فـلـك Citer:
الحمد الله نحنا بنات...
مبروك الكرسي اول شي...وانشاء الله تكون مرتاح..
يكتر خيرك والله نبهتيني اعتبارآ من هاد الرد على كل بنت بتدخل لازم تجيب معها شي طبخة من صنع ايدها حصرآ
والله يبارك بعمرك والحمد لله مرتاح مو مقصر العميد أبدآ
Citer:
1-مطربك المفضل؟
2-مطربتك المفضلة بالنسبة للجمال..وللصوت..
المطرب المفضل صابر الرباعي طبعآ بسمع لكتير غيرو بس هاد بعتبروا التوب عندي
والمطربة المفضلة من حيث الجمال والصوت دينا حايك
Citer:
3-اكتر اكلة مفضلة
4-اكتر اكلة مابتحبها
5-بتدخن؟؟بتأركل؟؟
الأكلة المفضلة الكبة المشوية
ومن جهة الأكلة الي ما بحبها ما في شي بجزم علي بعدم محبتي لألو
وطبعآ بدخن وبأركل بس الأركيلة على الخفيف كتير بعد ما صرت دخن ..
Citer:
6-شو اكتر سيارة بتحب تركبها..
7-اكتر موقف بخليك تعصب
8-اكتر كلمة بتعصبك
أكتر سيارة بحب اركبها أو السيارة المفضلة عندي هي السكودا أوكتافيا والميكان
أما الي بحلم اركبها فهي ال bmw
أكتر موقف بعصبني وقت بكون قدام واحد قليل فهم
وأكتر كلمة بتعصبني كلمة ما بعرف ..
Citer:
9-انت قلت انك سنة تانية ولازم تكون متخرج؟؟ليش عم ترسب؟ظلم ولا قلة دراسة؟
السببين معآ لأنو مافيني اعتبر حالي من الطلاب المجدين .. والظلم موجود وما في طالب جامعة ينكر وجوده وربما يكون مختلف من كلية لأخرى أو من مادة لأخرى
بس بشكل عام طلاب الأداب مظلومين يا حراام
Citer:
10-مين بتخاف يسألك عالكرسي..ولا تقلي ثائر..لانو الأغلب لما بينسأل هالسؤال بقول ثائر..
ما بخاف من حدا حتى ثائر ما بخوفني .. أنا بخوفو
Citer:
11-شو رأيك بأرتين..
12-شو مفهوم الغيرة عندك...
أرتين اذا بدي ابدا بالحكي عنو ما بخلص لبكرا لأنو بعتبروا بيتي الوهمي بالنت
وبالنسبة لمفهوم الغيرة بعتبرها جزء من الحب الحقيقي ولكن يجب أن تكون ضمن حدود يرسمها كلآ من الطرفين
Citer:
13-شأد بتصرف باليوم..
14-قبل ماتنام بمين بتفكر..
مافي شي محدد يومي للمصروف بس اذا بدنا نحسب كمعدل وسطي 1000 ليرة بس طبعآ مو الكل مصروف شخصي
وقبل ما نام بفكر ببكرا بس بكرا البعيد عن الغد ومافي شخصية محددة فكر فيها كل يوم قبل النومبس معظم الأيام بفكر بأقرب الناس لألي
لا تسأليني ليش الوردة لأنو اذا ما حطيتها باكل قتلة
Citer:
15-اكتر مكان بتحبو بجامعة البعث..
جنينة الآداب أكتر شي وفي مناطق محددة فيها
Citer:
اسئلة كتيرة...اسفة عالاطالة..
بس لي عودة..
ولا يهمك وأهلا وسهلا فيكي بأي وقت بس لا تنسي الطبخة المرة الجاي