am

ثـــائـــر,

:shock:

شو هالقصص وهالخيال الواسع..
عجبتني شغلة الطيارة..
بس موضوع السكاكين حسسني اني عم احضر شي فيلم هندي..

الك شي تار مع أسامة؟؟؟ :?:

nano · **Posted:** Mon Oct 12, 2009 7:52 pm

osama الله يكون بعونك انحولت وانا عم اقرأ اسئلة ثائر فوتني ب100 حيط :shock:

سحر · **Posted:** Mon Oct 12, 2009 11:15 pm

أسامة الله يرحمك يارب :mrgreen:

Osama · **Posted:** Tue Oct 13, 2009 12:20 am

ثـــائـــر,
أول الشي بشكرك ع استضافتي و بشكرك ع كلامك الحلو

Quote:

1- لنفرض انو عامر كان يحب بنت من حوالي 3 سنين .. بقي معها سنة كاملة .. و بعدها أجبروها أهلها على الزواج .. عامر مر بأزمة نفسية شديدة جدا و تعب كتير بس بالآخر قدر انو يطلع من هالأزمة و هلأ هو عم يعيش قصة شبيهة بالحب مع بنت جديدة بس طبعا مو بقدر حبو الاول ... بعد سنة اجت لعندك البنت و قالتلك انو هي تركت زوجها و طلبت الطلاق منو لانو ما قدرت تنسى عامر و بدها منك ترجعها لعامر لانو هي خايفة انو تقابل بالصد بعد الجرح يلي جرحتو اياه .. يا ترى شو بكون موقفك وهل بترجع عامر لهالبنت مع انو تركتو مرة أو بتقلها روحي شوفي حياتك متل ما عامر شاف حياتو..؟؟؟

افترضنا هالفرضية مع انو جوابها مستحيل :arrow:

...اول شي بشوف شو وضع عامر مع البنت الجديدة مرتاحين سوا، تاني شي بشوف اذا لساتو بفكر بهديك البنت و شو وضعها عندو و ع هالأساس بقرر يا بقول لعامر عقصتها يا بقلها روحي شوفي حياتك و لا تخليه يشوف وجهك مرة تانية

Quote:

2-انت كنت تحب بنت من حوالي 4 سنين ... و بعد حوالي سنتين مثلا تركتو بعض لأنو انت حسيت انو في شب جديد بحياتها .... طويت الموضوع و شفت حياتك .. بيوم من الأيام بتكون ماسك موبايل عامر و فجأة برن و بكون الاسم ( حبيبتي ) و الرقم المكتوب هو نفس رقم حبيبتك القديمة يلي تركتها . بيجي عامر و بتقلو ليه هيك عملت يا عامر . بقلك انا كنت أعرفها للبنت قبل ما تحبها انت بس لما شفتك حبيتها تركتها لانك أخي بس لما تركتو بعض انت و اياها انا رجعتها و ما حبيت قلك مشان ما اجرحك و صدقني انا ما خنتك .. يا ترى شو بكون موقفك ؟؟

هادا السؤال ما زابط معك منوب لأنو اول الشي لما انا بدي حب بنت عامر اول شخص رح يعرف اني بدي هالبنت و متأكد انو ما رح يخبي عني انو بيعرفها و اذا لا سمح الله عمل هالشي مع اني متأكد انو ما رح يعمل هيك الله يهنيهن سوا بس طبعا انا رح كون متدايق.

Quote:

3-انت وعامر بتحبو بنتين اخوات .. هن أخوات و ما بخبو على بعض و لا سر و دايما مع بعض و كل أسرارهم مكشوفة لبعض و انتو كعامر و اسامة عايشين أحلى قصة حب .. بيوم من الأيام بتكتشف انو حبيبة عامر عم تخونه .. بتيجي انت بتسال حبيبتك يلي هي أختها . بتتلبك و ما بتعرف شو تجاوب .. يا ترى بعد هالشي رح تكمل مع حبيبتك أو رح تفقد الثقة فيها بما انها قبلت انو أختها تخون حبيبها علما انو هو أخوك ؟؟؟

يعني رح نصير عدايل؟ :?:

؟ و قلوا الله حيك عديل يا سيدي احلى عالم بشرفي :mrgreen:

بالنسبة لسؤالك جوابي اني رح افقد الثقة فيها بعدين رح اتركها بس كمان بدي اعرف ليش خانت عامر و على قولة سنا فليم هندي من تلت اجزاء :wink:

Quote:

4-انت هلأ على جرف صخري عالي جدا وعلى وشك الانهيار و معك طيارة لراكب واحد فقط مع الطيار ... و يلي معك هن عامر و حبيبتو .. و حبيبتك ... عامر ما بيعرف كيف يطير بالطيارة ووزن عامر تقيل بحيث انو في احتمال 50 % انو توقع الطيارة و تموت انت و اياه . اما حبيبتك وزنها خفيف و احتمال النجاة أكيد .. يا ترى شو بكون قرارك بهاللحظة ؟؟

طيب ليش ما سألتني ع حبيبة عامر؟؟ :roll:

هلأ عالحالتين رح كمل حياتي حزين ع و احد من بيناتن ما بدي اقعد اضرب وطنيات رح انقذ حبيبتي على مبدأ الكحل احسن من العما و برجع لعند عامر بركي بلحقوا *ممم

Quote:

5-انت و حبيبتك عم تتمشو بشارع بالليل و ما فيه حدا و فجأة بيهجم عليكم 2 شباب و بدهم ياخدوا حبيبتك منك و يخطفوها و بهالوقت بتسمع أصوات عامر عم يناديك من الشارع التاني و هاجمين عليه 4 شباب و معهم سكاكين و ممكن انو يموت بطعنة و اللحظات يلي معك للتفكير و للتصرف قليلة كتير .. يا ترى شو بتعمل وقتها ... بتترك حبيبتك و بتروح بتنقذ عامر او بتترك عامر يموت و بتنقذ حبيبتك ؟؟؟

شو وين عايشين يا زلمي؟؟ اذا هجموا عليي تنين مقدور علين :evil:

بلحق الطرفين لا تخاف سريع بالركض بس يا زلمي شو هالحظ هاد باب الحارة صار بأربع أجزاء :mrgreen:

Quote:

6-بيوم من الأيام بيجيك اتصال بقلك انو روح شوف عامر قاعد مع البنت يلي بتحبها بحديقة معينة ... انت طبعا هون بدك تضحك و تقول انو حدا بدو يوقع بينكم .. بس فضولك بخليك تتصل بعامر .. بتلاقيه خارج التغطية .. بتتصل بحبيبتك بتلاقيه خارج التغطية ... بتبلش الشكوك عندك طبعا و بتروح على الحديقة يلي قلك عليها الشخص يلي عالتلفون و فعلا بتلاقي عامر قاعد مع حبيبتك على مقعد واحد .. يا ترى شو أول فكرة بتتبادر على ذهنك و شو هو اول شي بتظنوا لما رح تشوف هالشي ؟؟

انن عم يحكوا عليي :mrgreen:

اكيد بكون عامل شي مشكلة يا معاه يا معها و عم يحاولوا يصلحوا الموقف. و صارت ان كان من طرفي او من طرفوا، بس ما مقفولة الموبايلات :arrow:

Quote:

7-انت و عامر ماشيين بشارع من الشوارع و خلينا نقول شارع الغوطة .. بتفوت انت على سوبر ماركيت مشان تشتري باكيت سيجارة . عامر بيوقف لحالو و بتمر بنت بسمعها كلام و بلطشها ... بتطلع انت و بتكملو المشي و بعد شوي بتشوف انت بنت قرايبتك ... بتترك عامر انت شوي و بتقرب منها مشان تسلم عليها و أول جملة بتقلك اياها هادا رفيقك يلي عم تمشي معو سمعني كلام بخجل .. يا تر ى شو بتقلها و شو بتقول لعامر ؟؟

اول شي انا ما بطلع من الحارة الا و معي دخان :mrgreen:

!! ثانيا عامر ما بيلطش (انا ممكن)

!!و انا ما بسلم على قرايبيني بالطريق

!! بعد كل هالأفكار يلي ضربت سؤالك بقلها للبنت انو هلأ بحكيه و بخليه يعتذر منك، بروح لعند عامر و طبعا انا وجهي احمر بقلوا انو هي قرايبتي و هوي بيشوفني معصب كتير لحالو بيعتذر و نقطة انتهى بس بضل عم متدايق شي ساعة زمن بيعزمني عالعشا بيمشي الحال. :mrgreen:

مشكور اول الشي و الله يعطيك بس انت لما قلتلي رح تحطني بمواقف و مدري شو قلت لحالي اكلت هوا بس يا زلمي و الله كانوا عاديين كتير و شغلة تانية انو يمكن لهلأ ما حدا مقدر قوة علاقتنا ببعض ياما عالم حاولوا يفرقونا بس....
ابراهيم محمد,
و انا قلبي معاك كمان :mrgreen:

سنا,
و متأثر بباب الحارة بأجزائو الأربعة كمان :wink:

Quote:

الك شي تار مع أسامة؟؟؟

سؤال وجيه!!
nano,
سلامتك من الحولان *sla

سحر,
تعيشي و تترحمي

مشكورين جميعا و الله يعطيكن العافية
*ورود

Latest Posts

Osama يجلس على كرسي الاعتراف ...