الكلاسيكي ((سنة رابعة))

Raghad · **Posted:** Fri Nov 23, 2007 5:48 pm

السلام عليكم

كيف همة طلاب السنة الرابعة ؟؟
مشان مادة الكلاسيكي معقول انو نقرا الروايات بالكامل ؟ يعني The Iliad كتير طويلة و ما بتنقرا و المشكلة انو الدكتور ما عم يقرا كتير من داخل شو الحل برأيكم؟
لما كنا عم ناخد الملك اوديب كنت كل محاضرة قول هي المحاضرة رح يبلش يقرا منا و إذ بتفاجأ لما قال وهيك يا طلاب منكون خلصنا الملك أوديب يعني دراسة الملك اوديب أسهل بكتير من دراسة الالياذة
وبالنسبة لفيلم الالياذة من كوة التصوير بتفاجأ بعد ما بشتري انو مو نفس الرواية اللي عنا
بتمنى اللي عندو أي فكرة نتناقش فيا بهالموضوع

Roula · **Posted:** Fri Nov 23, 2007 6:17 pm

انا يلي بعرفه انو بالنهاية بالفحص المواضيع بتجي من الالياذة و التعليق من المسرحية التانية....فلذلك مامضطرة تقراي كل شي......... ومشان الفلم طبعا الرواية إلا عدة قصص متسلسلة....لذلك الفلم مانو أساسي...

Safwat · **Posted:** Sat Nov 24, 2007 2:25 pm

انا رح حاول اليوم اقرا السمري تبعولها و يا ريت كلنا نتساعد بهل المادة

الملاك · **Posted:** Mon Nov 26, 2007 2:38 pm

ياااااااااااااااااااااااا ريت نتساعد يا صفوة
وبالنسبة للقراءة..........والله ما بعرف أنا من الأولى لهلأ ما قريت غير الرجل والسلاح بالانجليزي وضليت عليا سنة
بقا ما بظن اني بقدر اقراها.........بس الدكتور فؤاد كتير مصر انو نقراهن...يعني أصر وبركز بكل محاضرة...بقا أكيد أسألتو رح تنبنى على هالأساس

Safwat · **Posted:** Mon Nov 26, 2007 10:09 pm

الملاك,

اختي ملك انا مع اللي قالتو رولا يعني نقرا اوديب بالانكليزي كلها و بدها يوم مع حباشاتها
و ندرس نوتات الاليادة .......مواضيع و اسلوب و شخصيات و مواضيع و نحضر الفلم تبع براد بيت

الملاك · **Posted:** Mon Nov 26, 2007 11:55 pm

هلأ أوديب بدا يوم
شو صفوة كنو مركب نظام صاروخ للعصب البصري عندك

هلأ أنا سؤالي انو الدكتور قال انو فرق بين الآلهة الاغريقية والآلهة الطروادية
أنا ما لاحظت هالشي..........بس معقول نضطر نحفظن
واسماء شخصيات كتير هائل
أنا ما مسدقة انو كلو مطلوب..وبصراحة سؤالي لرولا......انو شو عملتي أنت
وشو رأيك؟
نحفظن كلن؟

Ahmad ES · **Posted:** Tue Nov 27, 2007 12:06 pm

Roula wrote:

انا يلي بعرفه انو بالنهاية بالفحص المواضيع بتجي من الالياذة و التعليق من المسرحية التانية....فلذلك مامضطرة تقراي كل شي......... ومشان الفلم طبعا الرواية إلا عدة قصص متسلسلة....لذلك الفلم مانو أساسي...

هاد الحكي كان عدور الدكتور حلمي بس هلأ الموضوع مختلف....الالياذة مستحيل نتقرأ بالانكليزي..يعني بتوقع بدها شي سنة لتخلص :cry:

سنا · **Posted:** Tue Nov 27, 2007 5:07 pm

يعني هلأ بالنسبة للكلاسيكي ما رح اقرا الالياذة لا بالعربي ولا بالانكليزي..
بصراحة لأن هالملحمة قاريتها من زمان بالعربي وشايفة تقريبا كل أفلامها.. في فيلم الآلهة .. the odyssey هاد شامل لكلشي... وفي فيلم تروي.. لبراد بيت.. هاد بس بيحكي عن حرب طروادة...
بس شو المطلوب لحد الآن ما فهمت من الدكتور ..
بالنسبة للآلهة أنا سمعتو عم بيقول نفرّق بين الشخصيات الاغريقية والشخصيات الطروادية.. أما آلهة فما بتوقع انو يكون في آلهة طروادية :shock:

Raghad · **Posted:** Tue Nov 27, 2007 10:47 pm

هلأ أنا من ناحيتي رح اقرا الملك اوديب بالنكليزي و النوط التابعة إلها
أما عن الالياذة فبظن انو الفيلم اللي قال عليه صفوة تبعيت براد بيت رح يفيدنا كتير لانو مستحيل نقدر نقراها كلا بالانكليزي و منحاول نقرا مواضيع عنا و بعض التعاليق و نحفظ الأشياء اللي عم ينقلنا ياهن الدكتور :wink:

و أكتر من هيك ما منقدر *ورود

رولا

Quote:

انا يلي بعرفه انو بالنهاية بالفحص المواضيع بتجي من الالياذة و التعليق من المسرحية التانية

هاد النظام متل ما قال الأخ أحمد للدكتور حلمي بينما الدكتور فؤاد بدو يانا نقراهن التنتين بالانكليزي

و هاد الشي مستحيل لذل انا رح ادرسها متل ما حكيت و اكتر من هيك مستحيل :wink:

بالتوفيييييييق *ورود

سنا · **Posted:** Wed Nov 28, 2007 11:42 pm

[quote]
هلأ أنا من ناحيتي رح اقرا الملك اوديب بالنكليزي و النوط التابعة إلها

:shock:

أي نوطة؟؟؟

Latest Posts

Forum rules

الكلاسيكي ((سنة رابعة))