الرشح

rehab · **Posted:** Sun Oct 23, 2011 1:46 am

Safwat,

سلامتك أخي صفوة
ويكتر خير الله وخير الشيخ غوغل .... ما بيبخل علينا بالمعلومات

معافى إن شاء الله

لمى,

إي لمى هو إنو الرشح طبيعي بدو يضل اسبوع بكل الحالات بس أحياناً المسكنات بتخفف من الأزمة يمكن شوي
بس عجبتني مقولة الدكتور

rehab · **Posted:** Sun Oct 23, 2011 1:54 am

عصام,
سلامتك أخي عصام
الله يشفيك ويعافيك
طبعاً التهاب البلعوم صعب وكمان وجع صدر وحتماً صداع
يا ويلي الله يكون معك بس أكيد عم تاخد علاج ؟!!

بصراحة من سنين طويلة ما رشحت غير مرات لا تذكر الا السنة الماضية رشحت وكتر ما تعبت
تخيلت معي انفلونزا الطيور ههههه عن جد خفت اتصلت على سوريا على الدكتور كان شي مو طبيعي أبداً .

على قولتك بتذكر بسوريا لما يرشح حدا كان الكل يرشح يمكن لأن الغرف مسكرة والعدوة بتكون سريعة

الله يشفي الجميع يا رب *ورود

rehab · **Posted:** Sun Oct 23, 2011 2:06 am

Safwat,
العربية,

أحياناً في ناس بترتاح لدوا ما يمكن نفسياً وممكن حسب حالتها والإستفادة الي استفادتو

على كل
معافايين يا رب جميعاً *ورود

hatch · **Posted:** Sun Oct 23, 2011 3:23 am

موضوع رائع وقيم وخاصه في هذه الظروف الحاليه وتغيير في الطقوس وخاصه في بلادنا الشرق الاوسطية يكثر فيها الرشح والانفلونزا ولا ادري ما السبب .. ولكن بالواقع في امريكا هناك مطعوم او حقنه للحمايه من الرشحه وانا شخصيا لم اجربها خايف منها ههههههه
شكرا على الموضوع الجميل وان شاء الله ما حد برشح ولا بمرض يا كريم
بارك الله بكم وجعلكم من الصالحين واتم الله عليكم الصحه والعافيه

hatch · **Posted:** Sun Oct 23, 2011 3:28 am

اسف على الرد المتكرر
بس انسيت احكيلكم شغله مجربها كثير ... فليفله حاره .. بصل ،، ثوم
والله بتخلي الواحد مثل الحصان وضعه مثل اللعبة ... اسف مره اخرى للرد المتكرر

سليمان عمر · **Posted:** Mon Oct 24, 2011 12:19 pm

شكراً أخت رحاب عالموضوع والمعلومات الحلوة
أنا اليوم في قمة الرشح والسيلان الأنفي والعطاس ووووو.....
الله وكيلكن عم أكتب كلمة واستعمل محرمة لأنو موجة الرشح هالأيام مو طبيعية
على كل حال الحمدله على كل شي
وبالنسبة للأدوية لما كنت بالسعودية رشحت فاشتريت شراب من الصيدلية شربت منو معلقة وحدة ما عاد أقدر أرفع راسي وما عاد أعرف مّز بين الخمسة والطمسة
الله يعافي الجميع وبوجه نداء الى فيروسات الرشح والانفلونزا...(حلمكن علينا دبحتونا)

:lol:

rehab · **Posted:** Mon Oct 24, 2011 4:19 pm

hatch,
أهلاً أخي شرفت
بالنسبة للقاحات ضد الرشح أو أي مرض اكيد هاد خاص بكل دولة
حسب وضع المرض فيها
يعني لقاحات الأطفال في سورية مختلفة عن الموجودة في السعودية مثلاً

برأيي كونك مقيم لازم تاخد اللقاحات الموجودة بالبلد اللي انت فيه .

وبالنسبة للفلفل الحار والتوم والبصل ..... مع بعض بعتقد كارثة كطعم وريحة
على كل هدول المواد التلاتة مفيدين جداً للصحة
نورت الموضوع

rehab · **Posted:** Mon Oct 24, 2011 4:22 pm

سليمان عمر,
يا أهلا وسهلا
سلامتك إن شاء الله ومعافى
على ما يبدو بسوريا الكل مرشح حتى اللي بيسافروا وبيرجعوا
عم يرجعوا مرشحين .

القيروس منتشر بقوة الظاهر ..... الله يعافي الجميع

نورت الموضوع أخي

عصام · **Posted:** Mon Oct 24, 2011 7:55 pm

rehab,
الله يعافي الجميع ما اختلفنا بس انو الله يشفيهن مانا زابطة لانو اذا خلت الدني من المجانين ما بتصير حلوة

موسى محمد موسى · **Posted:** Mon Oct 24, 2011 8:15 pm

rehab,

هلأ أول الشي شكراً الك أختي رحاب على هالمعلومات الحلوة والمفيدة
وتاني الشي بعتذر على غيابي عن المنتدى يعني والله العظيم روحت على حالي
إفادة كتير كبيرة يلا الله بيعوض
وهلأ بالنسبة لأنو الناس كلا مرشحة ومرضانة
بس شو منشان أنو أنا متل الحصان
وماني مرشح والحمد لله
عكل حال الله يعافي الجميع
شكراً الك أختي رحاب موضوع مميّز

Latest Posts

الرشح