ضع سؤال للدكتور : إبراهيم اسماعيل , المقابلة القادمة !!

Banoun · **Inscrit le:** 26 Mars 2009

مرحبا.. انا أدرس في جامعة البعث و لكنني لست مقيمة في حمص...
عندي سؤال بالنسبة لعلامة الغة (1) اي الصوتيات و القواعد للسنة الاولى هل نزلت بالجامعة؟؟

شكرا

Odysseus · **Publié:** Ven Mars 27, 2009 3:21 am

الدكتور ابراهيم اسماعيل من الدكاترة المحبوبين كتير بالكلية . . و هو عادل كتير بالتصحيح . . يعني اذا طالب كاتب منيح بياخد علامة عالية عندو مو متل بعض دكاترة بجامعات تانية . . بتحسون معقدين نفسيا و عندون قناعة انو الطالب مالازم ياخد أكتر من 65 مهما كان مستواه عالي . .

عندي سؤال شخصي للدكتور ابراهيم ( فارس لا تطنش هاد السؤال ها) :wink:

:

يا ريت يحدثنا الدكتور ابراهيم عن رحلته لنيل شهادة الدكتوراه . . بدأ من معدل التخرج . . السفر . . موضوعي بحثي الماجستير و الدكتوراه . .

مشكور فارس . .

وهي أحلى وردة لوردة الجامعة الدكتور ابراهيم . .

لأنو بيستاهل و نحنا طلاب الرابعة كتير كنا زعلانين انو مادرسنا هي السنة . . و أنا شخصيا رحت لعندو على المكتب لسلم عليه و اسألو ليش . . قلي انو ضغط مواد و انو ماعم يلحق للتعليم المفتوح و الأدب الإنكليزي لكافة السنوات مع بعض . .

الله يعطيك العافية دكتورنا ابراهيم

سيرين · **Publié:** Ven Mars 27, 2009 8:38 pm

مرحبا علاء مابظن أنو فارس رح يطنش هاد السؤال لأنو سؤال روتيني و أنا بدوري بضم صوتي لصوتك وأسأل نفس السؤال [quote]
ا ريت يحدثنا الدكتور ابراهيم عن رحلته لنيل شهادة الدكتوراه . . بدأ من معدل التخرج . . السفر . .

سيرين · **Publié:** Sam Mars 28, 2009 5:32 pm

[السلام عليكم ورحمة الله تعالى وبركاته أول الشي شكرا لآرتين و للدكتور ابراهيم.في عنديسؤالين للدكتور ابراهيم 2-بعيدا عن الدراسة و أجوائها......الكثير من الطلاب يضع نصب عينيه السفر الى خارج البلاد حتى قبل تخرجهم ....كيف ينظر الدكتور ابراهيم لهذا الموضوع؟ماهو رأيه؟هل هو مع أو ضد؟وماهي النصيحة التي يمكن أن يسديها للطلاب في هذا المجال؟

1-ما هو رأي الدكتور ابراهيم بشهادة التوفيل و غيرها من الشهادات المماثلة؟خاصة وأن بعض الطلاب و جدوا أن أن هذة الشهادة أفضل من المتابعة في الدراسات.مع الشكر الكبير لآرتين قمة القمم

Odysseus · **Publié:** Sam Mars 28, 2009 7:51 pm

سيرين,

Citer:

بعيدا عن الدراسة و أجوائها......الكثير من الطلاب يضع نصب عينيه السفر الى خارج البلاد حتى قبل تخرجهم ....كيف ينظر الدكتور ابراهيم لهذا الموضوع؟ماهو رأيه؟هل هو مع أو ضد؟وماهي النصيحة التي يمكن أن يسديها للطلاب في هذا المجال؟

سؤال حلو كتير :mrgreen:

بس ليش بلشتي بالسؤال رقم 2 و بعدين السؤال الأول :mrgreen:

أنا كمان بحب أكد على السؤال التاني

Citer:

ما هو رأي الدكتور ابراهيم بشهادة التوفيل و غيرها من الشهادات المماثلة؟خاصة وأن بعض الطلاب و جدوا أن أن هذة الشهادة أفضل من المتابعة في الدراسات

يا ريت الدكتور يعطينا رأيو بهالموضوع

الملاك · **Publié:** Dim Mars 29, 2009 4:21 am

بصراحة أسئلة الطلاب لحد الآن بتعكس واقع طالب الآداب بشكل عام بكل ما فيه من مرارة ولكن:......
أنا بالنسبة إلي قضيت أيام حلوة بهالجامعة ودرست مواد رائعة مع هالدكتور ونجحت عندو وبكنلو من الحب والاحترام والتقدير الشيء الكثير
ولأنو بصراحة ما عندي ولا سؤال آكاديمي لأني تخرجت فرح آخد فرصتي الرائعة هون بطرح وابل من الأسئلة على دكتوري الحبيب الدكتور ابراهيم واللي من قبل ما فوت عالدأب الانجليزي أنا معجبة بتوقيعو
أسئلتي :
1- من وين حضرتك دكتور ؟ على اعتبار أنو واضح انك مانك من حمص
2- متزوج أكيد...كم ولد عندك؟ وكم بنت؟ أديه أعمارن وشو عم يدرسوا؟
3- درسوا برغبتك؟ أما حسب رغباتن الشخصية؟...وهل بتعتبرن ناجحين؟
4- بتحكي بالبيت انجليزي؟
5- كيف اتعرفت عالمدام؟ وهل هي طالبة أدب انجليزي "كنهج 90% من دكاترة الانجليزي " أو ما مدى اقترابا من هاللغة؟
5- واضح تماماً انك انسان بتقرا كتير...وقاري كتير ف:
- معقول لهلأ وبهالعمر بتقرا؟
- بتقرا كتب ؟ أم مقالات؟ أم جرائد؟...وشو بتفضل
-بتقرا باللغتين أما بتفضل احداهما؟
- قرآتك أغلبها النثرية أم الشعرية؟
"وأسألتي عن شاعرك المفضل....سبقني صفوة "
6-بالأدب الأميركي بالتالتة درستنا شعر لشعراء ختايرة...يعني روبرت فروست ..أيمرسن وحتى ادغار ألان بو كان مانو شب...لوهلة ..وبصراحة قبل ما اتعمق بمعاني القصائد اللي حضرتك اخترتن...اتهيألي أنو الدكتور ابراهيم لأنو كبير بالعمر بنقي شعراء ختايرة أما الدكتورة مروة فكانت تنقي شعراء شباب وقصص حب على قد عقلنا...عكس القضايا الأعلى منزلةً اللي كانت تطرحا القصائد اللي تناولتا حضرتك دكتور فـ:
- هل أنا محقة بأنو عمر الشاعر بأثر على اختيارك؟
- ذوقك أما حاجة الطالب الأدبية بتحكم اختيارك؟
- بصراحة....أنت بتحب الشعراء...أو القصائد اللي درستنا اياهن؟
" أنا بصراحة يا دكتور ما حبيتك إلا من بعد قصائد الأميركي اللي عطيتنا اياهن بالتالتة "
7- سؤالي هالمرة شخصي جداً وحسرة بقلبي اسألك اياه يا دكتور
مشان الله حابة أعرف ليه حضرتك درستنا رواية سياسية متل مزرعة الحيوانات ورواية اجتماعية باردة وسخيفة متل آنا والمدن الخمسة ورواية مملة وكئيبة واجتماعية متل جود المغمور بنفس نبرة الصوت وبنفس ملامح الوجه وبنفس الحماس"البارد" اللي درستنا فيه رواية عاطفيه جداً متل مرتفعات وذرينغ ورواية بتأثر بالحجر متل الحرف القرمزي؟؟؟؟؟؟؟
ليه أثناء الإعطاء ملامح وجهك ما بتتغير ووتيرة صوتك ما بتتغير وكأنو مافي موضوع أو فكرة أو قضية بتأثر فيك؟
8- احكيلنا موقف مضحك صار معك....وبتتذكرو عطول
9- مين من الدكاترة أصدقاء شخصيين إلك؟ وهل حدث وصار أحد تلامذتك من أصدقائك؟
10- شو رأيك بسياستنا العامة داخل الكلية من حيث المنهاج وأسلوب الإعطاء ومستوى الدكاترة وتقسيم أيام الدوام والقطع والامتحان...وكلشي

والله لسا عبالي كمان عشر أسئلة بس بخاف فارس يقول عني دمي تقيل
على فكرة فارس بغرمك على كل سؤال بتطنشو
هادا الدكتور ابراهيم.....كتر خيري اختصرتن بعشر أسئلة

Manal_m · **Inscrit le:** 08 Mars 2009

السلام عليكم
أولا:أحب أن أشكر مدير هالموقع الرائع الأخ فارس على جهوده التي يبذلها وخصوصا أنه على أبواب التخرج"نسأل الله لك النجاح والتوفيق في هذه السنة وسائر السنين"
ثانيا:نشكر الدكتور ابراهيم" الغالي على قلوبنا"على قبوله للمقابلة *ورود

وأسئلتي هي:
1.علمت أن للدكتور ابنة في السنة الثالثةفي الادب الفرنسي؛فما هو سبب اختيارها الفرنسية عوضا عن الانكليزية؛مع انها اختصاص والدها؟
2.كيف سيكون نموذج الاسئلة لطلاب السنة الثالثة؟؟؟
3.علمنا أنه من المحتمل أن الاسئلة المؤتمتة ستلغى لكافة المواد؛فما هو السبب؟
4.هل من الممكن أن تصلح الاسئلة المؤتمتة يدويا في حال كان يوجد خطأ في تظليل النموذج؟
5.أي السنوات التي يحب تدريسها الدكتور ابراهيم ويشهر معها بالارتياح"خصوصا في هذا العام"؟
6.ماهو سبب اختياره الانكليزية وهل كانت رغبته؟
7.ماهي الطريقة المثلى لدراسة مادة النثر 1900؟
8.ماهو أجمل شيء في حياة الدكتور ابراهيم اسماعيل؟
9.أخبرني الدكتور أنه مع زواج الشاب المبكر(17/18)فلم أستطع نقاشه :oops:

أن الشاب في ذلك العمر من المستحيل أن يكون قد أمن مستقبله ولا يملك من خبرة الحياة شيئا.فلماذا الدكتور مع الزواج المبكر لشاب :!:

10.وأخيرا بتمنى من فارس ما يهمل ولا سؤال من الاسئلةويوصل سلامنا و شكرنا للدكتور المحبوب ابراهيم اسماعيل

Hiba · **Inscrit le:** 02 Mars 2007

هل ملّ معظم دكاترتنا من تصحيح الاوراق التي طالما كتب فيها العديد من شرح اقصائد المتشابهة والمواضيع التي قد تكون واحد في معظم اوراق طلابنا الذين بعتمدون ع مبدا ؟؟؟

هل تعتقد ان مواد الاتمتة قد ادت بالطالب الى الكسل والخمول او ازعجبته بعد ما كان يبصم مووضوعين او تلتي ويروح يقدم الفحص وع الدنيا السلام ؟؟؟

ما هي برايك نسبة الطلاب التى قد قرات مزعة الحيوان وان والمدن الخمس ومرتفعات وذرينع بالانكليزي او اي واحدة من الروايات؟؟؟؟

ماهدفك احيانا من تسهيل الاسئلة (مثلا بفحص الامريكي الذي مضى )؟؟؟؟

مارايك باسئلة الاتمتة التعجيزية واللتى قد لانجد لها اجوبة عند الدكتور ذاته او بالمقرر ؟؟؟

مشكورين

mr penguin · **Inscrit le:** 21 Mars 2009

السلام عليكم:أولا: أتوجه ب الشكر الى الدكتور العزيز على قلوبنا الدكتو ابراهيم اسماعيل ومع تمنياتنا له ب الخير والسعادة.

ثانيا :اتوجه ب الشكر للقائمين على ادارة هذا المنتدى الرائع والجميل والمفيد

لجميع الطلبة.

السؤال هو: أتمنى من جميع الاعضاء والعاملين في هذا المنتدى أن نستفاد من الدكتور أبراهيم اسماعيل من خبرته في مجال التعليم الجامعي وليس نحن هنا لنسأله اين درس وماذا فعل في حياته المهم ي أخوتي الاعزاء الافادة والاستفادة من منهاج الدراسة والتعليم وليس التحقيق. اصبح الاهتمام ب التفاصيل أكثر من الجوهر وشكرا لجميع الاعضاء والمشرفين والقئمين على المنتدى مع تحياتي الى كل دكتور في جامعة البعث.

آرتينيه مغتربه · **Inscrit le:** 20 Octobre 2008

بما انه الدكتورهو الي سمح باي بسؤال والدكتور مستعد لاي سؤال في اي مجال فبالتأكيد النا حرية نسأل اي سؤال وهي اسمها مقابله يعني ما بس مقابلة التعليم الجامعي والحلو بالمقلبلة انها تكون شامله لكل شي ومن حيث الشخصي والتعليمي

وسؤالي هو
هل صحيح ان الاسئله المؤتمته ستلغى لكافة السنوات
وماهي الطريقه الصحيحه لدراسة النثر 1800
وشكرا

Latest Posts

ضع سؤال للدكتور : إبراهيم اسماعيل , المقابلة القادمة !!