الــيــوم ( العقل زينة ) على كرســي الاعــتــراف

ثـــائـــر · **Inscrit le:** 02 Mars 2007

عضو بقول كلمتو ولو على قطع رقبتو ...انا مع اني ما بعرفو شخصيا بس بعتبروا صاحب مبدأ

و متل ما بقولو صاحب صاحبو .....

و هاي كرسي مشان يرتاح با القعدة ها لأسبوع

Désolé, vous devez vous inscrire pour voir le lien Si vous êtes membre, il suffit de signer po

و هلأ وجبتي الأولية من الأسئلة رح اكتبها و لاحقا الأسئلة المحرزة :

1- الاسم الكامل ؟
2- عدد أفراد عائلتك ...يعني شو عندك أخوة ..أخوات ؟
3- شو بتدرس و أي سنة ؟
4- الأصل من وين ؟؟يعني مسقط رأسك ؟
5- شو سر حبك لزياد الرحباني ؟

عبيدة · **Inscrit le:** 04 Novembre 2008

العقل زينة

بداايةً بحب إللك ألف ألف مبرووووووك عالكرسي
بس صحي ثائر بدي إسئلك هالبيض مسلوق ولا ني
مشان إزا مسلوق بتم طول مانو آعد بأشر وبياكول :mrgreen:

على كلن هلأ مافي عبالي شي

بس سؤال:
ليش بتحب الفورميلا؟
وكنت بدي إسألك سؤال بس سبأني في ثائر وهوة ليش بتحب زياد الرحباني كتيير

يلا حاجة

وأكييييييييييييييد إلي عودة

تتهنا *Hi

العقل زينة · **Inscrit le:** 22 Novembre 2007

شكرا" أول شي ثائر شو هالكرسي العظيم
اي رح نبلش

ثـــائـــر a écrit:

1- الاسم الكامل ؟

علاء سليمان

ثـــائـــر a écrit:

2- عدد أفراد عائلتك ...يعني شو عندك أخوة ..أخوات ؟

لايوجد

ثـــائـــر a écrit:

3- شو بتدرس و أي سنة ؟

لغة عربية أخر سنة يمكن :mrgreen:

ثـــائـــر a écrit:

4- الأصل من وين ؟؟يعني مسقط رأسك ؟

الأصل من سوريا صافيتا من محافظة طرطوس
5- شو سر حبك لزياد الرحباني
هاد شي كتيير مهم بحياتي يعني في عدة أسباب
من أهمها أنو أعظم موسيقي عربي موجود برأيي
والشي الأهم انو أنسان بيحكي ألي جواتي
بيحكي ألي انا بفكر فيه انت وصفتني أنو أنا صاحب مبدأ وزياد هيك يعني شخص ضالل عند فكرة الموسيقى لأجل الموسيقى وما التحق بالركب الدارج

شكرا" كتيير وأوف أسبوع

العقل زينة · **Inscrit le:** 22 Novembre 2007

عبيدة a écrit:

بداايةً بحب إللك ألف ألف مبرووووووك عالكرسي

شكرا" ضليت وراي حتى صرت عالكرسي

عبيدة a écrit:

بس صحي ثائر بدي إسئلك هالبيض مسلوق ولا ني
مشان إزا مسلوق بتم طول مانو آعد بأشر وبياكول

انا البيض المسلوق أكتر شغلة بكره أكلها

عبيدة a écrit:

ليش بتحب الفورميلا؟

الفورميلا رياضة كتيير حلوة و من أنا وصغير بتابعها بحسا أحلى رياضة في العالم سرعة وأداء وعمل جماعي محدا يستغرب ألي 12 سنة متابع كتيير للفورميلا
شكرا" عبود وان شاء الله جاييك الدور

Hidding Rose · **Inscrit le:** 16 Octobre 2008

العقل زينة,
*Hi

كيف القعدة عالكرسي ....
اجيت باركلك هلأ *ورود

ان شاء الله تكون الاسئلة سهلة :wink:

عندي سؤال واحد هلأ ... ماهو مبدأك بالحياة ؟؟؟
*ورود

العقل زينة · **Inscrit le:** 22 Novembre 2007

Hidding Rose a écrit:

كيف القعدة عالكرسي ....

لهلأ مريحة متل مو مبين

Hidding Rose a écrit:

اجيت باركلك هلأ ان شاء الله تكون الاسئلة سهلة

والله نفدتي يلا المرة الجاي أي لهلأ سهلة شكرا" للسؤال

Hidding Rose a écrit:

عندي سؤال واحد هلأ ... ماهو مبدأك بالحياة ؟؟؟

مبدأي كتيير بسيط
الله عطانا العقل فا لازم نستخدمو ا

Safa alaasi · **Publié:** Sam Mars 14, 2009 11:11 pm

العقل زينة,
مبروك عليك الكرسي ,كالعادة أسئلتي خفيفة نضيفة
1 - ما هو أجمل فن بعد فن الرحابنة برأيك؟(سواء كان عربي أو أجنبي)
2 - لماذا آرتين ؟ ما الذي تراه في هذا المنتدى يلمس شخصيتك ؟
3 - ما هو مجال العمل الذي تحلم به ؟ وما هو مجال عملك الآن ان كنت تعمل ؟
4 - هل تحلم بالدراسات العليا و استكمال طريق العلم أم أنك ترى أن الدراسات العليا ليس لها مستقبل مادي (ما بتطعمي خبز )؟
5 - كيف يكون علاء سليمان في آخر يومه , في صفوه وخلوته , ماذا يفعل ...؟
...................لحد الآن هدول أسئلتي .................. *sla

العقل زينة · **Inscrit le:** 22 Novembre 2007

يعني أسئلة حلوة كتيير شكرا" صفاء

Safa alaasi a écrit:

1 - ما هو أجمل فن بعد فن الرحابنة برأيك؟(سواء كان عربي أو أجنبي)

انا بميل للكلاسيك وخاصة موزارت بعد الرحابنة وبسمع فرقة بحبا كتيير اسما BEE GEES فرقة قديمة بس رائعة

Safa alaasi a écrit:

- لماذا آرتين ؟ ما الذي تراه في هذا المنتدى يلمس شخصيتك ؟

أكيد في أعضاء والغالبية العظمى أكيد حسيت حالي بعرفون من زمان والمنتدى يحتوي على الفائدة فهوي شي مميز

Safa alaasi a écrit:

3 - ما هو مجال العمل الذي تحلم به ؟ وما هو مجال عملك الآن ان كنت تعمل ؟

المجال الذي أحلم فيه هوي التعليم في الجامعة مكان فيه الواحد يستمر بالدراسة وبميل العمل بمجال اللغات كتيير
و ما بعمل الأن اي شي بس طالب

Safa alaasi a écrit:

- هل تحلم بالدراسات العليا و استكمال طريق العلم أم أنك ترى أن الدراسات العليا ليس لها مستقبل مادي (ما بتطعمي خبز )؟

أكيد الخبز وسيلة للحياة وليس غاية

Safa alaasi a écrit:

5 - كيف يكون علاء سليمان في آخر يومه , في صفوه وخلوته , ماذا يفعل ...؟

بكون عموما" رايق عادة شو ماكان نهاري أخر اليوم بروق أكتر شي بحب اشتغلو حط فيروز وخصوصوا" سيدي ولاكيف وطفي الضو واسرح مع الأغاني

شكرا" كتيير صفاء أسئلة مميزة تنم عن شخصية مميزة

ناطر أسئلتك كمان

Hiba · **Inscrit le:** 02 Mars 2007

1- شو الهدف من اسمك المستعار (العقل زينة )......

2-شو بيعنلك فن زياد الرحباااني........

3- شو قصدك بتوقعيك ......

4- شئد بتعطي نسبة حكم ع الشخص من الخارج.........

5- برايك في جدوى للغة التفاهم هل الايام .......

6-شو رايك بالشخص المتناقض (بيتمسخر ع شي وبساوي بنفس الوقت )

7- ما هو رايك بجيل شبابنا هذه الايام (وشو بتقولهم نصيحة)......

تقبل مروري