نداء عاجل لطلاب السنة الثالثة......... أغيثونا أغاثكم الله

العز بالإسلام · **Posted:** Mon Apr 06, 2009 5:58 pm

السلام عليكم ورحمة الله

أولا ندعو لله أن يفتحها مع أخونا مازن و يفرج همه و ييسر أموره مهما كانت ويوفقه

إخوتي الصراحة تفاجئت بهالخبر فعلا

كنت حابة بالبداية أكون مراسلة للسنة التالتة فلقيت أن الأخ مازن سابقني

و إلي فترة ما دخلت عالمنتدى فتفاجئت بهالخبر

ان شاء الله عخير

و أكيد حاسة بشعوركم لأنكم ما عم تعرفوا شو عم يصير بالجامعة
لأني السنة القادمة بإذن الله رح أكون مسافرة فأكيد بتمنى وقتها ألاقي مين يساعدني وخصوصا أن الملاحظات اللي يقولوها الدكاترة أثناء المحاضرة كتير مهمة

بس عندي سؤال للي ما بيحضروا أبدا........ مالقيتو مكاتب تتعاقدوا معهن ؟

يعني ممكن اللي عم يحضر يقدر يجبلكم ملاحظات و معلومات أما أكيد ما رح نقدر ينزل كل شي بيحتاجو الطالب هون !!!

المهم رح أحاول أجمع أكبر قدر من المعلومات ( الأكيدة ) و أنزلها هون إن شاء الله

والله يقدرنا نساعد

بالتوفيق

خالد الهبل · **Posted:** Mon Apr 06, 2009 9:10 pm

العز بالإسلام,
وعليكم السلام ورحمة الله
أشكرك ونشكرك على تفاعلك معنا في هذه المشكلة التي تعارضنا من ناحية الدراسة
بالنسبة لي نعم لم يخطر ببالي أن أتعاقد مع مكتبةمن المكتبات التي تراسل الطلاب في المحافظات ولكني سوف أقوم بالتعاقد مع إحداها
ولكن ومع ذلك فلابد من مساعدتكم زملائنا وزميلاتنا الأعزة فالمحاضرات التي يلقيها الدكاترة تحوي الكثير من الملاحظات الهامة جداً والمعلومات التي قد لا تتوافر في الكتاب أو حتى في المحاضرات التي تهيئها لنا المكتبات وهي غالبا ما تكون مهمة جداً
أعود ثانية وأشكر لك تفاعلك و تضامنك معنا في هذا الموضوع الغاية في الأهمية
وها نحن ننتظر منك أختي الكريمة ومن زملائنا الأعزة مساعداتهم

Mazen M · **Posted:** Tue Apr 14, 2009 12:23 pm

شباب عنجد ام سوري

انا أرسلت رسالة خاصة للمشرفة و المدير تبين أسباب غيابي ,,,

برجع و بقول ام سوري

واجبي اعتذر و اشكر كل من التمسلي العذر

انا عندي مادتين بس من التالتة منهجيو و نثر 1900

و ما عم احضر ,,,,,,,,,,,,,,,,,,,,,,,,,,,,,,,,,,,,,

شكرا الكن

خالد الهبل · **Posted:** Tue Apr 14, 2009 10:17 pm

Mazen M,
سيدي الكريم وعزيزي مازن
لا داعي أبدا للاعتذار فالدنيا يسر وعسر وجميعنا نقدر ذلك
وكلنا نعلم أنه لولا أن هناك ما يستدعي غيابك لما قصرت أبدا في مساعدة زملائك
أشكرك سيدي من قلبي على اعترافك بالمسؤولية
تقبل مني ومن الجميع الاحترام سيدي مازن

العز بالإسلام · **Posted:** Sun Apr 19, 2009 1:19 am

السلام عليكم ورحمة الله

الأخ مازن
ولا يهمك

اكيد متل ما اتفضل اخونا خالد
نعرف انه لولا ظروفك لكنت ما قصرت أبدا
فألف شكر الك وكل شخص منا معرض للظروف الخارجة عن السيطرة فأعانك الله

اخوتي بالنسبة للمواد أكيد اعرفتو بقرار الغاء الاتمتة
وسألت ( احدى الزميلات ) عن المواد من الفصل الماضي ( الحملة ) متل شعر عصر النهضة و تاريخ الأدب
فكان الجواب أنهم لازالو مأمتين ان شاء الله ما عليهن تغيير بالنسبة لهالفصل

فهذا شي مساعد لان اللي درسهن بالفصل الاول أكيد درسهن على طريقة ( الاتمتة )

و بالنسبة لمادة النقد
فحكى الدكتور أنه رح يجيب أسئلة أجوبتها قصيرة ( سطرين او تلاتة )
و آخر سؤال عبارة عن essay
و هلأ رح اكتفي بهالنقاط اخوتي لأني الاسبوع الماضي ما داومت بشكل كامل
فان شاء الله هالاسبوع رح داوم و اسال الدكاترة عن المواد

فإذا كان عن اي حدا منكم أي استفسار معين يتفضل يحطللي ياه هون
لاني ناوية اسال الدكاترة واحد واحد مشان نعوض كل ملاحظة فاتتنا بهالفترة ان شاء الله
بس ادعو لربكم يتقبلو السؤال ويجاوبوني بروح رياضية متل ما اتعودنا من اغلبهم
و أتمنى التوفيق للجميع
دعواتكن :roll:

خالد الهبل · **Posted:** Sun Apr 19, 2009 2:47 am

العز بالإسلام,

وفقك الله يا أختي ويسر لك أمورك
بالنسبة لي لا يوجد لدي أسئلة لأني لا أعرف حتى الآن عن المواد سوى أسمائها وبعض المعلومات البسيطة
وقد تعاقدت مع مكتبة ولم يتم إرسال أي شيء حتى الآن
وها أنا أنتظر
ومع ذالك جزاكي الله عنا كل خير أختي الكريمة
وليتفضل الأعضاء بوضع أسئلتهم كي نناقشها سوية إن أمكن لنا
شكرا لك أختي

Latest Posts

Forum rules

نداء عاجل لطلاب السنة الثالثة......... أغيثونا أغاثكم الله