دكتور أول شي السلام عليكم وأدامكم الله ذخرا لجامعتنا الحبيبة ثانيا انا قدمت مادة طرائق التدريس مرتين وبالمرتين كتبت ,بس كانت اجوبتي مو زيادة , وبعرف انو رح ارسب .بس السؤال يادكتور انو بالدورتين انا اخدت علامة الصفر.انا ماعبشكك فيك ولا بتصحيحك بس مجرد سؤال انو اذا الطالب اخد صفر شو بيكون السبب.وادامكم الله

اهلا و سهلا
علامة الصفر تعطى بالحالات التالية: - الخروج عن الموضوع بالاجابة (و هو السبب الاكثر شيوعا) يعني انو تكون الافكار و خاصة الرئيسية غلط او ما الا علاقة بالموضوع. مثلا الدورة السابقة كان السؤال عن مشاكل تعلم مهارة الاستماع و اللي كاتب عن مهارة التحدث بياخد صفر لانو خرج عن السؤال
- اذا كان مكتوب على الورقة اي علامة او استعطاف او كلام لا يليق او ما الو علاقة بالمقرر (و ليس فقط بالاجابة) و هل الشي منصوص عليه قانونا و عادة بهل الحالة ممكن الطالب ينحرم دورتين (حسب الحالة طبعا)
- اذا كانت الاجابة غير كافية لتكون اجابة وافية صحيحة (مثلا اذا كان سؤال عليه اربعين علامة ما معقول تكون اجابته 3 اسطر الا اذا المدرس محدد تصريحا انو 3 اسطر)

تحياتي

شكرا لكم دكتور