اللهم لا شماته .... ثـــائـــر على كرسي الاعتراف جالساً !!

الملاك · **Publié:** Jeu Nov 20, 2008 10:07 pm

ولأنو عجبتني كتير اجابتك على اسألتي بتجيك الدفعة التانية توديعة :mrgreen:

1- قلت أنو اسمك بعبر عنك..وأنت اسمك ثائر..فعشو ثرت وكيف ثرت؟..وهل تحمل الجانب العنيف من الثورة أما ثورة ذاتية داخلية تثور فيها على نفسك؟
" يعي باختصار بتصير الحرب جواتك ولوحدك بتحس فيا؟"
2-

Citer:

هل تعيروني بضع دقائق من حياتكم ... فأنا من سيهب كل زمانه لكم ....
السلام عليكم ورحمة الله و بركاته ..... اما بعد .....

مانك ملاحظ انك رح توهب حياتك لجمهور؟ يعني لناس بيحضرولك هلأ وبيطلعوا مشان يحضروا لغيرك؟
يعني أنت ما كتير بتهمن...فأكيد بالتبادل ما بهموك كتير...فليش اللعب بالألفاظ وتقول انك رح توهبن حياتك؟؟؟؟؟؟؟؟؟؟؟
"أنا مع اعجابي بروعة ألفاظك وجمال اختيارك للكلمات..بتعجب من المبالغة :shock:

"

3-

Citer:

بصراحة هن حكمتين و انا يلي مألفهم
- امحي من قاموس حياتك كلمة : مستحيل

يا ثائر...أنت أول واحد بالدنيا عذبتو كلمة مستحيل...وكان حبك مستحيل :arrow:

فهل أنت حالياً تؤمن بهالمثل "لأنو مانا حكمة :arrow:

" أما لمجرد انك ألفتا وبتحبا ذكرتا هون؟

4-

Citer:

نزار : صاحب القلب الطيب ... الباحث عن حب حتى لو كان مزيف ..

وشو كانت نصيحتك إلو؟ وكيف وقفتك معو بهيك بحث على اعتبار انو صديقك وبما أنك فعلاً قدوة لرفقاتك؟
ولسبب مهم..انك قلت انك فيك تفوت لقلب الناس وتحس فين..بقا بيوثقو برأيك :arrow:

5- أنت ما جاوبت شادي عن اسم العضو اللي بتخاف أنو يسألك...فأنا بكرر سؤال شادي :wink:

6-

Citer:

ثقة الناس يلي حواليه فيه .. و ثقتو بنفسو كمان ... و يحكي الكلمة ما يتراجع عنها

أنت كتبت انو هدول برأيك مواصفاة الرجل.عند هالمرحلة منسمي الذكر رجل
ويقال بأن سن الرجولة هو سن التلاتين...وسن النضج هو الأربعين
وكلنا منعرف أنو في ناس بتسبق عمرا..وفي ناس بتكبر وبتضل من جوا "طفل"

فأنت يا ثائر حسب عمرك ونضجك وتجاربك...طفل أم شب أم رجل؟
7-

Citer:

يَاغَرَاماً كَانَ مِنّي في دّمي .............. قَدَراً كَالمَوْتِ أَوْفَى طَعْمُهُ
مَا قَضَيْنَا سَاعَةً في عُرْسِهِ .............. وقَضَيْنَا العُمْرَ في مَأْتَمِهِ

أنت بتبهرني وقت بتقتبس أبيات شعر...اقتباسك الأول لامرؤ القيس وهلأ لابراهيم ناجي رفعك بنظري أكتر
فسؤالي..بيرتفع الانسان بنظرك وبينزل حسب مكانتو من الشعر؟؟؟؟؟؟؟؟ :arrow:

" ما بالضرورة يكون بيكتب...ممكن يكون متذوق...متلي :oops:

"
8-
سؤالي التامن أنو ثائر رسب بالبكالوريا واللي بعدا طلع الأول على عمر وبعدا رسب بالتانية :shock:

شو اللي بأثر على دراستك ثائر؟
طيش الشباب؟
الحب؟
أما شي أنا ما بعرفو؟؟؟؟؟؟؟؟؟؟ :?:

9- هلأ سؤالي إلك أنت كمشرف هالقسم ممكن تحذفو لو حسيتو كشف أشيا أصحابا بدن يخبوا :arrow:

من فترة حسيت واحد من رفقاتك حب بنت من المنتدى...وأنا لاحظت أنو ردودك أنت عليا دائماً عم تكون أكبر وأهم وأميز من ردود رفيقك نفسو
فهل؟؟؟؟؟؟؟؟؟؟؟؟
هل ذلك بسبب كونك خايف على حبن وحاسس نفسك عرّابن؟
هل خايف على مشاعر رفيقك تنجرح بيوم متل ما انجرحت مشاعرك ولهالسبب حاضن حبن بكل قوتك؟
هل سبب دعمك الدائم لهالبنت لتحسسا بأنو حب حبيبك إلك كبير لدرجة أنو رفقاتو كمان بحبوكي؟
طيب
ساعدتن ليعرفوا بعض؟
بتنصحن؟
شو مكانتن منك وشو مكانتك منن؟

10- حكيت عن بنت بالمنتدى بتعبر عن صوت العقل بداخلك..فبتلجألا بعد الله..
ثائر وين بكون عقلك بهيك لحظات؟
كيف جمعتك الصدف مع انسانة قدرت تفهم أنو ثائر قلب وعقل ولكنة في حالات الحب قلب فقط واختارت أن تكون عقله؟
لأي مدى بتوثق برأيا؟ ولأي مدى بتنفذو؟

11- على الرغم من وجود جوانب كتير بشخصيتك...كأي انسان
وأكيد إلك مواقف من المجتمع ومن السياسة..ومن الدراسة ومن العيلة ومن علاقات انسانية
بس عندك جانب الحب بيطغى على كلشي...وبحسك "عرّاب الحب"فحل احساسي صحيح؟

12- أمك
أنت عشت تجربة عنيفة مع الحب...وأكيد أثارا ظهرت عليك بالبيت
فشافت أمك تلفونات ورفقات ويمكن هدايا....يعني كانت على اطلاع
بس بما أنك مريت بأيام صعبة
فهل شافت دمعتك؟
عرفت انك كنت تبكي بسبب الحب؟
تمرض بسبب الحب؟
شو كان موقفا؟ ولأي مدى تأثيرا؟ كنت تسمع كلاما أما لأ؟
أنت كنت تحكيلا أما تكتفي باللي هي تشوفو وتلاحظو؟
كانت تقلك لأ ممنوع تروح..واي مسموح تطلع وتمارس دور أي أم ؟ أما تركتك لعنفوان شبابك وحرب حبك؟
سمعتا شي مرة عم تتناقش هي وأبوك بموضوعك؟؟ :arrow:

يلا ثائر بكفو هدول بما أنو آخر يوم ولازم تلحق تجاوب :mrgreen:

بس بهمني أعرف شو ما انسأل واسأل :wink:

لهيك تركت الفرصة لغيري :mrgreen:

بس ما كون تقلت دم عليك...أنا ما عندي بمكانتك تنين

موفق

الملاك · **Publié:** Jeu Nov 20, 2008 10:12 pm

على فكرة أنا حطيت أسألتي بالموعد الصحيح بس بسبب سوء الاتصال راح الرد

وعدتو أكتر من مرة...وما شفتو إلا هلأ
فأطالب بحقي الكامل باعتبار الأسئلة

ثـــائـــر · **Inscrit le:** 02 Mars 2007

الملاك,

أسئلتك على العين و الراس ..و رح تجاب الليلة ان شا الله ...

Hidding Rose · **Inscrit le:** 16 Octobre 2008

ثــــــــــائر .... الله يعينك على هالكم سؤال اللي بقيانين... بصراحة كانت اجابتك عالاسئلة رائعة جدا ..
كنت حابة اسألك كام سؤال.......
1- سبقتني عليه الملاك وهو السؤال (12)

2- قلت انك أحببت و بجنون.. هل كانت حبيبك تبادلك نفس المقدار هذا من الحب ام ان عشقك لها كان الاعظم و الاكبر ؟؟ يعني.. الى اي مدى كان هذا الحب متبادلا؟؟

3- ذكرت انكما افترقتما ( هي التي تركتك)... -برأيي الحب اسمى و اكبر من كل الظروف-.. اذا هل تعتبر انها كانت تعشقك فعلا ؟؟ اذا.. لماذا قررت ان تتركك ؟؟ هل تعتبر حبكما كان حبا كاملا حقيقيا ..ام انك تصفه بذلك تعبيرا عن مشاعرك بغض النظر عن مشاعرها هي ؟؟
4- على اعتبار ان الحب الحقيقي هو الذي لا تلازمه اي كلمة اخرى او شائبة (متل بحبها بس....)فان لازمته لم يعد ذلك الحب .. مارأيك بذلك؟؟

5- متل ما فهمت انك اخترت حبيبتك ع اساس الجمال فقط هل تعتبر هذا صحيحا ؟؟ و هل تعتقد انك ستوفق دائما بهذا المعيار للاختيار ؟؟

6- بحكم خبرتك و تجربتك ... متى تصدر الحكم على نفسك(او اي شخص اخر) بانك عاشقا ؟؟ و الى اي مدى يؤثر هذا على تغيير مجرى حياتك .. و كيف ؟؟

7- هل تعتقد ان ما نراه بالجامعة من علاقات ( التي يسمونها حب) تسمى حبا ( اقصد الحب الذي تحدثت انت عنه الذي هو اسمى و اقدس شيء) و ما نسبة هذه العلاقات التي تعتبر حبا فعلا ؟؟

ان شاء الله ما كون تقلت عليك بالاسئلة
لك مني كل الاحترام

زمردة · **Publié:** Ven Nov 21, 2008 4:11 am

ثـــائـــر,
ماشاء الله الأعضاء ماخلوا سؤال إلا و سألوه
موفق إن شاء الله بحياتك و كل انقلاب و انتي بخير :mrgreen:

ثـــائـــر · **Inscrit le:** 02 Mars 2007

الملاك,

Citer:

1- قلت أنو اسمك بعبر عنك..وأنت اسمك ثائر..فعشو ثرت وكيف ثرت؟..وهل تحمل الجانب العنيف من الثورة أما ثورة ذاتية داخلية تثور فيها على نفسك؟
" يعي باختصار بتصير الحرب جواتك ولوحدك بتحس فيا؟"

النوعين ... يعني بثور على نفسي اذا كانت على غلط ..متل ما صار معي لما تركت يلي بحبها ...
و بثور على العالم الخارجي يلي حولي ... يعني باختصار .. انا عندي نوعين من الثورة ...
ثورة داخلية بتعبر عني .. و بتكون بيني وبين نفسي ...
ثورة خارجية . و هي بتظهر لما حدا بيغلط معي ..او بدسلي على طرف ..

Citer:

اقتباس:
هل تعيروني بضع دقائق من حياتكم ... فأنا من سيهب كل زمانه لكم ....
السلام عليكم ورحمة الله و بركاته ..... اما بعد .....

مانك ملاحظ انك رح توهب حياتك لجمهور؟ يعني لناس بيحضرولك هلأ وبيطلعوا مشان يحضروا لغيرك؟
يعني أنت ما كتير بتهمن...فأكيد بالتبادل ما بهموك كتير...فليش اللعب بالألفاظ وتقول انك رح توهبن حياتك؟؟؟؟؟؟؟؟؟؟؟
"أنا مع اعجابي بروعة ألفاظك وجمال اختيارك للكلمات..بتعجب من المبالغة

لا تنسي انو الوقت هو اثمن ما يملك االانسان و لما حدا بيعطيني شوي من وقتو ..اكيد رح كون ممنون كتير .. و رح اهبهم اكتر من وقتي كمان ...
و لا تنسي انو أكبر مطرب بالعالم .يلي علو مطرب كبير هن جمهورو ...
و أكتر ممثل محبوب مشهور با العالم يلي شهروا هن الجمهور يلي عم يتابعو ..
و أعظم رئيس في العالم ..يلي عملو شعبو ...

Citer:

بصراحة هن حكمتين و انا يلي مألفهم
- امحي من قاموس حياتك كلمة : مستحيل

يا ثائر...أنت أول واحد بالدنيا عذبتو كلمة مستحيل...وكان حبك مستحيل
فهل أنت حالياً تؤمن بهالمثل "لأنو مانا حكمة " أما لمجرد انك ألفتا وبتحبا ذكرتا هون؟

لا ..انا بؤمن فيها .. انا كان حبي مستحيل صح ... بس انا عملت المستحيل .. و دققي على كلمة مستحيل .. انا يلي بؤمن فيه عملتو و ما خذلني .. و هو اني لا أؤمن با المستحيل ... بس لما أعلنت حبيبتي انها رح تمشي بغير طريق ... ماعاد ينفع معها حتى المستحيل ...

Citer:

نزار : صاحب القلب الطيب ... الباحث عن حب حتى لو كان مزيف ..

وشو كانت نصيحتك إلو؟ وكيف وقفتك معو بهيك بحث على اعتبار انو صديقك وبما أنك فعلاً قدوة لرفقاتك؟
ولسبب مهم..انك قلت انك فيك تفوت لقلب الناس وتحس فين..بقا بيوثقو برأيك

انا ما قلت اني وقفت معو ... انا قلت انو هو عم يبحث عن الحب ..حتى لو كان مزيف ..يعني هو انسان عندو نقص با العاطفة و من النوع يلي ما بيحكي مع بنات نهائيا و بحياتو ما حكى مع بنت .. و لما فات عا الجامعة و شاف الجو ... و تغيرت نظرتو شوي و مع ها الشي ما قدر يحكي مع بنات لانو ما عندو ها العادة اوبالاحرى بيخجل .. و لما قويت علاقتنا انا و اياه ..شاف ها الكم الهائل من الرفقات البنات الموجودين بحياتي . تغيرت نظرتو و حب انو يجرب انو يحكي مع الجنس الآخر . بس للأسف عدم خوضو بهيك تجارب من قبل ... خلا عندو شي اسمو . ( الحاجة الى الحب ) و هادا الشي يلي عم بصير ... و انا عم قوم بدوري على اكمل وجه ..و لا يهمك ..رفيقي وبعرف مصلحتو كتير منيح ...

Citer:

5- أنت ما جاوبت شادي عن اسم العضو اللي بتخاف أنو يسألك...فأنا بكرر سؤال شادي

الملاك ...

Citer:

ثقة الناس يلي حواليه فيه .. و ثقتو بنفسو كمان ... و يحكي الكلمة ما يتراجع عنها

أنت كتبت انو هدول برأيك مواصفاة الرجل.عند هالمرحلة منسمي الذكر رجل
ويقال بأن سن الرجولة هو سن التلاتين...وسن النضج هو الأربعين
وكلنا منعرف أنو في ناس بتسبق عمرا..وفي ناس بتكبر وبتضل من جوا "طفل"

فأنت يا ثائر حسب عمرك ونضجك وتجاربك...طفل أم شب أم رجل؟

انا عمري 21 سنة .. بس شايف الدنيا بنظر رجل فوق الاربعين .. من حيث بعد النظر .. و الوعي .. و فهم الحياة ...

Citer:

يَاغَرَاماً كَانَ مِنّي في دّمي .............. قَدَراً كَالمَوْتِ أَوْفَى طَعْمُهُ
مَا قَضَيْنَا سَاعَةً في عُرْسِهِ .............. وقَضَيْنَا العُمْرَ في مَأْتَمِهِ

أنت بتبهرني وقت بتقتبس أبيات شعر...اقتباسك الأول لامرؤ القيس وهلأ لابراهيم ناجي رفعك بنظري أكتر
فسؤالي..بيرتفع الانسان بنظرك وبينزل حسب مكانتو من الشعر؟؟؟؟؟؟؟؟
" ما بالضرورة يكون بيكتب...ممكن يكون متذوق...متلي "

لا ..بحياتي ما قيمت حدا بمستوى ثقافتو الشعرية .. او مواهبو الكتابية ..او تذوقو للشعر و القصائد ..برأيي في أشياء أهم بكتير من الشعر بخلو الانسان يرتفع و ينزل بنظرنا ...

Citer:

سؤالي التامن أنو ثائر رسب بالبكالوريا واللي بعدا طلع الأول على عمر وبعدا رسب بالتانية
شو اللي بأثر على دراستك ثائر؟
طيش الشباب؟
الحب؟
أما شي أنا ما بعرفو؟؟؟؟؟؟؟؟؟؟

الحب نتيجة لاختيار خاطئ ..

الي رجعة للاجابة على بقية الأسئلة ...بس و الله نعست كتيير .. *Hi

عبدالله · **Inscrit le:** 28 Septembre 2008

يالله يا ثائر إنتي جد إنسان رومنس *good

Lina · **Inscrit le:** 29 Mars 2007

رجعت أنا

ثاااااااااااااااائر
عندي لسه كم سؤال:
اذا قالولك انو هلا رح توقف دقيقة مع أهم شخصية عالمية(بهي اللحظة وانت قاعد محلك)شو ممكن يكون شعورك؟؟؟
شو رح تقول لهالشخصية بهالدقيقة بس.....
-طيب شو شعورك لو كانت هي الشخصية هي الرسول عليه الصلاة والسلام؟؟؟
-شو ممكن تقلو بدقيقة؟؟؟
-طيب شو أحلى لحظة بحياتك سواء بالماضي أو هلا يللي بتحس انو بدك الزمن يوقف عندا؟؟؟
-مين أقرب انسان لقلبك؟؟؟أخوك,أمك أبوك؟؟؟أختك؟؟؟مين؟؟
:?:

-شو رأيك بلينا؟؟؟ :mrgreen:

ابراهيم محمد · **Inscrit le:** 15 Septembre 2007

طولو بالكون شو خلص ما خلص

أنا لسا ما اجا دوري

مشان هيك أنا هلأ بدي اسأل

شو مشانك يا غالي معليش أسألك كم سؤال

وبما انو انت موافق يلا مع الاسئلة

1- أنا من لما كانت بانة على الكرسي من قبلك سألتا سؤال وجوابا كان ظريف أكتر من انو يكون منطقي لذلك رح شوف شو ممكن اجابتك تكون على هيك سؤال
السؤال هو: انو لو منحوك الموكا لمدة خمس دقائق والشي اللي رح تحكي رح يسمعوا كل العالم من دون استثناء شو ممكن تقول بهالوقت القصير؟؟

2- شو هي الآية الكريمة اللي انت دائماً بتحطا نصب عينيك وبتقتدي فيها ( طبعاً القرآن الكريم كلو قدوة) بس إلا ما يكون في آية معينة بتخطر على بالك كتير وشو بتعنيلك هالآية

3- بعد ما ترك توأم روحك شو الايجابيات وشو السلبيات اللي صارت بحياتك وليش كانت الايجابيات ايجابيات وليش كانت السلبيات سلبيات؟

4- النت ,,, شو الطموح اللي انت حابب انك توصلو من خلال النت وهل ممكن انو يكون عندك هدف معين رح توصلو عن طريق النت وشو أول شي بتعملو انت أول ما تشبك نت واذا فتحت المسنجر مين أول شخص بتفتقد وجودو أون لاين

5- مين العضو اللي رح يورث الكرسي من بعدك هل يا ترى ممكن انو يكون من الي اجتمعوا حتى يحطوك على الكرسي أو ممكن يكون شخص محايد

يلا أنا هلأ خلصت أسئلة وانشا الله تكون خفيفة ولطيفة

بتمنالك التوفيق يا غالي

تحياتي

ثـــائـــر · **Inscrit le:** 02 Mars 2007

Citer:

9- هلأ سؤالي إلك أنت كمشرف هالقسم ممكن تحذفو لو حسيتو كشف أشيا أصحابا بدن يخبوا
من فترة حسيت واحد من رفقاتك حب بنت من المنتدى...وأنا لاحظت أنو ردودك أنت عليا دائماً عم تكون أكبر وأهم وأميز من ردود رفيقك نفسو
فهل؟؟؟؟؟؟؟؟؟؟؟؟
هل ذلك بسبب كونك خايف على حبن وحاسس نفسك عرّابن؟
هل خايف على مشاعر رفيقك تنجرح بيوم متل ما انجرحت مشاعرك ولهالسبب حاضن حبن بكل قوتك؟
هل سبب دعمك الدائم لهالبنت لتحسسا بأنو حب حبيبك إلك كبير لدرجة أنو رفقاتو كمان بحبوكي؟
طيب
ساعدتن ليعرفوا بعض؟
بتنصحن؟
شو مكانتن منك وشو مكانتك منن؟

خايف على رفيقي من جرح مشاعروا ... رفيقي عاشق بكل معنى الكلمة ..
اذا بقلك انو با البداية انا كنت ضدو بس لما شفت انو في حب حقيقي بقلبو .. و شفت الحب يلي بقلب البنت يلي بحبها .. قررت اني وقف معو و ساعدو ساعدو بأي شي بيطلبو مني ...
طبعا بنصحو الو ... و هي بحاول اني اقسى عليها با الكلام و حسسها انو انا خايف على حبها لالو و هي رح تكون زعلانة اكيد و حتى يمكن تكون كرهانتني ..بس لما رح تعرف مكانة رفيقي عندي .. انا متأكد من حبها ..بس بحكي هيك مشان هي تعرف انو في ناس معو و مانو لحالو .. و رح ابقا حارب و دافع عن حبهم لآخر لحظة ... و انشا الله يكونو مكتوبين لبعض يا رب ..

Citer:

10- حكيت عن بنت بالمنتدى بتعبر عن صوت العقل بداخلك..فبتلجألا بعد الله..
ثائر وين بكون عقلك بهيك لحظات؟
كيف جمعتك الصدف مع انسانة قدرت تفهم أنو ثائر قلب وعقل ولكنة في حالات الحب قلب فقط واختارت أن تكون عقله؟
لأي مدى بتوثق برأيا؟ ولأي مدى بتنفذو؟

انا لما كنت فاقد القدرة على التفكير . كنت حاول اني دور على بصيص امل صغير يرشدني و يدلني على طريق الصواب
لما بتتكاتف الغيوم بالسما و بتغطي ضو الشمس .. بتلاقي الشمس عم تحارب و تجاهد لحتى تخرج ضوئها من بين الغيوم .. و بالنهاية بيطلع خيوط حلوة و قوية بنفس الوقت .... انا مابنكر فضلها علي من بعد ربي ..
يلي جمعني فيها هو موضوع كرسي الاعتراف تبع السنة الماضية لما انا انحطيت فيه
و اما اني بوثق برأيها .. هي عندها اخطاء كتير .. بس بشكل عام ساعدتني .. بجوز وقتها انا ماكان عندي لفكر ..لذلك حسيتها انها هي أكبر عقل و اتخذتها مكان عقلي ..بس لما رجعلي عقلي ... يعني في سلبيات اكتر من الايجابيات ....
بس مابنكر فضلها ... الله يوفقها بحياتها يا رب ..

Citer:

11- على الرغم من وجود جوانب كتير بشخصيتك...كأي انسان
وأكيد إلك مواقف من المجتمع ومن السياسة..ومن الدراسة ومن العيلة ومن علاقات انسانية
بس عندك جانب الحب بيطغى على كلشي...وبحسك "عرّاب الحب"فحل احساسي صحيح؟

صح .انا عراب الحب ...

Citer:

12- أمك
أنت عشت تجربة عنيفة مع الحب...وأكيد أثارا ظهرت عليك بالبيت
فشافت أمك تلفونات ورفقات ويمكن هدايا....يعني كانت على اطلاع
بس بما أنك مريت بأيام صعبة
فهل شافت دمعتك؟
عرفت انك كنت تبكي بسبب الحب؟
تمرض بسبب الحب؟
شو كان موقفا؟ ولأي مدى تأثيرا؟ كنت تسمع كلاما أما لأ؟
أنت كنت تحكيلا أما تكتفي باللي هي تشوفو وتلاحظو؟
كانت تقلك لأ ممنوع تروح..واي مسموح تطلع وتمارس دور أي أم ؟ أما تركتك لعنفوان شبابك وحرب حبك؟
سمعتا شي مرة عم تتناقش هي وأبوك بموضوعك؟؟

انا من النوع يلي ماحدا بعارضني با البيت ..لا امي و لا ابي ...
و انا بتعرفني منيح اني بلحق قلبي بكلشي ... و لما شافتني فلا حبيت .. وقفت معي با البداية و هي يلي طلبتلي ايديها ... بس لما حست انو فعلا بلش القلب يحترق .. و بلش ثائر يفقد قدرة التفكير با لعقل .. حاولت انو تتدخل و تنصح .. بس اكيد ماقدرت تأثر و لا واحد با المية لا هي و لا ابي .. و لا اي انسان .. ولما تركنا بعض .. نحنا يلي تركنا ..و ما حدا كان الو علاقة ..

Latest Posts

اللهم لا شماته .... ثـــائـــر على كرسي الاعتراف جالساً !!