أنس الدالي,
Citer:
بلمس فيك الطموح العالي والي ما بيقف عند حد معين ..
بس ما بحس بأنك عم تعمل شي مفيد لتحقق هالطموح وبشعر بأنك بتعشق حياتك هيك ..
بالرغم من أنك بتحاول بس بتكون كل محاولاتك تشابه بعضها البعض بالرغم من أختلاف الطرق ..؟
فما هو ردك على هالموضوع ..؟
هون حطنا الجمال:
أنا يا حبيب متل ما قلت طموحي عالي كتير...ومتل ما ذكرت مسبقا بحب كون غير الكل وكون مميز بكلشي حتى الطموح:
وأنا عمبعمل كتير لأجل هالشي..بس في عوائق كتيرة..
الأسباب لعدم تحقيق أي هدف مرجو لحد الآن..هو التمسك ببعض المبادئ يلي ما بغيرها...
ما بحب اني حقق أي شي على حساب الآخرين أو بطرق غير شرعية
في قدامي كتير فرص بتخليني حقق يلي بدي بدي يا بس مارح كون مرتاح لأنو تحقيقها رح يكون مو متل ما أنا بحب....
مشان هيك بتلاقي محاولاتي متشابهة لأنها بتصب بهدف واحد ما بتراجع عنو..
بحب الإجتهاد الشخصي كتير كتير......
وهلق خلصنا من هدا السؤال..هات غيرو
نورت يا حبيب القلب
Basil,
ويلكم برجوعك يا غالي:
Citer:
*دخلت ترجمة.. ليش؟ و هل انت مقتنع فيها؟؟
بعمري مادخلت بمجال بشي ماني مقتنع فيه,,الترجمة بحبها..بس مقصر بحقها كتير..
Citer:
*احمد, انسان عاطفي... و دمعتك رقيقة و انا بعرف هالشي. و مو بس رقيقة و صادقة كمان.. الله لا يجيب الهم
سؤالي:
ع شو اكتر شي بتبكي؟؟
دمعتي دائما موقفة على تغميضة ورفة من عيوني...
بحبسها كتير وأي موقف مؤلم صغير كان أو كبير بخلني اشعر اني عمببكي بس بدون دموع....أحيانا بجبر حالي على تنزيل الدموع مو مشان شي بس هيك بظن انها بتعطيني دافع للإستمرارية...
بس قليل كتير انو حدا يشوف دموعي....
Citer:
*بتحس حالك انسان سعيد بحياتك؟ و ليش ؟
وجود العالم يلي بحبن ويلي بيهموا عليي فورا...
Citer:
*شو اكتر شي بتحبو بحالك؟
أكتر شي بحبو بحالي اني محبوب من قبل كتير عالم
ومافي ولا انسان بيكرهني...الحمد لله على هالنعمة
Citer:
*انت مع الزواج المبكر؟ مع التعليل
اذا توافرت الشروط اللازمة..أنا معو وبشدة كمان
Citer:
*فكرت شي مرة بالانتحار؟؟ ليش ؟ و ايمت؟ و شو هي الاداة؟
لا ابدا ما فكرت بهدا الشي..بس فكرت بالهروب كتير...
Citer:
*اكلتك المفضلة (يلي بتفضل انك ما تاكلها غير من تحت ايديك والدتك -الله يخليلك ياها- )
كل شي طبخ وفيه بندورة..وملوخية وشاكرية مع رز...
Citer:
*بتشوف حالك انسان مضحي.... و عندك مسؤولية.. و هادا الشي يلي بحب فيك. و لاحظتو فيك, يعني بمعنى أصح.. بشوفك شب ناضح و واعي..
سؤالي:
لو هلأ انت شخص مليونير.. وصفلي شخصيتك كيف رح تكون؟؟ رح تضلك تشتغل؟؟ و لا رح تستنى المصاري هي تجي لعندك من ورا شركاتك و لا البنوك؟؟؟ مع الشرح لو سمحت
بعمري ما حلمت اني كون مليونير...بحلم بشي على قدي وبس..
ولو كان معي مصاري كتير صدقني ما بعرف شو بدي اعمل فيها...
بس الشغل استمرارية الحياة قد ما كان معي مصاري رح ضل اشتغل
ووقتها أكيد رح يكون عندي وقت لإتفرغ للكتابة..بهالوقت أنا مستحيل اتفرغ..
نورت يا غالي والله يخليلي ياك...