الـــيـــوم بـــانـــة على كــرســي الاعــتــراف

Mazen Aloush · **Inscrit le:** 28 Septembre 2008

بــــانــــة

منورة الكرسي والله
أنا ما رح أسئلك شي
بس العتب على اللي دورو أسبوع الجاي :mrgreen:

ثــــــــــــــائر

:mrgreen:

Osama · **Inscrit le:** 09 Octobre 2008

يا حرام عليكن ......... بتريدوا الله يحطكن محلها؟؟؟؟؟
انت ثائر قاعد عم تبكي مشان ما تنحط ع كرسي الاعتراف هيك اسئلة بتنسأل؟؟؟؟ يعني لا تنسى انو الأسبوع الجاي دوووووووووووووورك اتقي الله

بانة انا سؤالي خفيف نضيف
شو بدك تساوي بثائر لما بينحط عل الكرسي؟؟؟؟

أحمد الدالي · **Publié:** Dim Nov 09, 2008 5:07 am

أنا بحب اسأل بس سؤال :mrgreen:

يا ترى بتحبي شي إسمو تحليل الشخصية ..وبتحبي تبدعي بها المجال
أو إنو ما عندك إهتمام بهيك شي؟؟ واذا كنت بتحب هالشي شخصية مين بتحب تحللي من الأعضاء وبصراحة تامة ؟؟؟ *ممم

ومارح قلك مبروك الكرسي مشان ما جيب نقوط :mrgreen:

بــانــة, *Hi

Safa alaasi · **Publié:** Dim Nov 09, 2008 6:31 am

سؤالي محرج بس ياريت تجاوبي بصراحة
هل انتي ممكن تعشقي حدا من المنتدى من عدا ما تشوفي ولماذا؟
وتقبلي مروري الصريح :mrgreen:

بانة · **Publié:** Dim Nov 09, 2008 10:58 am

كندا,

Citer:

لك لك شوهالكرسي
ياقلبي عليكي خليكي واقفة احسن

قللي ثائر إنه هذا لازم يكون من نصيبك .. :mrgreen:

((صايرة فسادة :shock:

))

Citer:

شواللون يلي بتحبيه

اللون اللي بحبه هو اللون الاخضر ..... إلي ذكريات حلوة معه *sla

Citer:

تتهني اذا عذبك ثائرقليلي بشان نعمل انقلاب تاني

لا ثائر حباب

بانة · **Publié:** Dim Nov 09, 2008 11:12 am

Opeth,

Citer:

ماشي اجا دور الغليظ ...............

لا ولو ......... أهلا وسهلا

Citer:

بانة شو هدفك بالحياة , ولاي مرحلةحابة توصلي

هدفي بالحياة إني أقدر افتح عيادة إما علاج نفسي أو إرشاد نفسي :idea:

.. بس الطريق لهيك شي غير معروف تماما عندنا بسورية ...

Citer:

و برايك اذا تزوجتي و انشالله هالحديث بصير طبعا هادا الشي اذا انتي حابي ممكن تتوقف احلامك ...؟؟؟؟؟

حلمي مو صعب ومو بعيد وممكن جدا تحقيقه بمساعدة زوجي

... ولازم يكون هو داعمني بهالشي :wink:

Citer:

الارشاد النفسي انتي برايك هوي فرع اخد حقو بجامعاتنا و ليش

لا والله ابدا..... النسبة لليش لانه ناقصنا كتيييييييير .. عد معي :
اولا الكتب قديمة كتير يعني بصراحة نفس الكتاب اللي انا هلق عم بدرسه درسه البابا من 30 ... يعني معقول من حوالي ال30 سنة ما تغير شي بالمعلومات وما تطور شي :roll:

و

Citer:

الوظيفي اللي يعطيكي ياها تخصصك بترضي طموحك.؟؟؟؟

ابدا ابدا أبدا

شكرا ع اسئلتك

بانة · **Publié:** Dim Nov 09, 2008 7:35 pm

أسيل,

Citer:

شورأيك بصهر البيت؟؟؟وليش..؟

إنشالله كون فهمت المصطلح صح :mrgreen:

وبناء على فهمي رح جاوبك :
صهر البيت :هو أن الزوج يسكن مع زوجته عند بيت اهلها ,,,
انا رح جاوب على هذا السؤال إعتماد على قصتين سمعتهم :
الأولى :
الزوج يسكن في بيت أهل الزوجة كحالة مؤقتة أولإعالة أمها للزوجة كونها مريضة ووضع البيت كونه أرضي مناسب لها ولحالتها , والمصاريف المادية ما بيتهرب منها الزوج وبشارك فيها وبساعد ===> هون مافي مشكلة :idea:

ورأي إيجابي..
التانية :
الزوج يسكن عند أهل الزوجة ولا يشارك بأي شي بالمصاريف وبيتهرب منها :idea:

===>هون أكيد رأي سلبي .. :idea:

Citer:

*شورأيك بالمرأة التاجرة؟؟كمان...ليش؟

المرأة التاجرة , هي بالنهاية امرأة عاملة :idea:

وكمان وتبعا للقصص اللي عم نسمعها من أرض الواقع من إمرأة توفى زوجها وما تركلها شي لا إلها ولا للولاد , فما لقت قدامها غير تجيب بضاعة وتبيعها بالبيت لتكسب من وراها , يعني شو بده يكون رأي , الله يعينها طالما طريقة للكسب الحلال.. :arrow:

رغم وجود بعض التحفظات إلي عن المراة بهالمهنة بس بالنهاية الله يساعد العالم ....

Citer:

شو رأيك بالإرشاد النفسي وخصوصا إنت سنة رابعة..عقبال التخرج بأعلى الدرجات... ؟

شكرا كتير إلك ..
يا ستي الإرشاد النفسي حلو , بس السنة والله أكتر سنة بتعب كل هالقد , لدرجة إني حاسة حالي صايرة نقاااااااااااااقة :mrgreen:

Citer:

عطيني ميزة جيدة؟ ميزة سيئة؟

الميزة الجيدة:بصراحة ما بعرف أين تكمن هي الميزة :idea:

الميزة السيئة : هي إنه وقت بتعملي شي , أو بتحكي مع ولد أو ربما بتتصرفي تصرف .. بتلاقي اللي حواليكي عم يقولوا : له إنتي مرشدة نفسية وهيك :idea:

له الإرشاد النفسي مو بهالطريقة ... يعني تعليقات بايخة :evil:

Citer:

بغض النظر عن الدراسة..بأي حال ممكن تغاري من فتاة أخرى....أحلى....أغنى...أطول.....؟؟؟؟؟

صدقيني والله ولااااااااااااااااا وحدة :arrow:

Citer:

ماتقوليلي أكيد ما كتار

لا مو كتار بس صعبين شوي :mrgreen:

, وبالأخص إني فهمت أول سؤالين على كيفي وإنشالله يكون فهمي صح *Hi

Citer:

تقلبي مروري ..وتحياتي....

أهلا وسهلاً *ورود

بانة · **Publié:** Dim Nov 09, 2008 7:35 pm

رح أخد إستراحة شوي

بانة · **Publié:** Dim Nov 09, 2008 8:06 pm

ثـــائـــر,

Citer:

1- انت قلت انك بتآمني با الحب ..طيب بانة شو هو الحب بنظرها ؟؟

والله صدقني ما بعرف كيف جاوبك بالضبط شو هو الحب بنظري , يمكن صار لازمني نظارات

, انا هيك قلت لأنه صار في قدامي نماذج مو قليلة من قصص الحب الناجحة واللي توجت بالزواج أو على الأقل الخطبة .. طبعا مبدئيا بغض النظر لمرحلة ما بعد الزواج :arrow:

Citer:

2- انت بتحبي شخص و هو بحبك ... بيوم من الأيام بقلك انو انا بدي سافر يا بانة لأنو مستقبلي برات البلد مو هون ... و يمكن طول كتير و انت اذا بدك تنتظريني انتظريني و اذا ما بدك انت حرة ..شوفي حياتك ... شو بكون جوابك ؟؟

هلق هيك بده يقللي : إذا بدك تنتظريني إنتظريني وإذا ما بدك إنتي حرة :idea:

طيب وينه هو بالموضوع :idea:

...
حتى يقللي وين هو بالموضوع :wink:

بقلله إني انا بحاول إنتظره قد ما بقدر ..

Citer:

3- بدي منك تحكيلي عن موقف تمنيتي من قلبك انو يكون عندك أخ ؟؟ ..

بشكل عام ما بتمنى يكون عندي اخ :mrgreen:

, بس الموقف الوحيد اللي صار وتمنيت فيه إنه يكون عندي أخ , وقت ضاعت هويتي وكان لازم إني روح على مركز الشرطة وبلغ و.........و.........و , وكون البابا مسافر وما حدا فاضيلي :cry:

تمنيت إنه يكون أخ يروح يتشنطط معي

, بس آخر شي لقيت الهوية :idea:

وقلتله لأخي اللي تمنيته : ولا منيتك :mrgreen:

Citer:

4- اختك اديه عمرها ؟؟ و شو بتعمل بالحياة ؟؟

أختي أكبر مني عمرها 24 سنة , وهي دارسة ادب إنجليزي وحاليا هي سنة اولى ما جستير ..

Citer:

5- بدي اياكي تعطيني نهاية لكل من الحالات التالية ..طبعا بدي بانة المرشدة ..

كان لازم تعطيني تفاصيل أكتر عن كل قصة , منشان أعطيك رأي كـ بانة المرشدة

Citer:

-- شب بحب بنت اكبر منو ...

يمكن رح يتركها مع الوقت ويلاقي البنت الأصغر منه واللي قال يعني بتناسبه (((صحوة متأخرة )))

Citer:

-- انسان أغضب امو و اتزوج بنت غربية ...

رح تبقى حالة الجفا بينهم موجودة , إلى أن يصاب أحد بالأذى , الأم أو الإبن أم أحد أبناء الإبن أو هيك شي قريب

Citer:

-- شب حب بنت اغنى منو ...بس بحبو بعض ..

رح يتزوجوا ..... و يتساعدوا ........ :mrgreen:

Citer:

-- بنت حبت رجل متزوج و عندو اطفال ...

إما رح يتركها , او رح تتركه , أو رح يتزوجوا ....

ما بعرف

Citer:

6- اعطيني تفسير لكل مما يلي ...

Citer:

اتنين كانو قاعدين مع بعض و مافيهم شي و عم يضحكو و مبسوطين ..و فجاة بتلاقي العالم حواليهم عم يحاولو يفكوهم لانهم عم يتخانقو و يتضاربو ..

واحد فيهم حكى شي مس التاني بكرامته , فعصب التاني على الأولاني :mrgreen:

لأنه ما اتحمل الكلام أو يمكن الكلمة ..

Citer:

واحد كان قاعد مع حبيبتو و عم يغازلها و عم يطلع بعيونها ..و فجاة بتضربو كف و بتقوم بتركض و هي عم تبكي ..

بكون قلل حيا معاها وحكاله شي كلمة برات الطريق تماماً :shock:

مما أدى لحدوث الحادث :mrgreen:

Citer:

--- شب وحيد على اهلو .سافر لبلاد برا و ما رجع مع انو اهلو رح يموتو علاي و هو بيعرف ها الشي ..بس مع ها الشي ما عم يرجع ..

أناني , وما هامّه حدا :evil:

وما حبيته

Citer:

-- واحد ماشي با الشارع و عم يحكي مع حالو .. مع انو مانو مجنون ..

مافي أكتر منهم هدول ,,, فسرلك حالته : فوق راسه ضغوط كتيرة :arrow:

Citer:

7- ( بتمنى الله يسهلي مشواري بكرة )
وين كنت رايحة ؟؟؟

كان لازم إختار بين مكانين روح عليهم إما الأحداث :shock:

او مدرسة شباب ثانوي :shock:

,,,, واخترت الأحداث :idea:

Citer:

8- ( اليوم عملت إنجاز هو صحيح بسيط بس مهم )
شو هو هادا الانجاز ؟؟؟

قدمت مخططات البحث للمعيدين بعد جهدٍ جهييييييد :cry:

Citer:

يلا حاجتك اليوم .. نلتقي غدا ... بس انا حباب و اسئلتي ليكيهم شو سهليين ..

أنس الدالي · **Inscrit le:** 22 Mars 2008

بــانــة, *ورود

شو هالكرسي هاد الي مختاروا ثائر يا لطيف الله يعينك بدك اضلي واقفه *ممم

انا كالعادة ما بحب كتر اسئله سؤالين وبس
هل عشت قصة حب وهل كانت ناجحة وما زالت ام فشلت
وان فشلت فمن كان سبب فشلها *ممم

اما السؤال التاني
ما رأيك باشعار نزار قباني وما رأيك بشخصيته
لنا عودة :mrgreen:

Latest Posts

الـــيـــوم بـــانـــة على كــرســي الاعــتــراف