الــيــوم ..nano.. عـــلـــى كـــرســــي الاعـــتــــراف

Wissam · **Posted:** Mon Nov 09, 2009 6:04 pm

هاهاهاهاهاهاهاها :mrgreen:

وهلأ إجا دوري.....وباعتبار أغلب الأسئلة انسألتيها وما بتحبي الأسئلة الخاصة :mrgreen:

بقا لنشوف شو بيطلع معنا *ممم

1- لو نصيبك تضلي بالسعودية بحكم ظروف حياتك (زواج - عمل....الخ) بتقبلي؟
2- شو أكتر شي بتحبي تعمليه لما بتجي هون ع سوريا؟
3- إنتي بمحل معين....شفتي حدا ما حابة تشوفيه ولا تحكي معو أبدا فات عالمحل!!.....شو ردة فعلك؟
4- هل في شي بتحبي تطوريه بشخصيتك؟ وإذ إيه شو هو ؟
5- إذا انزعجتي من حدا....بتواجهيه مباشرة أو بتقطعي تواصلك معو؟
6- قدامك كاستين :mrgreen:

: ميلو وشاي وصرلك شهر ما شربتي ال 2 .....شو بتختاري؟ :mrgreen:

يلا حاج هدول لحد الآن......هو أنا فوتي ل سلم :mrgreen:

موفقة

..nano.. · **Posted:** Thu Nov 12, 2009 5:25 pm

Quote:

السلام عليكم

وعليكم السلام..

Quote:

اول شي اهنيك نانو على اجوبتك ....
مع انك عم تقولي انه يقال عنك انك كتومة .. بس اليوم الصراحة الأعضاء عن جد ما قصرو، هروكي أسئلة

تسلم ..انا فلت على حالي كتومه ههه الاعضاء هيك بقولو دائما.. :mrgreen:

Quote:

وأنس احييك على هالأسئلة اللي عن جد رهيبة كأنك مقدم برنامج ومحضر ارشيف كل المشاركات التي تم فيها ذكر اسم نانو

وحبيت علق على اغرب سؤال بالكرسي بالنسبة إلي تبع رجل الصرصور عن جد شو فايقة ورايقة fofo star على هالسؤال عن جد حشيش

اي ما شااء الله على أنس .. :mrgreen:

وفوفو المحششة .. :mrgreen:

Quote:

في كمن سؤال حابب اسألهن إذا لم تمانعي
0) شو اكلتك المفضله " عم امزح بما انه عم يتكرر هالسؤال"

فكرت جد كنت رح انجلط ... :mrgreen:

Quote:

1) شو ماركاتك المفضلة اللي قلتي انه اذا صار معك فلوس بتشتري منها ؟؟

مممم والله بحب محلات كتيير..
zara ..وmango..وbershka..وgucci..و..... نكتفي بذكر هدول ... :mrgreen:

Quote:

2) إلى اي درجة تؤمني بان الحب الصادق ممكن ان ينتهي بزواج؟

هي مو شغلة بؤمن او لا انا بشووف على حسب الاهل والواقع وكيف الحياه بس ..كحب وازا ما في شي ومشاكل والكل متفق وموافق فليش لا بينتهي بزواج ...

Quote:

3) هل عمرك حسيت بأنه الحب فيه ضعف ؟؟

مممم أي دونت نوو ... :mrgreen:

Quote:

4) لو أن اليوم صرت انت صاحبة القرار ببيتك شو بتغيري ؟؟ غير انك تنزلي على سوريا هههه

ههههه طبعا متل ما قلت بعيش بسوريا هه
بس شو بغير ممممم والله ما بعرف مافي شي بيخطر ع بالي اممم اي بغير بضل بيتنا ع طول رواق لانو بابا عصبي شوي بس انا رااوواق.. :mrgreen:

Quote:

5) شو اكتر شي بخليكي ضد الحب عالإنترنت؟

كل شي يعني عم حب واعشق ع النت وكمان ممكن ما كون بعرف الشخص الي عم احكي معو وحتى لو تعرفت عليه بعدين مو متل لمالما الواحد بكون بيعرف الشخص الي عم يحكي معو منيح بلحقيقة وبيعرف عنو وعندو خلفية عنو ما عرف وعلاقة كلها خطأ بخطا بشووفها انا شخصيا ...

Quote:

6) على حسب ما استشفيت انه تربطك علاقة منيحة بالورد شو أكتر 3 أنواع ورود بتحبيهن ؟

والله صح بحب الورد كتير وكل الأنواع بشكل عام ..
بس ما بعرف انواع معينة وبحب الياسمين كمان .. :mrgreen:

\

Quote:

7) شو الشي اللي بخليكي تخجلي ؟؟؟

هههههه انا بطبعي شوي خجولة لو شفت ناس ما بعرفون او حتى وقت كون مع ناس بعرفون ما بعرف ما في شي معين بخليني اخجل انا هيك بشكل عام بس مو لدرجة كمان هههه .. :mrgreen:

Quote:

حاج يمكن تقلت عليكي
وبتمنالك التوفيق بال MIS وان شاء الله بتنجحي وبتحققي ياللي ببالك وتنزلي على سوريا بأقرب إجازة

لا ولا يهمك انت بتنور ما تقلت.. :mrgreen:

وانت موفق ..

..nano.. · **Posted:** Thu Nov 12, 2009 5:38 pm

Wissamo,

Quote:

هاهاهاهاهاهاهاها
وهلأ إجا دوري.....وباعتبار أغلب الأسئلة انسألتيها وما بتحبي الأسئلة الخاصة بقا لنشوف شو بيطلع معنا

أهلا وسهلا بوسامووو والله .. :mrgreen:

اي دورك محفوظ ولوو ..يس يس ما بحب الخاص .. :wink:

Quote:

1- لو نصيبك تضلي بالسعودية بحكم ظروف حياتك (زواج - عمل....الخ) بتقبلي؟

مممم والله ما بعرف هاد قرار صعب على حسب يعني ازا كانت فرصة عمل قمية وجيده يمكن ابقى لفترة ...

Quote:

- شو أكتر شي بتحبي تعمليه لما بتجي هون ع سوريا؟

كل شي بعملو بحبو هههه
بحب وقت شوف قراايبيني واجتمع معون ..
بحب وقت انزل ع حمص عند ستي كتير بننبسط بحمص وبحب روح على الكفيات الي فيها واتمشى بدبلان واكول ايس كريم .. :mrgreen:

وبحب روح بدمشق على جبل قاسيون وبحب اتمشى بالصالحية والشعلان...وروح عند عصير ابو شاكر المشهور .. :mrgreen:

وغيرو وغيراتوو....

Quote:

- إنتي بمحل معين....شفتي حدا ما حابة تشوفيه ولا تحكي معو أبدا فات عالمحل!!.....شو ردة فعلك؟

مممم انا ما بقوم بسلم عليه ازا ما مو حابه شوفو او احكي معو بعمل حالي كاني ما شفت بس ازا اجا وسلم علي طبعا بقوم وبسلم ...

Quote:

- هل في شي بتحبي تطوريه بشخصيتك؟ وإذ إيه شو هو ؟

أكيد الكل بحب يطور حالو ويطور شخصيتو بحب اتثقف أكتر مشان لما اتناقش مع حدا اقدر كون بعرف كل شي تقريبا اقرأ استفيد وهيك يعني وخلي حالي مو خجولة كتير هههه ..

Quote:

5- إذا انزعجتي من حدا....بتواجهيه مباشرة أو بتقطعي تواصلك معو؟

لا بقلو اني انزعجت منو يعني مشان يعرف ومشان كون ارتحت وخبرتو وبلزات ازا حدا متل رفقتي يعني اكيد لازم قلها اني انزعجت مان تعرف وهيك ..عادي يعني ..

Quote:

- قدامك كاستين : ميلو وشاي وصرلك شهر ما شربتي ال 2 .....شو بتختاري؟

هههههه لا هيك صعب علي اخترتلي اكتر شغلتين بحبون بس رح اختار ميلو ... :mrgreen:

Quote:

يلا حاج هدول لحد الآن......هو أنا فوتي ل سلم

انت بتنور يا اهلا وسهلا فيك ..

Quote:

موفقة

يو تو موفق يارب .. *ورود

Latest Posts

الــيــوم ..nano.. عـــلـــى كـــرســــي الاعـــتــــراف